سەيسەنبى, 17 مامىر 2022
4160 0 پىكىر 11 شىلدە, 2017 ساعات 09:17

وزبەكستان بيلىگى شەتەلگە شىعۋ ۆيزاسىن الىپ تاستاۋى مۇمكىن

وزبەكستاننىڭ سىرتقى ىستەر ءمينيسترى ابدۋلازيز كاميلوۆ پەن باسقا دا شەندىلەر 8 شىلدەدە شەتەلگە شىعۋ ۆيزاسىن الىپ تاستاۋ ماسەلەسىن تالقىلادى. كەلىسسوزدەردىڭ ناتيجەسى تۋرالى مالىمەت جوق.

بيىل قاڭتار ايىندا ەل ۇكىمەتىنىڭ سايتىندا پرەزيدەنت جارلىعىنىڭ جوباسى جاريالانعان. وندا شەتەلگە شىعاتىن ءاربىر ازامات مىندەتتى تۇردە ۆيزا الۋ كەرەكتىگى تۋرالى ەرەجەنى الىپ تاستاۋ تۋرالى ايتىلعان. سوۆەت زامانىنان قالعان ەسكى جۇيە وزبەكستاندا وسى ۋاقىتقا دەيىن ساقتالعان. بۇل جاعداي ەل ازاماتتارىنىڭ ساپارعا شىعۋىنا كەدەرگى كەلتىرىپ وتىر.

شەتەلگە شىعۋ ۆيزاسىن الىپ تاستاۋ تۋرالى ۇسىنىستى پرەزيدەنت شاۆكات ميرزياەۆ ايتقان. سول ارقىلى ول وزبەكستاندى الەمگە اشىق ەل جاساعىسى كەلەدى. ميرزياەۆ بيلىككە وتكەن جىلى رەسپۋبليكانىڭ تۇڭعىش پرەزيدەنتى يسلام كارىموۆ ولىمىنەن سوڭ كەلدى.

Abai.kz

0 پىكىر