2017 جىلدىڭ 21-22 شىلدەسى ارالىعىندا چولپون-اتا (قىرعىزستان) قالاسىندا قازاقستان مەن قىرعىزستان ىشكى ىستەر مينيسترلىكتەرىنىڭ بىرلەسكەن ەكىنشى كەڭەسى ءوتتى، - دەپ حابارلايدى Abai.kz اقپاراتتىق پورتالى.

كەڭەس وتىرىسىنا قازاقستان رەسپۋبليكاسى ىشكى ىستەر ءمينيسترى ق.قاسىموۆ جانە قىرعىزستان ىشكى ىستەر ءمينيسترى ۋ. يسرايلوۆ، قىزمەتتەر مەن شەكارالىق ىشكى ىستەر ورگاندارىنىڭ باسشىلارى قاتىستى.

دەلەگاتسيا باسشىلارى ءوز كەزەگىندە ەكىجاقتى ۆەدومستۆوارالىق ىنتىماقتاستىقتىڭ دامۋىنا جاقسى باعا بەردى.

جيىندا ءبىرىنشى وتكىزىلگەن بىرلەسكەن كەڭەستىڭ (تاراز ق، 2015ج.) شەشىمدەرى تابىستى جۇزەگە اسىرىلعانى، سونداي-اق شەكارالىق ىنتىماقتاستىقتىڭ بەلسەندى جۇرگىزىلىپ جاتقانى دا اتالىپ ءوتىلدى.
وتىرىسقا قاتىسۋشىلار كۇن ءتارتىبى اياسىندا ىشكى ىستەر ورگاندارىنىڭ شەكارالىق قىلمىسقا قارسى ءىس-قيمىل بويىنشا ەكىجاقتى ىنتىماقتاستىعىنىڭ قازىرگى جاعدايى مەن بولاشاعىن قاراستىرىپ، سونىمەن بىرگە ەكسترەميزگە قارسى كۇرەس سالاسىندا ۆەدومستۆوارالىق ءىس-ارەكەتتەردى جەتىلدىرۋ ماسەلەلەرىن تالقىلادى.
اتالعان سالالارداعى ەكىجاقتى ءىس-ارەكەتتەردى نىعايتۋ ماقساتىندا ىزدەۋ جاريالانعان قىلمىسكەرگە، ءىز-ءتۇسسىز جوعالعاندار مەن انىقتالماعان مۇردەگە جانە اتىس قارۋلارى، اۆتوكولىكتەر، ەسىرتكى قۇرالدارى، سونداي-اق ۇرلانعان مالداردى كونتراباندالىق جولمەن تاسىمالداۋشىلار، ۇيىمداسقان قىلمىستىق توپتاردىڭ مۇشەلەرى مەن باسشىلارى تۋرالى مالىمەتتەردى جەدەل الماسۋ بەلسەندىلىگىن ارتتىرۋ بويىنشا ءتيىستى شارالار قابىلدادى.

بۇعان قوسا، شەكارالىق وڭىرلەردە كەلىسىلگەن جەدەل ىزدەستىرۋ شارالارى مەن ارنايى وپەراتسيالار جۇرگىزۋ تۋرالى كەلىسىمگە قول جەتكىزىلدى.

وتىرىستىڭ قورىتىندىسىندا دەلەگاتسيا باسشىلارى شەكارالىق قىلمىسقا توسقاۋىل قويۋ سالاسىندا، سونىمەن بىرگە ەكسترەميزمگە قارسى كۇرەستە ەكىجاقتى ىنتىماقتاستىقتىڭ بەلسەندىلىگىن ارتتىرۋ شارالارىن قاراستىراتىن حاتتاماعا قول قويدى.

Abai.kz