وزبەك بيلىگى قىرعىزدىڭ وش قالاسىنا مەكتەپ سالىپ بەرمەكشى
وزبەكستان جانە قىرعىزستان ۇكىمەتى 28 شىلدەدە بىشكەكتە وش قالاسىنداعى جالپى ءبىلىم بەرۋ مەكتەبىنىڭ قۇرىلىسىن باستاۋ جونىندەگى كەلىسىمگە قول قويدى.
630 وقۋشىعا ارنالعان مەكتەپ وزبەك ۇكىمەتىنىڭ قارجىسىنا سالىنادى جانە قايتارىمسىز قىرعىزستاننىڭ مەنشىگىنە بەرىلەدى.
وزبەكستان سىرتقى ىستەر مينيسترلىگى ءباسپاسوز قىزمەتىنىڭ حابارلاۋىنشا، قۇجاتقا وزبەكستان ەلشىسى كوميل راشيدوۆ پەن قىرعىزستاننىڭ ءبىلىم جانە عىلىم ءمينيسترى گۇلميرا قۇدايبەرديەۆا قول قويعان.
وزبەكستان ءسىم تاراتقان حابارلامادا جوبانى جۇزەگە اسىرۋ ەكى ەلدىڭ تاريحي دوستىعىنىڭ نىعايۋىنا جانە باۋىرلاس حالىقتىڭ قارىم-قاتىناسىنىڭ دامۋىنا سەبەپ بولادى دەلىنگەن.
Abai.kz
