رەسەي ءوزىن ۇلى دەرجاۆا سانايدى. اقش پەن ەۋروپانى ءيتتىڭ ەتىنەن جەك كورەدى. سويتە تۇرا اقش شىعارعان ايفون تەلەفوندارىن شەنەۋنىكتەرى جارىسا الادى.

اقش پەن ەۋروپا ەلدەرىنىڭ فيلمدەرى رەسەي كينوتەاترلارىندا كۇن سايىن جارىق كورىپ، تۇساۋى كەسىلىپ جاتسا، رەسەي فيلمدەرى ونداي اتاقتى اڭساۋعا عانا قاۋقارلى. شەنەۋنىكتەرى پەجوعا وتىرىپ الىپ - فرانتسيانى، مەرسەدەسكە وتىرىپ الىپ - گەرمانيانى، فوردقا وتىرىپ الىپ - اقش-تى ايىپتايدى. حالقى قيراعان جولمەن، بۇيرەكتەرى تۇسكەنشە لاداعا وتىرىپ الىپ، "دا لادنو، ءبىز دەرجاۆامىز" دەۋمەن كۇندى اتىرىپ، ءتۇندى باتىرادى. ونىسى وزدەرى جەك كورەتىن ەۋروپاعا قالاي ەلىكتەيتىنىن جاسىرعىسى كەلگەندەي اسەر قالدىرادى.

ءتىپتى كەزىندە شەنەۋنىكتەرى ورىس ءتىلىن تومەنگى تاپ ءتىلى ساناپ، فرانتسۋز ءتىلىن ۇيرەنىپ، ونى ۇلى مادەنيەت رەتىندە قاراسا، ەكىنشى دۇنيە جۇزىلىك سوعىستان كەيىن، وزدەرى فيزيكالىق تۇرعىدان جەڭە تۇرا جاپپاي مەكتەپتەرگە نەمىس ءتىلىن ەنگىزدى. ەندى سونىڭ ءبارىن ۇمىتىپ، "ورىس ءتىلىن تاپتاعانداردى ءبىز قۇرتامىز" دەپ ايعايلاۋدا. كەزىندە ءوزى تاپتاعانىن ۇمىتىپ كەتكەن-اۋ دەيمىن. وسىنداي ەلدىڭ ۇلى دەرجاۆامىز دەگەنىنە كىم سەنەدى؟ وكىنىشكە وراي سەنەتىن كەي ورىسقۇلدار بار ەكەن!

اسحات حاسەنعالي

Facebook-تەگى پاراقشاسىنان