استانا. 24 قاراشا. قازتاگ – ەقىۇ-نىڭ ءىس باسىنداعى توراعاسى، قر مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ كورەيا جارتى ارالىنداعى قاقتىعىسقا قاتىسۋشى جاقتاردى پروبلەمالاردى بەيبىت جولمەن شەشۋگە شاقىردى، دەپ حابارلايدى ەقىۇ-نىڭ ۆەناداعى ءباسپاسوز قىزمەتى.

حابارلامادا اتاپ كورسەتىلگەندەي، سارى تەڭىزدەگى جاعدايدىڭ ورشۋىنە بايلانىستى جانە كحدر مەن كورەيا رەسپۋبليكاسىنىڭ اراسىندا ادامداردىڭ قازاسىنا الىپ كەلگەن ارتيللەريالىق اتىس ءجۇرىپ جاتقاندىقتان، ەقىۇ-نىڭ ءىس باسىنداعى توراعاسى، قازاقستاننىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ سەيسەنبى كۇنى ارنايى مالىمدەمە جاسادى.

«ەقىۇ-نىڭ ءىس باسىنداعى توراعالىعى سارى تەڭىزدە قالىپتاسىپ وتىرعان جاعدايدى ۇلكەن الاڭداۋشىلىقپەن قابىلدايدى جانە ەكى جاقتى جاعدايدى ۋشىقتىراتىن، كورەيا جارتىارالىنداعى جاعدايدى كۇردەلەندىرە تۇسەتىن قادامدارعا بارماۋعا شاقىرادى. ەكى جاقتىڭ اراسىنداعى داۋلى ماسەلەلەر كەلىسسوز ارقىلى بەيبىت جولمەن عانا شەشىلۋگە ءتيىس».

استانا. 24 قاراشا. قازتاگ – ەقىۇ-نىڭ ءىس باسىنداعى توراعاسى، قر مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ كورەيا جارتى ارالىنداعى قاقتىعىسقا قاتىسۋشى جاقتاردى پروبلەمالاردى بەيبىت جولمەن شەشۋگە شاقىردى، دەپ حابارلايدى ەقىۇ-نىڭ ۆەناداعى ءباسپاسوز قىزمەتى.

حابارلامادا اتاپ كورسەتىلگەندەي، سارى تەڭىزدەگى جاعدايدىڭ ورشۋىنە بايلانىستى جانە كحدر مەن كورەيا رەسپۋبليكاسىنىڭ اراسىندا ادامداردىڭ قازاسىنا الىپ كەلگەن ارتيللەريالىق اتىس ءجۇرىپ جاتقاندىقتان، ەقىۇ-نىڭ ءىس باسىنداعى توراعاسى، قازاقستاننىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ سەيسەنبى كۇنى ارنايى مالىمدەمە جاسادى.

«ەقىۇ-نىڭ ءىس باسىنداعى توراعالىعى سارى تەڭىزدە قالىپتاسىپ وتىرعان جاعدايدى ۇلكەن الاڭداۋشىلىقپەن قابىلدايدى جانە ەكى جاقتى جاعدايدى ۋشىقتىراتىن، كورەيا جارتىارالىنداعى جاعدايدى كۇردەلەندىرە تۇسەتىن قادامدارعا بارماۋعا شاقىرادى. ەكى جاقتىڭ اراسىنداعى داۋلى ماسەلەلەر كەلىسسوز ارقىلى بەيبىت جولمەن عانا شەشىلۋگە ءتيىس».

ەسكە سالا كەتەيىك، كحدر مەن كورەيا رەسپۋبليكاسىنىڭ قارۋلى كۇشتەرى سەيسەنبى كۇنى يونپحيوندو ارالىنىڭ اۋدانىندا ءبىر-بىرىنە ارتيللەريالىق سوققى جاسادى. وڭتۇستىك كورەيانىڭ بۇقارالىق اقپارات قۇرالدارى حابارلاعانداي، كۇندىزگى ساعات ەكى شاماسىندا كحدر-دىڭ قارۋلى كۇشتەرى يونپحيوندو ارالىنا ارتيللەريالىق سوققى جاساعان، وسىنىڭ سالدارىنان ءۇش وڭتۇستىككورەيالىق جاۋىنگەر قازا تاۋىپ، قىرىقتان استامى جاراقات الدى. وڭتۇستىك كورەيانىڭ ارتيللەرياسى جاۋاپ سوققى جاسادى. سول ۋاقىتتا پحەنيان وزىنە ءبىرىنشى بولىپ شابۋىل جاسالعانىن مالىمدەپ، جاۋاپ شارا قولدانۋعا ءماجبۇر بولعانىن ايتىپ، بار كىنانى قارسى جاققا ارتىپ وتىر.