"ەڭبەك جولى" بايقاۋى اۋداندار مەن قالالاردا اعىمداعى جىلدىڭ ماۋسىم ايىندا باستالعان. كونكۋرس ەڭبەك اۋلەتتەرى مەن كاسىپورىن جۇمىسكەرلەرى اراسىندا وتكىزىلەدى. ۇسىنىمدار ەلىمىزدىڭ ەكونوميكاسىنا ەلەۋلى ەڭبەك ۇلەسىن قوسقان ەڭ ۇزدىك ەڭبەك اۋلەتتەرى جانە مەنشىك نىسانىنا قاراماستان بارلىق كاسىپورىن جۇمىسكەرلەرىنەن قابىلدانادى. بۇل تۋرالى وبلىستىق وڭىرلىك كوممۋنيكاتسيالار قىزمەتى الاڭىندا بەلگىلى بولدى.

"ەڭبەك جولى" كونكۋرسىن وتكىزۋدىڭ نەگىزگى ماقساتى - جاستاردى ەڭبەكتى قادىرلەۋ رۋحىندا تاريبەلەۋ، ەڭبەك ونىمدىلىگىن ىنتالاندىرۋ، ەڭ ۇزدىك ەڭبەك اۋلەتتەرى مەن كاسىپورىن جۇمىسشىلارىن انىقتاۋ، جۇمىسكەرلەر كاسىپتەرىن ناسيحاتتاۋ، كوپجىلدىق ەڭبەك اۋلەتتەرى سالتىن ساقتاۋ جانە ارتتىرۋ بولىپ تابىلادى.

«اتالمىش بايقاۋ ءبىرىنشى تامىزدان باستاپ رەسپۋبليكالىق دەڭگەيگە ۇلاساتىن بولادى. كونكۋرستا "ۇزدىك ەڭبەك اۋلەتى", "كاسىپورىننىڭ جاس جۇمىسكەرى", "جۇمىسشى جاستاردىڭ ۇزدىك جەتەكشىسى" اتتى ءۇش نوميناتسيا بار. جەڭىمپازدارعا ءادىل قازىلاردىڭ شەشىمىمەن، ارنايى سىيلىقتار بەرىلەتىن بولادى»، - دەدى الماتى وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ناۋرىزباەۆا سانيا.

كونكۋرسقا قاتىسۋ ءۇشىن الدىمەن ءوتىنىش جازۋ، جەكە كۋالىكتىڭ جانە ەڭبەك كىتاپشاسىنىڭ كوشىرمەسى، تاقىرىپقا بايلانىستى ۆيدەوروليك، پرەزەنتاتسيا جاساۋ قاجەتتىلىگ ايتىلدى.

الماتى وبلىسىنىڭ وڭىرلىك كوممۋنيكاتسيالار قىزمەتى

ورالبەكوۆا ا.ت

Abai.kz