تاجىكستان توتەنشە جاعداي كەزىندە فوتو جانە ۆيدەوعا تۇسىرۋگە تىيىم سالماق
تاجىكستاننىڭ ىشكى ىستەر مينيسترلىگى توتەنشە جاعداي نەمەسە تابيعي اپات كەزىندە فوتو جانە ۆيدەوعا تۇسىرگەن ازاماتتاردى جازالاماقشى. بۇل جونىندە ىشكى ىستەر ءمينيسترى رامازون راحيمزودا 21 شىلدەدە مالىمدەدى.
ول جاقىندا عانا دۋشانبەدە «كورۆون» بازارىندا بولعان ءورتتى ەسكە سالدى.
«وقيعا ورنىندا ادامدار ءورت سوندىرۋشىلەرگە كەدەرگى جاساپ، ءورتتى جاپپاي كامەراعا ءتۇسىرىپ جاتتى»، – دەيدى مينيستر.
راحيمزودا وسىلايشا توتەنشە جاعدايدا نە تابيعات اپاتى كەزىندە كەدەرگى كەلتىرەتىن ادامداردى جاۋاپقا تارتۋ ءۇشىن زاڭ جوباعا وزگەرىستەر ەنگىزگەندى ءجون ساناپ وتىرمىز دەدى.
ءمينيستردىڭ سوزدەرىنشە، بازار كۇزەتشىلەرىنىڭ جاۋاپسىزدىعى سالدارىنان 160 ساۋدا نۇكتەسى ورتەنىپ كەتكەن. كۋلياب جانە حاتلون وبلىسىنىڭ ءورت ءسوندىرۋ قىزمەتىنىڭ باسشىلارى قىزمەتىنەن الىنعان.
Abai.kz
