بۇل - 2017-2018 وقۋ جىلىنا ارنالعان ادىستەمەلىك نۇسقاۋ حاتتاعى مەكتەپتە وتكىزىلەتىن اقىندار مەن جازۋشىلاردىڭ مەرەيتويلارى بەلگىلەنگەن كۇندەر. سوندا مەكتەپ وقۋشىلارى م.شاحانوۆتىڭ 75 جىلدىق مەرەيتويىن اتاپ وتپەي مە؟ شاحانوۆتىڭ قازاق ادەبيەتىندەگى ورنى ەرەكشە ەمەس پە ەدى؟.. شاحانوۆتاي شايىردى ەلەمەگەن مينيستر ساعاديەۆتىڭ اتى كۇندەردىڭ كۇنىندە ۇمىت بولارى انىق، ال شاحانوۆتى حالىق ەسىندە ساقتايدى. سونىمەن، «قازاق ادەبيەتى» ءپانى بويىنشا سىنىپتان تىس جۇمىستاردى جوسپارلاۋ جانە ۇيىمداستىرۋ كەزىندە 2016-2017 وقۋ جىلىندا اتالىپ وتىلەتىن مەرەيتويلىق كۇنتىزبەلىك كۇندەرگە نازار اۋدارىپ كورەيىك: 

4 قىركۇيەك - جازۋشى، دراماتۋرگ، قوعام قايراتكەرى تولەن ابدىكتىڭ تۋعانىنا 75 جىل (1942ج.); 5 قىركۇيەك – قازاقتىڭ اقىنى، ادەبيەت زەرتتەۋشى عالىمى، تۇركىتانۋشى، پۋبليتسيست، پەداگوگ، اۋدارماشى، قوعام قايراتكەرى احمەت بايتۇرسىنۇلىنىڭ تۋعانىنا 145 جىل (1872 -1937); 17 قىركۇيەك - اقىن سىرباي ماۋلەنوۆتىڭ تۋعانىنا 95 جىل (1922-1993); 28 قىركۇيەك - قازاقستاننىڭ حالىق جازۋشىسى، قوعام قايراتكەرى، قر-نىڭ ەڭبەك سىڭىرگەن مادەنيەت قىزمەتكەرى شەرحان مۇرتازانىڭ تۋعانىنا 85 جىل (1932 ج); 15 قازان - جازۋشى، مەملەكەتتىك سىيلىقتىڭ لاۋرەاتى، «قۇرمەت» وردەنىنىڭ يەگەرى سايىن مۇراتبەكوۆتىڭ تۋعانىنا 80 جىل (1936-2007); 2 قاراشا - اعارتۋشى، پەداگوگ، فولكلورشى، ەتنوگراف، جازۋشى ىبىراي ءالتىنساريننىڭ تۋعانىنا 175 جىل (1841-1889); 26 قاراشا - قازاقتىڭ حالىق جازۋشىسى، مەملەكەت جانە قوعام قايراتكەرى عابيدەن ءمۇستافيننىڭ تۋعانىنا 115 جىل (1902-1958); 12 جەلتوقسان - جازۋشى، ادەبيەت زەرتتەۋشى، عالىم، فيلولوگيا عىلىمىنىڭ دوكتورى اقسەلەۋ سەيدىمبەكتىڭ تۋعانىنا 75 جىل (1942- 2009 ); 12 جەلتوقسان - جازۋشى، ادەبيەت زەرتتەۋشىسى، ۇستاز، فيلولوگيا عىلىمىنىڭ دوكتورى، پروفەسسور، قازاقستاننىڭ حالىق جازۋشىسى زەينوللا قابدولوۆتىڭ تۋعانىنا 90 جىل (1927-2006); 22 ناۋرىز - قازاقتىڭ حالىق جازۋشىسى، دراماتۋرگ، سىنشى، مەملەكەت جانە قوعام قايراتكەرى عابيت مۇسىرەپوۆتىڭ تۋعانىنا 115 جىل (1902 -1985); 15 ءساۋىر - جازۋشى، دراماتۋرگ، قر حالىق جازۋشىسى سافۋان شايمەردەنوۆتىڭ تۋعانىنا 95 جىل (1922 -2007); كورنەكتى اقىن، جىراۋ دۋلات باباتايۇلىنىڭ تۋعانىنا 215 جىل (1802- 1874); شاڭگەرەي سەيىتكەرەيۇلى بوكەەۆتىڭ تۋعانىنا 170 جىل (1847 -1920); قازاقتىڭ سۋىرىپسالما اقىنى اسەت نايمانبايۇلىنىڭ تۋعانىنا 150 جىل (1867- 1922); 9 شىلدە - اقىن، اۋدارماشى تۇرماعامبەت ىزتىلەۋۇلىنىڭ تۋعانىنا 195 جىل (1882-1939).

ارينە، بۇل تىزىمدەگى تۇلعالاردىڭ بىرىنە ءمىن تاعا المايسىز. ولاردىڭ ەسىمى قازاق ەلىمەن بىرگە جاساي بەرسىن! بىراق، 75 جاسقا كەلىپ جاتقان اقىن اعانىڭ اتالماۋى، تىزىمگە ەنبەۋى كوڭىلگە كىربىڭ تۇسىرگەنى ءسوزسىز.

ايمان ساعيدۋللاەۆا

Abai.kz