سەنبى, 1 قازان 2022
4606 4 پىكىر 20 ماۋسىم, 2017 ساعات 11:16

اقبوكەن ءمۇيىزىن جيناۋشىلار مەملەكەتكە 170 ميلليون تەڭگە زيان كەلتىرگەن

ورال قالالىق قىلمىستىق ىستەر جونىندەگى سوتتا 23 ماۋسىمدا نۇرعالي بايكاتوۆتىڭ ىسىنە قاتىستى سوت باستالادى، دەپ حابارلادى باتىس قازاقستان وبلىستىق سوتى. وعان "قۇرىپ بارا جاتقان جانۋارلاردى زاڭسىز قىردى" دەگەن ايىپ تاعىلعان.

50 جاستاعى بايكاتوۆتى وتكەن جىلى ءساۋىر ايىندا ورالداعى تەمىر جول ۆوكزالىندا ۇستاعان. بقو ىشكى ىستەر دەپارتامەنتى ءباسپاسوز قىزمەتىنىڭ حابارلاۋىنشا، باسقارما قىزمەتكەرلەرى ونىڭ اۆتوكولىگىنەن 402 اقبوكەن ءمۇيىزىن تاپقان.

بقو ورمان شارۋاشىلىعى جانە جانۋارلار الەمى ينسپەكتسياسى باسشىسىنىڭ ورىنباسارى سەرىك ماجەنوۆتىڭ ايتۋىنشا، 402 ءمۇيىزدى جيناۋ ءۇشىن 200-دەن استام اقبوكەندى ولتىرگەن دەگەندى بىلدىرەدى.

ماجەنوۆتىڭ ايتۋىنشا، مەملەكەتكە 170 ميلليون تەڭگە (90 مىڭ دوللار) شىعىن كەلدى. ءبىر ءمۇيىزدىڭ قۇنى - 453 مىڭ تەڭگە.

رەسمي مالىمەت بويىنشا، وبلىستا 2017 جىلدىڭ باسىنان بەرى اقبوكەن ءمۇيىزىن جيناعان 16 براكونەرلىك وقيعا تىركەلگەن.

اباي-اقپارات

4 پىكىر