ەگيپەتتە ۇستالعان ستۋدەنتتەر قازاقستانعا ورالدى
ەگيپەتتە ۇستالعان قازاقستاندىق ستۋدەنتتەر ەلگە ورالدى، دەپ حابارلادى جەرگىلىكتى اقپارات اگەنتتىكتەرى. ولار قازاقستاننىڭ سىرتقى ىستەر مينيسترلىگىنە سىلتەمە جاساعان.
ستۋدەنتتەردى ەگيپەتتىڭ ۇلتتىق قاۋىپسىزدىك ورگاندارى ۇستاعان، بۇل تۋرالى 24 شىلدەدە بەلگىلى بولدى. ەگيپەت تاراپىنان ولاردى نە سەبەپتى جانە قانداي جاعدايدا ۇستاعانى تۋرالى رەسمي تۇسىنىكتەمە بەرىلگەن جوق، دەپ حابارلادى قازاقستاننىڭ اقپارات اگەنتتىكتەرى.
قازاقستان ەگيپەتتىڭ سىرتقى ىستەر مينيسترلىگىنە رەسمي نارازىلىق نوتاسىن جولداعان. 1 تامىزدا ەگيپەتتىڭ ۇلتتىق قاۋىپسىزدىك قىزمەتىنىڭ وكىلدەرى قازاقستان ەلشىلىگىنە حابارلاسىپ، ۇستالعان قازاقستاندىق جاستاردى دەپورتاتسيالاعانىن جەتكىزگەن، دەپ جازدى "قازاقپارات".
Abai.kz
