جامشيد كاريموۆتىڭ ايتۋىنشا، پرەزيدەنت شاۆكات ميرزياەۆتىڭ اتىنا جازعان وتىنىشتەرىنە ءالى جاۋاپ كەلمەگەن.

"2006 جىلى جازدا مەن شۆەتسياعا كەتۋگە قۇجات جيناعاندا، تولقۇجاتىمدى الىپ قويدى. كەيىن مەنى ءماجبۇرلى تۇردە پسيحياترياعا جاپتى. مەنىڭ قىزىم پرەزيدەنتتىڭ ۆيرتۋالدى قابىلداۋىنا ءوتىنىش جازعان، بىراق ەشكىم جاۋاپ بەرمەدى. تولقۇجاتسىز زەينەتاقى الا المايمىن، جۇمىسقا دا تۇرا المايمىن. قازىر مەنىڭ قالتامدا بار بولعانى التى مىڭ سوم (شامامەن 70 تسەنت) بار، ونى دا قىزىم بەرگەن", – دەدى جامشيد كاريموۆ.

ول قازىر جيزاقتا تۇرادى. جۋرناليست بيلىككە سىن ايتقانى ءۇشىن قۋدالانعان.

"10 جىل بەس اي بويى ءبىر ادامدىق كامەرادا وتىردىم. ماعان تاعىلعان جالعىز ايىپ - شيزوفرەنيا. كوكەمنىڭ قايتىس بولعانى تۋرالى حاباردى كۇتپەگەن ەدىم. ويتكەنى ونىڭ ءولىمى مەنىڭ زىنداننان بوسانۋىما تۇرتكى بولدى", - دەدى جامشيد كاريموۆ.

ول ءتۇرلى كەدەرگىلەرگە قاراماستان، جۋرناليستىك جۇمىسىن جالعاستىرعىسى كەلەدى.

Abai.kz