دۋشانبەدە وتكەن ءباسپاسوز كونفەرەنتسياسىندا بەلگىلى بولعانداي، 2017 جىلى قاڭتار مەن مامىر ارالىعىندا تاجىكستان وزبەكستانعا 20 ملن دوللاردىڭ تاۋارى مەن اۋىل شارۋاشىلىق ونىمدەرىن ەكسپورتتاعان. وزبەكستاننان تاجىكستانعا شامامەن 25 ملن دوللاردىڭ تاۋارى شىعارىلعان. كورشى ەل تاجىكستاندى استىق، تىڭايتقىش، اۋىل شارۋاشىلىق تەحنيكاسى جانە قۇرال-حابدىقتارمەن قامتاماسىز ەتكەن.

شاريف سايدتىڭ ايتۋىنشا، بيىلعى بەس ايدىڭ رەسمي ستاتيستيكاسى ءالى دايىن ەمەس، بىراق ساۋدا-ونەركاسىپ پالاتاسىنىڭ ەسەپتەۋى بويىنشا، ول 46 ملن دوللاردان اسقان. بۇل بىلتىرعى كورسەتكىشپەن سالىستىرعاندا ەكى ەسەگە كوپ.

بۇعان دەيىن ەكى ەلدىڭ ۇكىمەت مۇشەلەرىنىڭ دۋشانبەدەگى كەزدەسۋىندە سوڭعى ءبىر جىلدا تاۋار اينالىمى 5,7 ەسەگە ارتقانى حابارلاندى. وزبەكستان ۆيتسە-پرەمەرى ۇلىقبەك روزيقۇلوۆتىڭ مالىمدەۋىنشە، كورمە-جارمەڭكەنىڭ وزىندە 50 ملن دوللاردىڭ كەلىسىم-شارتتارىنا قول قويىلعان.

Abai.kz