قاراعاندىدا قازىبەك ءبيدىڭ تۋعانىنا 350 جىل تولۋىنا ارنالعان مەرەيتويلىق ءىس-شارالار ءوتتى. وعان مەملەكەتتىك حاتشى گۇلشارا ابدىحالىقوۆا باستاپ، پارلامەنت دەپۋتاتتارى، مەملەكەتتىك ورگاندار جەتەكشىلەرى، قوعام قايراتكەرلەرى، بەلگىلى عالىمدار مەن شىعارماشىلىق زيالى قاۋىم وكىلدەرى قاتىستى.

ءىس-شارا اياسىندا قازىبەك بيگە ارنالعان حالىقارالىق ايتىسقا قاتىسۋشى اقىندار ارناۋ ايتتى. ەلىمىزدىڭ تانىمال ارتىستەرىنىڭ قاتىسۋىمەن مەرەكەلىك كونتسەرت قويىلدى. شارا قازاق كۇرەسى جانە الامان بايگە سىندى سپورت سايىستارىنا ۇلاستى.

قاز داۋىستى قازىبەگىم

قاڭقىلداعان قازىم ەدىڭ،

جارقىلداعان جازىم ەدىڭ،

ساڭقىلداعان سۇڭقارىم ەڭ،

قاز داۋىستى قازىبەگىم.

 

جەتى جاستا بيلىك ايتىپ،

ەل الدىندا كورىنىپ ەڭ،

ون ءتورت جاستا بيلىك ايتىپ،

ءتور باسىندا توگىلىپ ەڭ.

 

Əز تəۋكەنىڭ زامانىندا،

"جەتى جارعى" جازىپ ەدىڭ،

قازاعىمنىڭ بار تاريحىن،

شەجىرە بوپ قازىپ ەدىڭ.

 

ۇلىتاۋعا شاقىرىپ اپ،

Əيتەكە مەن تولە ءبيدى،

ماڭدايىڭا باق جازىلىپ،

تاڭدايىڭا ولەڭ ءۇيدىڭ.

 

بار قازاقتىڭ بىرلىگىنە،

قىزمەت ەتتىڭ عۇمىر بويى،

تəۋەلسىزدىك تىرلىگىنە،

ءوزىڭ ايتقان ءتىرىلدى ويى.

 

سارقىلمايتىن سازىم ەدىڭ،

ايتىلمايتىن نازىم ەدىڭ،

قاسقايىپ سەن تۇرسىڭ ءتىرى،

قاز داۋىستى قازىبەگىم.

 

قازاعىمنىڭ ۇرانى بوپ،

شىرقالاتىن جىر ءəنى بوپ،

بەرەكەنىڭ تۇراعى بوپ،

ىرىس-قۇتتىڭ شىراعى بوپ،

جانىپ تۇرعان سازىم ەدىڭ،

قاز داۋىستى قازىبەگىم.

 

قالماقپەنەن شايقاسقاندا،

ەل عىپ كەتكەن قايران بابام،

جوڭعارمەنەن ايقاسقاندا،

جەر عىپ كەتكەن قايران بابام،

ورىسپەنەن ءبىتىستىرىپ،

بەل عىپ كەتكەن قايران بابام،

قىتايمەنەن ءتىل تابىسىپ،

ءتور عىپ كەتكەن قايران بابام.

 

ابىلايعا قورعان بولعان،

قاراكەسەك ورمان بولعان،

سىر بويىندا تۋىپ ەدىڭ،

قاراتاۋدا تارلان بولعان،

ارقاعا كەپ التى الاشقا،

اتىڭ سەنىڭ ارمان بولعان.

 

اتىعايىم، قاراۋىلىم،

بايانداعى بار اۋىلىم،

شىڭعىستاۋ مەن ابىرالى،

قارقارالى - نار اۋىلىم،

اقمولادا دارا نۇرىم،

جاڭاارقادا جاڭا اۋىلىم،

شەت پەن كەنتىم، بالقانتاۋىم،

سارارقادا سان اۋىلىم،

باسىن ءيدى بۇگىن ساعان،

تاعزىم ەتىپ دارا ۇلىم،

 

جەزقازعانمەن قاراعاندى،

جاۋىرتاۋ مەن نۇراداعى،

بالقاش پەنەن سارىشاعان،

ءمولدىر-ءمولدىر تۇماداعى.

 

تورعاي مەنەن سەمەيدەگى،

قىزدىردى ەلىڭ ارقا ءتورىن،

قالدى ءسوزىڭ كومەيدەگى،

قالدى بىزگە قامقا تونىڭ.

 

كەرەكۋ مەن كوكشەتاۋىم،

اتباسار مەن اقشاتاۋىم،

قىزىلجار مەن اقتوعايىم،

تاراقتىلار نوقتادايىن،

بۇگىنگى كۇن تاريحىمدا،

جازىلىپ تۇر حاتقا اعايىن.

 

بۇكىل قازاق تاعزىم ەتىپ،

Əرۋاعىڭا باس يەتىن،

تۇركىستاندا جəننات كورگەن،

قايتالانباس قاسيەتىم.

 

باستاۋىمدى سەنەن الدىم،

بايبورىدەن تاراعانمىن،

قاراتەكە ۇرانىم بار،

مويىنىمدا تۇمارىم بار،

قويىنىمدا قۇرانىم بار.

 

سەنىڭ داۋىسىڭ سياقتانىپ،

قاز داۋىسىم قاڭقىلداسا،

ءبىر تۇيىرشىك قانىڭ بۇگىن،

سۇڭقاردايىن ساڭقىلداسا،

سەنەن قاينار جىرىن الام،

سەنىڭ ارقاڭ ۇلى بابام.

 

350 جىل ءتىرىسىڭ،

قازاعىمنىڭ ءبىر ءپىرىسىڭ،

قولدا بابا əرۋاعىڭمەن،

جاس ۇلىڭنىڭ ۇمتىلىسىن،

جاس ەلىڭنىڭ بۇلقىنىسىن.

 

شومىلامىن شۇعىلاڭا،

تəۋەلسىزبىن دۋلىعاعا،

ەلىم ءبۇتىن، جەرىم تۇگەل،

سەن تۇرعاندا ۇلى بابا،

قاز داۋىستى قازىبەگىم.

باۋىرجان جاقىپ. مەملەكەتتىك "دارىن" سىيلىعىنىڭ جəنە م. ماقاتاەۆ اتىنداعى سىيلىقتىڭ لاۋرەاتى

Abai.kz