جۇما, 29 ناۋرىز 2024
4492 0 پىكىر 25 شىلدە, 2017 ساعات 17:47

قايىردا جوعالىپ كەتكەن قازاق بالالارى تابىلدى

 

كەشەلى بەرى ەلىمىزدەگى باق بەتىندە اياق استى جوعالىپ كەتكەندەرى تۋرالى توسىن حابار تاراعان قازاقستاندىق 6 ستۋدەنتتىڭ دەرەگى شىعىپ جاتىر. ولاردى قايىر قالاسىنىڭ قۇقىق قورعاۋ ورگاندارى ۇستاپ وتىرعان كورىنەدى. بۇل جايىندا قر سىرتقى ىستەر مينيسترلىگى ءباسپاسوز قىزمەتىنىڭ جەتەكشىسى ءانۋار جايناقوۆ فەيسبۋكتەگى پاراقشاسىندا جازدى.

ء"بىزدىڭ ديپلوماتتارىمىزدان مىسىردا جوعالعان قازاقستاندىق ستۋدەنتتەردى ىزدەستىرۋ ناتيجەسى بويىنشا الدىن الا اقپارات ءتۇستى، - دەپ جازادى قر سىرتقى ىستەر مينيسترلىگىنىڭ وكىلى. - . جاڭا عانا سەنىمدى كوزدەردەن الىنعان اقپارات بويىنشا اتالعان قازاقستاندىق ستۋدەنتتەردى قايىر قالاسىندا قۇقىق قورعاۋ ورگاندارىنىڭ قىزمەتكەرلەرى ۇستاپ العان جانە ولار وسى ەلدىڭ اۋماعىندا. ولاردىڭ ءومىر مەن دەنساۋلىعىنا تونگەن قاتەر جوق".   وكىلدىڭ حابارلاۋىنا سۇيەنسەك، قازاقستاننىڭ مىسىرداعى ەلشىلىگى تاپ وسى ۋاقىتتا مىسىر تارابىنان ءبىزدىڭ ازاماتتارىمىزدىڭ ۇستالۋى، قازىرگى ورنى مەن جاعدايلارى تۋرالى رەسمي جاۋاپ تالاپ ەتىپ جاتقانعا ۇقسايدى.

«تاياۋ ارادا قازاقستان ەلشىسى مىسىر سىرتقى ىستەر ءمينيسترىنىڭ ورىنباسارىمەن وسى ماسەلەگە بايلانىستى كەزدەسۋ وتكىزبەك. قوسىمشا اقپارات مىسىر تارابىمەن كەلىسسوزدەر ناتيجەسى بويىنشا حابارلاناتىن بولادى. وسى ماسەلە قازاقستان سىرتقى ىستەر مينيسترلىگى باسشىلىعىنىڭ ەرەكشە جانە ۇنەمى باقىلاۋىندا بولادى»، - دەدى الەۋمەتتىك جازباسىندا قر سىرتقى ىستەر مينيسترلىگى ءباسپاسوز قىزمەتىنىڭ جەتەكشىسى ءانۋار جايناقوۆ.

ەستەرىڭىزگە سالا كەتەيىك، ەگيپەت يسلام رەسپۋبليكاسىندا قازاق جاستارى كوپ رەتتە يسلام ءدىنىن تەرەڭدەتىپ وقىتاتىن جوو-لاردا وقيدى. سونىڭ ءبىرى - ءال-ازحار ۋنيۆەرسيتەتى. بۇگىنگى مىسىر مەملەكەتى يسلام ءدىنىنىڭ حيزبۋت-تاحرير اعىمىنىڭ وتانى بولىپ تابىلادى.

اباي-اقپارات 

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3559