قازاقستان حالقى اسسامبلەياسى قازاقستاندىق قالامگەرلەر اراسىندا اۆتورلىق ەرتەگىلەر بايقاۋىن جاريالادى. بۇل تۋرالى "اباي-اقپارات" پورتالى قحا رەسمي سايتىنا سىلتەمە جاساي وتىرىپ حابارلايدى.

بايقاۋعا كاسىبي جانە قاراپايىم اۆتورلار قاتىسا الادى. جاس شاماسىنا شەكتەۋ جوق. ەرتەگىلەر مىندەتتى تۇردە حالىق كەيىپكەرلەرى بار ەتنيكالىق ايقىن كورىنىستەرگە تولى بولۋى ءتيىس.

- ءبىراز قيالداۋعا تۋرا كەلەدى. مۇمكىن بىرەۋ الدار كوسەگە ەكىنشى ءومىر سىيلار، قوجاناسىر ءۇشىن وزگەشە سيۋجەت ويلاپ تابار نەمەسە ەرتەگىلەردى جاڭا كەيىپكەرلەرمەن جانداندىرار، - دەپ ايتىپ كەتتى «قوستاناي وبلىسى اكىمدىگىنىڭ «قوعامدىق كەلىسىم» كمم ءبولىم باسشىسى ۆالەنتينا مارەنينوۆا.

- ءوز جۇمىسىمىزدا وسكەلەڭ ۇرپاققا ەرەكشە كوڭىل بولەمىز، ويتكەنى جاس قازاقستاندىقتار وسە كەلە، ءبىزدىڭ ەلىمىز كوپۇلتتى، تاتۋ ەكەنىن جانە بىزگە ءتۇرلى مادەنيەت، ءداستۇر، ادەت-عۇرىپتار ءتان ەكەنىن  بىلەتىن بولادى. وسىنىڭ بارلىعى قازاقستان حالقىنىڭ بىرتۇتاستىعىن كورسەتەدى. ەرتەگىلەر – بالالار ءۇشىن ەڭ العاشقى تاربيەشى، مۇعالىم، ول بالا بويىندا ەرەكشە يگى جانە وڭ قاسيەتتى تاربيەلەيدى، جاقسىلىق پەن جاماندىقپەن تانىستىرادى.  وسى جوبا ارقىلى ەتنوسارالىق كەلىسىمدى نىعايتۋعا جانە بالالاردىڭ بويىندا تولەرانتتىلىقتى قالىپتاستىرۋعا ءوز شىعارماشىلىعىمەن ىقپال ەتۋشى اۆتورلاردى انىقتايمىز.

ۇيىمداستىرۋشىلاردىڭ ايتۋىنشا ەرتەگى سيۋجەتىندە ءبىزدىڭ ەلدە تۇرىپ جاتقان ەتنوستاردىڭ ۇلتتىق سالت-ءداستۇرى، ادەت-عۇرىپتارى مەن مادەنيەتى سيپاتتالعانى قۇپتالادى. سونداي-اق بۇل كىتاپ بالالارعا ارنالعاندىقتان بولعاندىقتان ەرتەگىنىڭ نەگىزگى ويى – دوستىق، قۇرمەت، ءوزارا كومەك، قوناقجايلىلىق جانە ادامداردىڭ بىرلىگى.

ءوتىنىم جانە بايقاۋ جۇمىستارى 2017 جىلدىڭ 26 شىلدە 1 قىركۇيەك ارالىعىندا قابىلدانادى. سودان ءار ەرتەگىگە سۋرەتپەن بەزەندىرىلگەن ءتۇرلى-ءتۇستى جيناق شىعارىلاتىن بولادى. كىتاپتار بالالار مەن مەكتەپ كىتاپحانالارىنا سىيعا بەرىلەتىن بولادى.

Abai.kz