جۇما, 29 ناۋرىز 2024
3712 0 پىكىر 22 تامىز, 2017 ساعات 08:25

وزبەكستان ازاماتى "تاجىكستاننىڭ تىڭشىسى" بولدى دەگەن ايىپپەن 10,5 جىلعا سوتتالدى

وزبەكستاننىڭ اسكەري سوتى 36 جاستاعى الەنا كيمدى تاجىكستاننىڭ پايداسىنا تىڭشىلىق جاسادى دەگەن ايىپپەن 10 جىل 6 ايعا باس بوستاندىعىنان ايىرعان. 12 شىلدەدە شىققان ۇكىم جايىندا الەنا كيمنىڭ تۋىستارى مەن ادۆوكاتى ازاتتىقتىڭ وزبەك قىزمەتىنە حابارلادى.

ادۆوكات نادەجدا پاكتىڭ سوزدەرىنشە، الەنا كيمدى وزبەكستان قىلمىستىق كودەكسىنىڭ "مەملەكەتكە ساتقىندىق جاسادى" دەگەن بابى بويىنشا سوتتاعان. سوت وتىرىسى مەملەكەتتىك قۇپيا بولىپ سانالاتىندىقتان، سوت شەشىمىنىڭ كوشىرمەسى ادۆوكاتىنا نە تۋىستارىنا بەرىلمەگەن.

الەنا كيمنىڭ اپكەسى ​ۆيكتوريا سۇلتانمۇرادوۆا وزبەك بيلىگى ءسىڭلىسىن بىرنەشە جىلدار بويى تاجىكستاندا جۇمىس ىستەگەنى ءۇشىن عانا سوتتاپ وتىر دەيدى.

ادۆوكات نادەجدا پاكتىڭ ايتۋىنشا، الەنا كيم بىرنەشە جىل بۇرىن وزبەكستان ءىىم اسكەري كۇزەتىندە جۇمىس ىستەگەن. بىراق قيىن جىلدارى قۇربىسى زۋليا حاليموۆامەن بىرگە كورشى تاجىكستانعا كەتكەن. 2004-2005 جىلدار ارالىعىندا حۋدجاند قالاسىنداعى «وچيل» مەيرامحاناسىندا داياشى بولىپ جۇمىس ىستەگەن. كەيىن ەلىنە ورالعان الەنا قۇقىق قورعاۋ ورگاندارى تاراپىنان كۇدىككە ىلىنگەن. بىلتىر ونىڭ قۇربىسى زۋليا حاليموۆا ۇستالعان كەزدە، ودان الەنا كيمنىڭ سۋرەتىن تاپقان.

"تەرگەۋ كەزىندە زۋليا حاليموۆا مەنىڭ سىڭلىمە قارسى كۋالىك بەرگەن. حاليموۆانى دا تىڭشىلىق جاسادى دەگەن ايىپپەن 12 جىلعا سوتتادى", – دەيدى ۆيكتوريا سۇلتانمۇرادوۆا.

الەنا كيم ەكى بالانىڭ اناسى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596