تۇركىمەنستان ۇكىمەتى بىرنەشە جەمقوردى اشكەرەلەدى
تۇركىمەنستاننىڭ سىبايلاسقان جەمقورلىقپەن كۇرەس جونىندەگى مەملەكەتتىك ورگان قىزمەتكەرلەرى ەلدە بىرنەشە جىل بويى ارەكەت ەتكەن ءىرى جەمقورلىق قىلمىس ورداسىن اشكەرەلەدى، دەپ حابارلادى ەلدىڭ رەسمي ءباسپاسوزى.
پرەزيدەنت گۋربانگۋلى بەردىمۇحامەدوۆ ۇكىمەت وتىرىسىندا تۇركىمەنستاندا جەمقورلىققا ەشقاشان ورىن جوق دەپ مالىمدەپ، ەلدىڭ قۇرىلىس جانە ءۇي-كوممۋنالدىق شارۋاشىلىق ءمينيسترىن جۇمىستان شىعاردى.
سىبايلاسقان جەمقورلىقپەن كۇرەس جونىندەگى ءبولىم ديرەكتورى مۇحاممەتحان چاكىەۆتىڭ ايتۋىنشا، سوڭعى تەكسەرۋلەر كەزىندە جىلدار بويى جەمقورلىقپەن شۇعىلدانعان ونداعان قىزمەتكەردىڭ ءىسى اشكەرەلەنگەن. شەنەۋنىكتىڭ ەسەبى بويىنشا، مەملەكەتتىك كونتسەرننىڭ بىرىندەگى بىرنەشە قىزمەتكەر ۇلكەن كولەمدەگى پارامەن ۇستالعان، سونىمەن بىرگە مىڭ قوراپ تەمەكى جانە تىيىم سالىنعان «ترامادول» ءدارىسى تاركىلەنگەن.
قۇرىلىس جانە ءۇي-كوممۋنالدىق شارۋاشىلىق مينيسترىنە قىزمەتىن اسىرا پايدالاندى دەگەن ايىپ تاعىلدى.
بانك جۇيەسىن تەكسەرۋ كەزىندە دە جەمقورلىق قىلمىستارى تابىلدى.
Abai.kz
