رەسەيگە تۇساۋ سالىندى. ەندى ول اش كۇزەندەي بۇگىلە باستايدى. تەك جەمىنە اتىلۋ قالادى وعان. ونشا جاقسى ەمەس، مەنىڭشە. ويتكەنى، الەم ەكونوميكاسىنىڭ ءبىر پايىزى مۇنداي الىپ ەلگە ازدىق ەتەدى. الىپ ارميانى، يادرولىق كۇشتەردى، فلوتتى، عارىش اسكەرىن، شەنەۋنىكتەر مەن بيۋدجەتتەگىلەردى اسىراپ ۇستاپ تۇرۋ وڭاي شارۋا ەمەس.

رەسەي قازىر وتكەن عاسىر باسىنداعى گەرمانيانىڭ كەبىن كيىپ وتىر. ءبىرىنشى دۇنيەجۇزىلىك سوعىستان كەيىن، ۆەرسال ءبىتىمىنىڭ ناتيجەسىندە گەرمانييا قانداي كۇي كەشىپ ەدى؟ نەمىس حالقىنىڭ ىزادان قورلانۋى بيلىككە گيتلەر باستاعان ۇلتشىلداردى الىپ كەلمەپ پە ەدى؟ ولار ۇلتقا رۋح بەرىپ، اسكەري ماشينانى، اسكەري ەكونوميكانى ىسكە قوسپادى ما؟ مەملەكەتتىك تاپسىرىس الىپ زاۋىتتارعا جان ءبىتىرىپ، اسكەري-ءوندىرىس كەشەننىڭ قۋاتى جاڭا اسكەري تاپسىرىستارىن سۇراي باستادى. بۇل قارقىندى قۇلاتپاۋدىڭ جولى بىرەۋ-اق: سوعىس. ءسويتىپ، ەكىنشى دۇنيەجۇزىلىك سوعىس باستالىپ جۇرە بەرگەن. اسكەري، نەمەسە سوعىس ەكونوميكاسى دەگەنىمىز مىنە وسى.

وسىدان ءۇش جىل بۇرىن رەسەي اسكەري-قورعانىس كاسىپورىندارىن قايتا قۇرىلىمدادى. سول كەزدە رەسەيدى اسكەري ەكونوميكا كۇتىپ تۇر ما دەگەن قاۋىپ ءالسىن-ءالسىن ايتىلعان. ياعني، سانكتسيانىڭ بولۋ قاۋپىن ەسكەرگەن بوپ تۇر عوي. ياعني، سوعىس ەكونوميكاسىنىڭ ءجۇرىپ كەتۋ مۇمكىندىگىن جوققا شىعارا المايمىز-اۋ! وندا نە بولادى؟

سەرىك جانبولات

Facebook-تەگى پاراقشاسىنان