جەكسەنبى, 25 قىركۇيەك 2022
3735 1 پىكىر 20 ماۋسىم, 2017 ساعات 11:08

ميرزياەۆ وزبەكستاندا جىلقى شارۋاشىلىعىن دامىتقىسى كەلەدى

وزبەكستان پرەزيدەنتى شاۆكات ميرزياەۆ ەلدە جىلقى شارۋاشىلىعىن دامىتۋ تۋرالى قاۋلىعا قول قويدى. قۇجاتقا سايكەس، قاشقاداريا وبلىسىندا "وزبەكمۇنايگاز" ۇلتتىق حولدينگىنىڭ قولداۋىمەن جىل اياعىنا دەيىن قارابايىر جىلقىلارىن وسىرەتىن كەشەن سالىنادى.

تاشكەنت وبلىسىندا اقالتەكە جىلقىلارىن وسىرەتىن ەكى زاۋىت سالىنادى. بۇعان قوسا، وزبەكستاندا رەسپۋبليكالىق باپكەرلەر، ات سپورتى جونىنەن تورەشىلەر، ۆەتەرينارلار مەكتەپتەرى قۇرىلادى.

پرەزيدەنت قاۋلىسىندا اقالتەكە جانە قارابايىر جىلقىلارىن ءوسىرۋ، سپورتتىق جانە قىزمەتتىك جىلقىلاردىڭ دۇرىس تۇرلەرىن سۇرىپتاپ الۋعا ارنالعان بىرىڭعاي قۇرىلىم قۇرۋ تۋرالى ايتىلعان. سونىمەن بىرگە ەلدە، اسىرەسە جاستار اراسىندا ات سپورتىن ناسيحاتتاۋ قولعا الىنادى.

تامىز ايىنىڭ ورتاسىنا دەيىن ۇكىمەت رەسپۋبليكادا 2021 جىلعا دەيىن جىلقى شارۋاشىلىعىن دامىتۋ جونىندەگى باعدارلاما جوباسىن دايىنداۋى ءتيىس.

ەسكە سالايىق، ناۋرىز ايىندا شاۆكات ميرزياەۆ العاش رەت تۇركىمەنستانعا مەملەكەتتىك ساپارمەن باردى. سول كەزدە پرەزيدەنت گۋربانگۋلى بەردىمۇحامەدوۆ وزبەك پرەزيدەنتىنە اقالتەكە جىلقىسىن سىيعا تارتتى.

اباي-اقپارات

1 پىكىر