ارىز بەرۋشىلەر اقش كونستيتۋتسياسىنا سايكەس، مەملەكەت شەنەۋنىگى ءىرى بيزنەس-يمپەريانى باسقارا المايدى. ترامپ پرەزيدەنت سايلاۋىندا جەڭىسكە جەتكەننەن كەيىن، ءوزىنىڭ بيزنەسىن ساقتاپ قالاتىنىن مالىمدەگەن.

ترامپ قاڭتار ايىندا ءوزىنىڭ شەتەل ينۆەستورلارىمەن بىرلەسكەن بيزنەس-اكتيۆتەرىن ۇلدارى باسقاراتىنىن، بىراق ول ءىستىڭ ءبارىن ءوز قاداعالاپ وتىراتىنىن مالىمدەگەن.

كولۋمبيا وكرۋگىنىڭ باس پروكۋرورى كارل رەيسين مەن مەريلەند شتاتىنىڭ باس پروكۋرورى برايان فروش ترامپ اقش كونستيتۋتسياسىندا جازىلعان "قۇراما شتاتتاردىڭ لاۋازىمدى قىزمەتىندە جۇمىس ىستەيتىن مەملەكەتتىك شەنەۋنىك كونگرەستىڭ رۇقساتسىنسىز شەتەل باسشىلارىنان نە حانزادا، كورولدەرىنەن قانداي دا ءبىر سىيلىق، قىزمەت نە مارتەبە الا المايدى" دەگەن بابىن بۇزىپ وتىر دەيدى.

باسىم كوپشىلىگى رەسپۋبليكالىقتار بولىپ سانالاتىن اقش كونگرەسى ترامپتىڭ بيزنەسىمدى ساتپايمىن دەگەن مالىمدەمەسىنە ءمان بەرمەگەن. پروكۋرورلار بولسا، وزدەرىنىڭ شاعىمدارى بويىنشا تەپە-تەڭدىكتى ساقتاۋعا تىرىساتىندارىن ايتادى.

اباي-اقپارات