قازاق ەلىندە كرەملدىڭ ىقپالىنداعى اگەنتتەردىڭ اتقارىپ جاتقان جۇمىستارى مىنالار.

1. ءۇش تۇعىرلى ءتىل ساياساتى ارقىلى قازاق مەكتەبىن ورىس مەكتەبىنىڭ ءبىر تۇرىنە اينالدىرۋعا كۇش سالۋدا. بۇل باعدارلاما الدىمەن قازاق مەكتەبىندە ءبىلىم دەڭگەيىن تومەندەتىپ، ديسكرەديتاتسيا جاساۋدى ماقسات ەتەدى. ەكىنشىدەن، جالپى ەلدىڭ قازاقىلانۋىنا توسقاۋىل قويادى.
2. اگەنتتەر كادر ساياساتىنا ەلەۋلى ىقپال ەتىپ، قازاقشا بىلمەيتىن، نە ازەر سويلەيتىن اكىمدەر مەن مينيسترلەردىڭ تاعايىندالۋىنا بارىن سالىپ جاتىر. مۇنداي ورىس ءتىلدى شەنەۋنىكتەر ەشكىم مىندەتتەمەسە دە رەسەيدىڭ ساياساتىن وزدىگىنەن جۇرگىزە بەرەدى. سونىمەن بىرگە قازاق ءتىلدى بولا تۇرا رەسەيدىڭ ىقپالدى اگەنتتەرىنە كونبىس شەنەۋنىكتەر جوق ەمەس. ولار دا قازاقستاندا قازاق ءتىلىنىڭ سالتانات قۇرۋىنا تەجەۋ جاساۋدا.
3. بۇگىنگى رەسەيدىڭ ىقپالدى اگەنتتەرىنىڭ باستى ماقساتى – ورىس ءتىلدى قازاق سۋبەتنوسىن قۇرۋ. ولار ءبىزدى ءوز قازاعىمىز ارقىلى رەسەيدىڭ بودانى بولۋعا ۇدايى يتەرمەلەپ وتىرادى.قارا دا تۇر، ەرتەڭ ولار «ءبىز قازاقتان باسقا، وزگەشەلەۋمىز، ءبىزدىڭ انا ءتىلىمىز – ورىس ءتىلى.ءبىزدىڭ ءوز ادەبيەتىمىز، كلاسسيكتەرىمىز، ءوز ءورىستىلدى مەشىتىمىز دە بار. دەمەك– ءبىزدىڭ رۋحاني دونورىمىز رەسەي» دەپ، ەلدى ءبولىپ جىبەرۋى مۇمكىن.
4. بىلتىردان بەرى ساياسي ورىسشىلدار مەن رەسەيدىڭ ىقپالدى اگەنتتەرى بىرنەشە رەت باس كوتەردى: مايلىباەۆ، گاليحين، تولەشەۆتەر ءىسى ليۋستراتسياسىز اياقتالدى، ياعني ولاردىڭ باسقا جاقتاۋشىلارى ءوز ورىندارىنان مىزعىعان جوق. رەسەيدىڭ ىقپالدى اگەنتتەرى ولاردىڭ ءىسىن ودان ارى ارشۋدى توقتاتىپ، ءبىزدى قايتادان ەسكى باعىتقا ءتۇسىرىپ جىبەردى.
5. نۇرەكەڭنىڭ (ەلباسىنىڭ) بۇگىنگى ۇزەڭگىلەستەرىنىڭ ءبىرازى وزدەرى جىبەرگەن قاتەلىكتەردى كەيىن نۇرەكەڭە جابادى، ال وزدەرى بار جەتىستەكتەردىڭ اۆتورى بولا قويادى. سوندىقتان كوڭىلشەكتىككە جول بەرمەي، اقتى – اق، قارانى– قارا دەيتىن كەز كەلدى. رەسەيدىڭ ىقپالدى اگەنتتەرىن انىقتاپ، ولاردىڭ جاساپ جاتقان جۇمىسىنا توسقاۋىل قويىپ وتىرۋىمىز كەرەك.

ءازىمباي عالي

Abai.kz