شىمكەنتتىك ەر ازامات سوتقا نارازىلىعىن يۋبكا كيىپ ءبىلدىردى
شىمكەنت قالاسىندا يۋبكا كيگەن ەر ازامات 10 شىلدەدە وڭتۇستىك قازاقستان وبلىستىق سوتى الدىندا نارازىلىعىن ءبىلدىردى.
ءوزىنىڭ اتى-ءجونىن اتاماۋىن، ءتۇرىن كورسەتپەۋىن سۇراعان 30 جاستاعى ەر ازاماتتىڭ ايتۋىنشا، وسىنداي نارازىلىق اكتسياسىن وتكىزۋگە جەرگىلىكتى سۋديالار جىبەرگەن قاتەلىك تۇرتكى بولعان. سوت ۇكىمىنىڭ بىرىندە ونى "ازاماتشا" دەپ اتاسا، ەكىنشىسىندە ونىڭ تۇرعىلىقتى مەكەنى دۇرىس كورسەتىلمەگەن.
وبلىستىق سۋديا مۇحتار كارىموۆ ونىڭ حاتىنا جاۋاپ بەرىلگەنىن مالىمدەدى. "ۇكىم ءسىزدىڭ ار-ۇجدانىڭىزعا نۇقسان كەلتىردى دەپ ەسەپتەسەڭىز، ارىز جازىڭىز", - دەگەن كەڭەس بەردى سۋديا.
نارازىلىق بىلدىرگەن ەر ازامات وبلىستىق سوت توراعاسى مەن جوعارعى سوتقا ارىزدانعانىن ايتتى.
Abai.kz
