ءاندىجان كوللەدجىندەگى توبەلەستەن ءبىر ستۋدەنت قازا تاپتى
وزبەكستانداعى ءاندىجان اۋىل شارۋاشىلىق كاسىبي كوللەدجىندە ەكى تۇلەك توبەلەسىپ قالىپ، پىشاقتالعان ستۋدەنتتىڭ ءبىرى اۋرۋحانادا كوز جۇمدى.
كۋاگەرلەردىڭ ايتۋلارىنشا، 2 شىلدەدە كوللەدجدىڭ ەكى تۇلەگى ەرەگىسىپ قالعان، ءبىرى ەكىنشىسىنە پىشاق سالعان. 11 شىلدەدە 19 جاستاعى سۇلتانمۇراد سۇلتانوۆ اۋىر جاراقاتتان قايتىس بولدى.
"توبەلەسىپ قالعان بالانىڭ ءبىرى ەكىنشىسىنەن اكەسىن بالاعاتتاعانى ءۇشىن كەشىرىپ سۇراۋىن تالاپ ەتكەن", - دەدى وقيعا كۋاگەرى.
قايتىس بولعان بالانىڭ اتا-اناسى بولسا كۇدىكتىنىڭ تۋىستارى بالانىڭ پسيحيكالىق اۋىتقۋى بارىن دالەلدەيتىن انىقتاما جيناپ جۇرگەنىن ايتتى.
"كىسى ولتىرگەن بالانىڭ اتا-اناسى اۋقاتتى ادامدار ەكەن", - دەيدى مارقۇمنىڭ اكە-شەشەسى.
اbai.kz
