راقىمشىلىق تۋرالى پرەزيدەنت جارلىعىنا 16 ماۋسىمدا قول قويىلدى. بۇعان قوسا قۇقىققورعاۋ ورگاندارىنىڭ باسشىلارىنا راقىمشىلىقپەن بوساپ شىققانداردى جاقىن ۋاقىتتا ۇيلەرىنە جەتكىزۋ تاپسىرىلدى.

"پرەزيدەنت گۋربانگۋلى بەردىمۇحامەدوۆ وبلىستىڭ، قالالاردىڭ جانە باسقا دا مەكەمەلەردىڭ باسشىلارىنا تۇرمەدەن شىققانداردى جۇمىسپەن قامتۋدى تاپسىردى", - دەلىنگەن رەسمي حابارلامادا.

باقىلاۋشىلار مەن جازاسىن وتەۋشىلەردىڭ ايتۋلارىنشا، تۇرمەدە وتىرىپ كەلگەندەردىڭ جۇمىس تابۋى وتە قيىنعا تۇسەدى، بۇعان قوسا ولار پوليتسيا مەن جەرگىلىكتى بيلىكتىڭ قۋدالاۋىنا تاپ بولادى.

"Prison policy initiative" ۇيىمىنىڭ ەسەبى بويىنشا، تۇركىمەنستان الەمنىڭ 170 مەملەكەتى ىشىندە حالىق ۇلەسى بويىنشا سوتتالعاندار سانى جونىنەن اقش-تان كەيىنگى ەكىنشى ورىندا تۇر.

اباي-اقپارات