بۇل جونىندە 27 ماۋسىمدا بىشكەكتە "اتا مەكەن" فراكتسياسى اتىنان جوگوركۋ كەڭەش دەپۋتاتى المامبەت شىكماماتوۆ پەن پارتيانىڭ ءبىر توپ بەلسەندىلەرى مالىمدەدى.

وسىنىڭ الدىندا ورتالىق سايلاۋ كوميسسياسى ومىربەك تەكەباەۆتىڭ ەمتيحانعا قاتىسۋ، قاتىسپاۋىن تەك سوت شەشەدى دەپ مالىمدەگەن. پارتيا وكىلدەرى "اتا مەكەن" پارتياسى ليدەرىن قولداپ 40 مىڭ ادام قول قويعان. بىراق ول ەمتيحان تاپسىرمايتىن بولسا، سايلاۋعا تۇسە المايدى.

"بۇگىن تەكەباەۆ ءىسى بويىنشا سوت ونىڭ قاتىسۋىنسىز ءوتتى. ءبىزدىڭ قازىر اشتىق جاريالاۋدان باسقا امالىمىز قالمادى،" - دەدى پارتيا وكىلى ساسىقباەۆا.

25 شىلدەدە ءبىرىنشى ماي اۋداندىق سوتى ايبەك ەرنيسۇلى ومىربەك تەكەباەۆتىڭ ادۆوكاتىنىڭ سايلاۋ قۇقىعىن قامتاماسىز ەتىپ، تولقۇجاتىن قايتارۋ جونىندەگى ۇسىنىسىن قابىلداۋدان باس تارتقان. كەيىن وسك ونى ەمتيحانعا جىبەرۋ ماسەلەسى بويىنشا سوتقا جۇگىنۋگە كەڭەس بەرگەن. تەكەباەۆتىڭ ۇستىنەن كوررۋپتسيا ءىسى بويىنشا قىلمىستىق ءىس قوزعالعان. ول قاماۋدا وتىر.

Abai.kz