پرەزيدەنتتىڭ Twitter شاعىن بلوگىندا قالدىرعان جازباسىنا قاراعاندا، اقش سولتۇستىك كورەيامەن بيزنەس جۇرگىزەتىن كەز كەلگەن ەلمەن قارىم-قاتىناسىن دوعارادى.

اقش قارجى ءمينيسترى ستيۆەن ءمنۋچيننىڭ مالىمدەۋىنگە، پحەنيانعا قاتىستى جاڭا سانكتسيالار جيناعىن ۇسىنۋدى كوزدەپ وتىر. Fox News تەلەارناسىنا بەرگەن سۇحباتىندا ول ترامپتى سولتۇستىك كورەيامەن ساۋدانى توقتاتۋعا كوڭىل بولۋگە شاقىردى.

رەسەي پرەزيدەنتى ۆلاديمير پۋتين مەن قىتاي باسشىسى سي تسزينپين كورەي تۇبەگىن يادرولىق قارۋدان تازالاۋعا كۇش سالاتىندارىن مالىمدەدى. سونىمەن بىرگە پۋتين تەلەفون ارقىلى جاپونيا پرەمەر-ءمينسترى سيندزو ابەمەن سويلەسىپ، ايماقتاعى جاعدايدى تالقىلاعان.

3 قىركۇيەكتە سولتۇستىك كورەيا سۋتەگى بومباسىن سىناقتان وتكىزگەنىن جاريالادى. پحەنيان سىناق ءساتتى ءوتتى دەپ مالىمدەدى. سولتۇستىك كورەيانىڭ ورتالىق تەلەۆيزياسىنىڭ حابارلاۋىنشا، ونى قۇرلىقارالىق بالليستيكالىق زىمىراندارعا ورناتۋدى كوزدەپ وتىر.

Abai.kz