حاتتاما بويىنشا، قىرعىزستاننىڭ 240 ملن دوللار قارىزى كەشىرىلەدى. رەسەي بەرەشەگى "قىرعىز رەسپۋبليكاسىنىڭ دامۋىنا كومەك" ەسەبىندە وشىرىلەدى.

بۇعان دەيىن - 2016 جىلدىڭ العاشقى توقسانىندا رەسەي قىرعىزستاننىڭ 30 ملن دوللار بەرەشەگىن كەشىرگەن ەدى. سوڭعى 11 جىلدىڭ ىشىندە رەسەي بۇل ەلدىڭ 703,2 ملن دوللار بەرەشەگىن ءوشىردى.

اتامباەۆتىڭ رەسەيگە ساپارى بارىسىندا ەكى ەل اراسىنداعى وداقتاستىق پەن ستراتەگيالىق ارىپتەستىكتى نىعايتۋ تۋرالى جاڭا دەكلاراتسيا قابىلداندى. قۇجاتتىڭ نەگىزگى بولىگى تەرروريزممەن كۇرەسكە ارنالعان.

"تاراپتار ورتاق اسكەري-ستراتەگيالىق كەڭىستىك اياسىندا بىرلەسكەن قورعانىستى كۇشەيتەدى", - دەلىنگەن دەكلاراتسيادا. اتاپ ايتقاندا، رەسەي مەن قىرعىزستان بىرلەسكەن ايماقتىق زىمىرانعا قارسى قورعانىس كەشەنىن قۇرۋعا كەلىستى.

اباي-اقپارات