ماماشەۆ كەتتى... Abai.kz كوتەرگەن ماسەلەلەر شەشىمىن تاۋىپ جاتىر

استاناداعى تاۋەلسىزدىك سارايىندا ءوتىپ جاتقان دۇنيەجۇزى قازاقتارىنىڭ V قۇرىلتايىندا دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى تالعات ماماشەۆ قىزمەتىنەن بوساتىلدى. ونىڭ ورنىنا ەلىمىزدە تالاي جىلدار بويى لاۋازىمدى قىزمەت اتقارعان زاۋىتبەك تۇرىسبەكوۆ تاعايىندالدى.

بۇل قۇرىلتايدا ءسۇيىنشى سۇرايتىن اقجولتاي حابارلار جەتەرلىك. Abai.kz اقپاراتتىق پورتالى مەن پورتالدىڭ تۇراقتى اۆتورى اۋىت مۇقيبەك ۇزبەي كوتەرىپ كەلە جاتقان ماسەلەلەر وڭ شەشىمىن تاباتىن بولدى.

بىرىنشىدەن، "وتانداستار" دەگەن قور قۇرىلىپ، شەتتەن كەلگەن اعايىنعا قول ۇشىن سوزباق.

ەكىنشىدەن، شەتتەن كوشىپ كەلەتىن اعايىننان تالاپ ەتىلەتىن سوتتىلىق تۋرالى انىقتاما الىنىپ تاستالادى.

ۇشىنشىدەن، شەتتەگى قانداستاردىڭ بالالارىنا بەرىلەتىن 2 پايىز وقۋ گرانتى ەكى ەسەگە كوبەيمەك.

مەملەكەت باسشىسى بۇرىنعى ءبىرىنشى ورىنباسارى تالعات ماماشەۆقا العىسىن ءبىلدىرىپ، ماماشەۆتىڭ ورنىنا اتقارۋشى بيلىكتە لاۋازىمدى قىزمەتتەر اتقارعان، قازاقستاننىڭ رف-داعى توتەنشە جانە وكىلەتتى ەلشىسى بولعان زاۋىتبەك تۇرىسبەكوۆتىڭ كانديداتۋراسىن ۇسىندى.

قۇرىلتاي دەلەگاتتارى زاۋىتبەك تۇرىسبەكوۆتىڭ كانديداتۋراسىن ءبىراۋىزدان قولداپ داۋىس بەردى.

«ۇلكەن سەنىمگە كوپ راحمەت. بۇل قىزمەت ءار قازاققا بولەك دۇنيە. مەن كوپ سويلەمەيمىن، ءىستىڭ ادامىمىن. ەرتەڭگى كۇنى ءبارىن ىسپەن دالەلدەيمىن»، - دەدى توراعانىڭ جاڭا ءبىرىنشى ورىنباسارى.

رەداكتسيادان: ەستەرىڭىزگە سالا كەتەيىك، اتا جۇرتىنا ات باسىن بۇرىپ قۇيىلىپ كەلە باستاعان قازاق كوشى jوسىدان 7-8 جىل بۇرىن مۇلدە توقتاپ قالا جازدادى. "ورالمان" مارتەبەلى اعايىنعا قر ازاماتتىعى 5 جىلعا دەيىن بەرىلمەيتىن بولىپ ۇكىمەتتىڭ شەشىمى دە شىعىپ قويدى. اق ورداداعى بۇلىقسىعان ۇلىقتار (ولاردىڭ قايسىبىرىنىڭ قازىر رەسەيدىڭ جانسىزى ەكەنى انىقتالىپ، مەملەكەتتىك قۇپيانى ساتقانى، جاريا ەتكەنى بەلگىلى بولىپ جاتىر) كوشى-قون ماسەلەسىن اۋىزعا الۋعا بولمايتىندىعىن قاتاڭ ەسكەرتىپ، قاسارىسىپ باققاندا Abai.kz پورتالى كۇرەس جولىنان تانبادى. الىس-جاقىن ەلدەردەگى قازاق دياسپوراسىنىڭ ماسەلەسىن كۇن تارتىبىنەن ءبىر ساتتە تۇسىرگەن جوق. سول ءۇشىن قۇزىرلى ورىنداردىڭ تاراپىنان قىسىمعا دا ۇشىرادى، ءتىپتى، مەملەكەتتىك تاپسىرىس بويىنشا الىپ وتىراتىن قارجىسىنىڭ شەكتى مولشەرىنەن دە قاعىلدى. ال بيلىكتىڭ قاباعىن باققاندار، ارينە، تونىن اينالدىرىپ، توتىداي قۇبىلىپ شىعا كەلدى، اتالعان تاقىرىپقا مۇلدە باسپادى. ءبىز بۇنى نەگە ايتىپ وتىرمىز؟ بىرەۋلەردىڭ جالتاقتىعىن، جالتاقتاپ ءجۇرىپ جانباعاتىندىعىن بەتىنە باسۋ ءۇشىن ايتىپ وتىرمىز با؟ جوق. ايتپاعىمىز: قاشاندا ۇلت مۇراتىن تۋ ەتۋدەن، ەلدىڭ ءسوزىن سويلەۋدەن، حالىقتىڭ مۇڭ-مۇقتاجىن جىرلاۋدان تايىنبايىق تا، تابان اۋدارمايىق. ءبىز جۇدىرىقتاي جۇمىلىپ، ءبىر ءسوزدى بولساق، بيلىكتەگى اقكوزدەر الكەۋدەلەنىپ قايدا بارادى دەيسىز؟!

...دەگەندە مىنە، ءسۇيىنشى حابار ەستىپ، ونى جۇرتقا جەتكىزىپ وتىرمىز. مەرەيىمىز تاسىپ، قۋانىپ وتىرمىز. سويتە وتىرىپ، وتكەن كەتكەندى دە ەسكە الىپ، بۇرىنعى كوتەرگەن تاقىرىبىمىزدىڭ ءبىرلى جارىمىن ەلدىڭ ەسىنە سالىپ قويعاندى دا قۇپ كوردىك. قاراڭىز:

تۇڭعىش پرەزيدەنتتىڭ «كوشى-قون قورىن» قۇراتىن مەزگىل جەتتى!

اۋىت مۇقيبەك. قۇرمەتتى سەرىك نىعمەتۇلى، ەركىڭىزدى ەلگە نەگە بيلەتەسىز؟!

«قازاقستان-2050» ستراتەگياسى: ۇرەي مەن ءۇمىت

اۋىت مۇقيبەك: "كوشى-قوندى رەتتەمەگەن كارىم ءماسىموۆتى سوتقا بەرەمىن"

ون پايىز جەر ورالمانعا قالسىن!

اۋىت مۇقيبەك: ««ناعاشىما حات» ناعاشىمنىڭ قولىنا ءتيىپتى»

اۋىت مۇقيبەك. قازاق كوشi وسىمەن توقتاسا، كارiم ءماسiموۆ ەكiنشi گولوششەكين اتانادى

بۇل جاعىنان دا ورالمانداردىڭ بەتى جارىق!

تاريحتا قالۋدىڭ تاعى ءبىر ولشەمى – كوشى-قون

قىتايدان كەلەتىن قانداستاردىڭ كوشى توقتاعالى بەس جىل بولدى

اۋىت مۇقيبەك: «ورالمانداردى «ۇرۋ» – قازاققا قارسى ساياسات

اۋىت مۇقيبەك. «ەگەمەن» ەلىنەن كەشىرىم سۇراسىن!