مۇنداي تالاپتار ماجىلىسكە تۇسكەن اقپارات جانە بايلانىس ماسەلەلەرى جونىندەگى زاڭ جوباسىندا قاراستىرىلعان. اتالعان قۇجاتتى پارلامەنت ماجىلىسىنە اقپارات جانە بايلانىس ءمينيسترى داۋرەن اباەۆ تانىستىردى.

— ادامداردىڭ جەكە دەرەكتەرى تەك كەلىسىممەن عانا جاريالانۋى ءتيىس. بۇل قالىپتى تاجىريبە. ءبىز كوپ ويلاندىق، الەمدىك تاجىريبەنى زەرتتەدىك. الەمدىك تاجىريبەدە جەكە دەرەكتەردى جاريالار كەزدە، رۇقسات الۋ قاجەتتىگىن ايتادى،- دەيدى داۋرەن اباەۆ.

سونىمەن بىرگە زاڭ جوباسىندا تەرىسكە شىعارۋ قۇقىعىن پايدالانۋ تالاپتارى دا بار. جۋرناليستكە ماقالانى تەرىسكە شىعارۋ ءۇشىن بەس كۇن ۋاقىت بەرەدى. اباەۆتىڭ سوزدەرىنشە، ەگەر جۋرناليستەر تەرىسكە شىعارسا، ولاردى كۇماندى اقپارات ءۇشىن جاۋاپقا تارتۋدان بوساتادى.

زاڭ جوباسىندا اقپارات جانە بايلانىس ماسەلەلەرى جونىندەگى ءتورت زاڭعا 200-گە تارتا وزگەرىس ەنگىزۋ كوزدەلگەن. مينيستر اباەۆتىڭ ايتۋىنشا، باق تۋرالى زاڭ جوباسىنا ەنگىزىلىپ وتىرعان وزگەرىستەردىڭ 70 پايىزىن قوعامنىڭ ءوزى ۇسىنعان.

Abai.kz