قاراشانىڭ 10 كۇنگى قر پارلامەنتى ءماجىلىسى پالاتانىڭ جالپى وتىرىسىندا يراك ەلەكەەۆ مەملەكەتتىك - قازاق ءتىلى تۋرالى قورعانىس ءمينيسترى ادىلبەك جاقسىبەكوۆ پەن ءبىلىم جانە عىلىم ءمينيسترى باقىتجان جۇماعۇلوۆقا دەپۋتاتتىق ساۋال جولدادى.

«قۇرمەتتى ورال بايعونىسۇلى!

قۇرمەتتى ارىپتەستەر!»،- دەپ باستاپ ۇندەۋ تاستادى.

بۇگىنگى تاڭدا قازاقستان ۇلتارالىق جانە دىندەرارالىق كەلىسىمدى ساقتاۋدا الەمگە ۇلگى بولىپ وتىر. قازاقستان پرەزيدەنتى نۇرسۇلتان نازارباەۆتىڭ باستاماسىمەن ومىرگە كەلگەن الەمدىك جانە ءداستۇرلى دىندەر كوشباسشىلارىنىڭ سەزى استانادا ءۇش رەت ءوتتى. جۋىردا عانا قازاقستان حالقى اسسامبلەياسىنىڭ ءحVى سەسسياسى ءوتتى.

ۇلت پەن ۇلتتى ءبىر-بىرىنە دەگەن سىيلاستىق پەن سەنىم، سالت-داستۇرىنە كورسەتىلگەن قۇرمەت جاقىنداستىراتىنى انىق. سونىمەن قاتار ءبىر شاڭىراقتىڭ استىنا بىرىكتىرەتىن ۇلى كۇش - مەملەكەتتىك ءتىل.

سوڭعى جىلدارى قازاقستان حالقى اسسامبلەياسىنىڭ وڭىرلەردەگى بىرلەستىكتەرى دە، ءار ءتۇرلى ۇلتتاردىڭ مادەني ورتالىقتارى دا ءوز تىلدەرى مەن سالت-ءداستۇرىن جاڭعىرتۋمەن قاتار ءوز ىشتەرىندە ارنايى كۋرستار اشىپ، مەملەكەتتىك ءتىلدى مەڭگەرۋ ۇستىندە. بۇل جاقسى باستاما.

قاراشانىڭ 10 كۇنگى قر پارلامەنتى ءماجىلىسى پالاتانىڭ جالپى وتىرىسىندا يراك ەلەكەەۆ مەملەكەتتىك - قازاق ءتىلى تۋرالى قورعانىس ءمينيسترى ادىلبەك جاقسىبەكوۆ پەن ءبىلىم جانە عىلىم ءمينيسترى باقىتجان جۇماعۇلوۆقا دەپۋتاتتىق ساۋال جولدادى.

«قۇرمەتتى ورال بايعونىسۇلى!

قۇرمەتتى ارىپتەستەر!»،- دەپ باستاپ ۇندەۋ تاستادى.

بۇگىنگى تاڭدا قازاقستان ۇلتارالىق جانە دىندەرارالىق كەلىسىمدى ساقتاۋدا الەمگە ۇلگى بولىپ وتىر. قازاقستان پرەزيدەنتى نۇرسۇلتان نازارباەۆتىڭ باستاماسىمەن ومىرگە كەلگەن الەمدىك جانە ءداستۇرلى دىندەر كوشباسشىلارىنىڭ سەزى استانادا ءۇش رەت ءوتتى. جۋىردا عانا قازاقستان حالقى اسسامبلەياسىنىڭ ءحVى سەسسياسى ءوتتى.

ۇلت پەن ۇلتتى ءبىر-بىرىنە دەگەن سىيلاستىق پەن سەنىم، سالت-داستۇرىنە كورسەتىلگەن قۇرمەت جاقىنداستىراتىنى انىق. سونىمەن قاتار ءبىر شاڭىراقتىڭ استىنا بىرىكتىرەتىن ۇلى كۇش - مەملەكەتتىك ءتىل.

سوڭعى جىلدارى قازاقستان حالقى اسسامبلەياسىنىڭ وڭىرلەردەگى بىرلەستىكتەرى دە، ءار ءتۇرلى ۇلتتاردىڭ مادەني ورتالىقتارى دا ءوز تىلدەرى مەن سالت-ءداستۇرىن جاڭعىرتۋمەن قاتار ءوز ىشتەرىندە ارنايى كۋرستار اشىپ، مەملەكەتتىك ءتىلدى مەڭگەرۋ ۇستىندە. بۇل جاقسى باستاما.

ادام ءتىلدى بىلگەن سايىن سانا-سەزىمى تولىعا تۇسەدى، وزگە ۇلتتاردىڭ جان-دۇنيەسىن تۇسىنەدى. ومىردە وزىنە جاقىن دوستار جينايدى. قىزمەت بارىسىندا دا ءتىلدى بىلگەننىڭ تيىمدىلىگى وتە زور. وسىنى ۇعىنا بىلگەن وزگە ۇلت وكىلدەرى «قازاقستاندا تۇرىپ، ءوز ەلىمنىڭ ءتىلىن ءبىلۋىم كەرەك!» دەگەن پاتريوتتىق سەزىممەن مەملەكەتتىك ءتىلدى ەشقانداي قيىندىقسىز مەڭگەرىپ الۋدا. قازىر قازاق تىلىندە ەركىن سويلەي الاتىن قازاقستاندىقتار ءوز ءتىلىن ۇيرەنۋگە تالپىنىس جاساماي جۇرگەن كەيبىر قانداستارىمىزعا ۇلگى بولىپ وتىر.

مەنىڭ ايتايىن دەگەنىم، قوسىمشا قارجى بولمەي-اق مەملەكەتتىك ءتىلدى ۇيرەنگىسى كەلەتىن ازاماتتارىمىزعا كومەك كورسەتۋىمىزگە بولادى. ماسەلەن، ورىس جانە باسقا ۇلتتار تىلىندە ءدارىس بەرەتىن مەكتەپتەردە اشىق ساباقتار مەملەكەتتىك تىلدە جۇرگىزىلسە، ول دا ءبىر يگىلىكتى ءىس بولار ەدى. ورتا ارناۋلى جانە جوعارعى وقۋ ورىندارىندا ساياسي جانە مادەني ءىس-شارالاردى مەملەكەتتىك تىلدە وتكىزۋ قولعا الىنسا، ول دا وڭ باستاما بولاتىنى ءسوزسىز. سونىمەن قاتار ورىس جانە باسقا ۇلتتار تىلىندە ءدارىس بەرەتىن مەكتەپتەردە، كوللەدجدەر مەن ۋنيۆەرسيتەتتەردىڭ بولىمدەرىندە مەملەكەت جانە قوعام قايراتكەرلەرىمەن، اقىن-جازۋشىلارمەن كەزدەسۋلەر مەملەكەتتىك تىلدە وتكەنى ءجون. مۇنى نەگە ايتىپ وتىرمىن. جاقىندا ءبىر تانىسىم استاناداعى دارىندى اقىن تولەگەن ايبەرگەنوۆ اتىنداعى مەكتەپتىڭ بالالارى وسى قىرشىن كەتكەن اقىننىڭ كىم ەكەنىن بىلمەيتىنىن ەستىدىم. بۇل نەنى كورسەتەدى. مەكتەپ ديرەكتورىنىڭ مەكتەپ اتاۋىن شاكىرتتەردىڭ ساناسىنا سىڭىرمەگەنىنەن. اقىننىڭ اتىن يەلەنىپ وتىرعىن مەكتەپتىڭ جاعدايى وسىنداي. بۇل ءبىر مەكتەپتىڭ باسىنداعى جاعداي ەمەس. وسى جايتتى ءبىلىم مينيسترلىگى قاداعالاۋى كەرەك سياقتى. ويتكەنى ءار ادام قىزىقتى اڭگىمەنى تۇسىنگىسى كەلەدى. قازىردىڭ وزىندە كەيبىر ورىس مەكتەپتەرىندە ارا-تۇرا بولسا دا، قازاق قالامگەرلەرىمەن كەزدەسۋلەر ءوتىپ ءجۇر. ونداي باسقوسۋدان شاكىرتتەر رۋحاني بايلىق الىپ، حالقىمىزدىڭ سالت-ءداستۇرىن بىلە تۇسەدى.

كەڭەس وداعى تۇسىندا ورىس ءتىلىن ۇيرەتۋدىڭ وڭاي تاسىلدەرى قولدانىلدى. ماسەلەن، ءبىر اۋىز ورىسشا بىلمەي اسكەرگە بارعان قازاق بالاسى ەكى جىلدان كەيىن ەركىن سويلەپ كەلەدى. وسى ورايدا مەملەكەتتىك ءتىلدى ۇيرەنۋدىڭ تاعى ءبىر ءادىسى ءبىزدىڭ قورعانىس سالاسىنىڭ قىزمەتىن تولىقتاي مەملەكەتتىك تىلگە كوشىرۋ كەرەك. ياعني، اسكەري كوميسسارياتتان باستاپ ازاماتتارىمىز قازاق تىلىندە قابىلدانۋى ءتيىس. بۇگىنگى تاڭدا اسكەردە ساپقا تۇرۋعا، جۇرۋگە بەرىلەتىن بۇيرىقتار عانا مەملەكەتتىك تىلدە ايتىلىپ ءجۇر. ول ازدىق ەتەدى. سوندىقتان اسكەري ءومىردىڭ تىنىس-تىرشىلىگى مەملەكەتتىك تىلدە جۇرگىزىلۋى كەرەك. قازاقستاننىڭ جانە الەمنىڭ ساياسي جاڭالىقتارى، ەلىمىزدىڭ ىشكى جانە سىرتقى جاعدايى تۋرالى مالىمەتتەر ايتىلاتىن ساياسي جاتتىعۋ ساباقتارى مەملەكەتتىك تىلدە وتكىزىلسە، ءتىلدى ۇيرەنۋ ءۇشىن ءبىرىنشى كەزەكتە جاۋىنگەرلەرىمىزگە جاساعان كومەگىمىز بولار ەدى. وسى جەردە سالاۋاتتى ءومىردى ەلباسىمىزدا  ىلعي ايتىپ كەلەدى. تەمەكىنىڭ ادام اعزاسىنا زيان ەكەنىن ءبارى بىلەدى. كەي بالالار وسى تەمەكىنى ارميادان ۇيرەنەدى ەكەن. نەگە وسىعان شەكتەۋ قويماسقا.

وسى ورايدا بۇل ۇسىنىسىمدى قورعانىس ءمينيسترى ادىلبەك جاقسىبەكوۆ پەن ءبىلىم جانە عىلىم ءمينيسترى باقىتجان جۇماعۇلوۆ مىرزالارعا جولداپ وتىرمىن.

بۇل ۇسىنىستى قولدايمىن، قولىمدى قويامىن دەگەن ارىپتەستەرىم بولسا، ەشقانداي قارسىلىعىم جوق.

نازارلارىڭىزعا راقمەت.

اقپاراتتى قر پارلامەنتى ءماجىلىسى اپپاراتىنىڭ  باسپاسوز قىزمەتى تاراتىپ وتىر