شومىلۋ ماۋسىمى باستالعالى سۋدا 72 توتەنشە جاعداي تىركەلىپ، ونىڭ 111 ادام زارداپ شەگىپ، 83 ادام قۇتقارىلدى. وسى جايلى الماتى وبلىسىنىڭ وڭىرلىك كوممۋنيكاتسيالار قىزمەتى الاڭىندا  ىشكى ىستەر مينيسترلىگىنىڭ وبلىستىق توتەنشە جاعداي دەپارتامەنتى ءباسپاسوز-كونفەرەنتسياسىن وتكىزدى، - دەپ حابارلايدى Abai.kz اقپاراتتىق پورتالى الماتى وبلىسىنىڭ وڭىرلىك كوممۋنيكاتسيالار قىزمەتىنە سىلتەمە جاساپ.

«سۋداعى توتەنشە جاعدايلاردىڭ باستى سەبەپتەرى، ازاماتتاردىڭ سۋ ايدىندارىندا قۇتقارۋشىلارمەن باقىلانبايتىن جەرلەردە دەمالۋلارىنان، ماس كۇيىندە شومىلۋى، سۋداعى قاۋىپسىزدىك ەرەجەسىن ساقتاماۋ، سۋدا بالالاردى ۇلكەندەردىڭ قاراۋسىز قالدىرۋىنان جانە باسقا دا سەبەپتەردىڭ تۋىنداۋى مۇمكىن»، - دەدى ىشكى ىستەر مينيسترلىگىنىڭ الماتى وبلىسى بويىنشا توتەنشە جاعداي دەپارتامەنتىنىڭ باسشىسى بايساريەۆ دارىنبەك.

سۋدا ادامداردىڭ ءولىمى مەن قايعىلى جاعدايلاردى بولدىرماۋ ماقساتىندا جاساقپەن سۋ قويمالارىنداعى توتەنشە جاعدايدىڭ الدىن الۋ پروفيلاكتيكالىق جۇمىستارى جۇرگىزىلۋدە. اتاپ ايتساق، وبلىس بويىنشا «شومىلۋعا تيىم سالىنادى» بەلگىسى بار 200 تيىم سالۋ بەلگىلەرى ورناتىلدى، سۋداعى دەمالىس ورىندارىندا 5 مەديتسينالىق پۋنكتەر قۇرىلدى، جەرگىلىكتى پوليتسيا قىزمەتىمەن بىرلەسە 70 رەيدتىك شارالار جۇرگىزىلىپ جاتىر. سۋداعى اپاتتان قورعانۋدىڭ ەڭ سەنىمدى جولى - سۋدا شومىلۋ ەرەجەلەرى مەن قاۋىپسىزدىك شارالارىن قاتاڭ ساقتاۋ بولىپ تابىلادى.

وقىس جاعدايلارعا كەلەر بولساق وبلىس اۋماعىندا 2017 جىلدىڭ 17 شىلدەسىنە وبلىستىڭ سۋ قويمالارىندا 81 توتەنشە جاعدايلار تىركەلىپ، وندا 136 ادام زارداپ شەكتى. باتىپ كەتكەن ادام سانى 36, ونىڭ 11-ءى بالالار، جەدەل-قۇتقارۋ جاساعىمەن 100 ادام قۇتقارىلدى. بۇل جاعجايلاردىڭ كوبىسى شومىلۋعا تىيىم سالىنعان جەرلەرگە ازاماتتاردىڭ سالعىرت قاراۋىنان تۋىندايدى.

ا. ورالبەكوۆا

Abai.kz