سوت دەرەگىنشە، وقيعا 2017 جىلدىڭ 14 ماۋسىمىندا اقتوبەدەگى ورتالىق بازاردىڭ جانىندا بولعان. ءسوز بايلاسقان قالىڭدىعىمەن توي الدىندا كەلىسپەي قالعان جىگىت ورتالىق بازار ماڭىندا كەتىپ بارا جاتقان بەيتانىس قىزدى ۇرلاپ اكەتپەك بولعان.

«تويعا ازىرلەنىپ جاتقان تۋىستارىنىڭ الدىندا ۇياتقا قالماۋ ءۇشىن 1996 جىلعى اقتوبەلىك جىگىت ادام ۇرلاۋعا وقتالعان. ول ءۇشىن سىبايلاس دوسى ەكەۋى ءتورت مىڭ تەڭگەگە كەلىسىپ، حرومتاۋ قالاسىنا دەيىن تاكسي جالدايدى. الايدا، تاكسي جۇرگىزۋشىسى ەكى جىگىتتىڭ ادام ۇرلاۋ تۋرالى پيعىلىنان حابارسىز بولعان»، - دەيدى وبلىستىق سوتتىڭ ءباسپاسوز قىزمەتى.

العاشقى سوت ماجىلىسىنە كەلگەن جابىرلەنۋشى ءوزىن ورتالىق بازاردىڭ كۇزەتشىلەرى قۇتقارىپ قالعانىن ايتقان.

كۇدىكتى ەكى ادامعا قىلمىستىق كودەكستىڭ 125-بابىنىڭ 2-بولىگى 1-تارماعى («ادام ۇرلاۋعا وقتالۋ») بويىنشا ايىپ تاعىلدى. سوتتالۋشىلار جازالارىن جالپى رەجيمدەگى كولونيادا وتەيدى.

Abai.kz