ەلباسىنىڭ «بولاشاققا باعدار: رۋحاني جاڭعىرۋ» ماقالاسى اياسىندا جەتىسۋ جەرىندە ىلكىمدى ىستەر اتقارىلۋدا. «رۋحاني جاڭعىرۋ» باعدارلاماسى شەڭبەرىندە الماتى وبلىسىنىڭ اكىمى اماندىق باتالوۆ وبلىس ورتالىعى تالدىقورعان قالاسىندا زيالى قاۋىم وكىلدەرى مەن ارداگەرلەرمەن كەزدەستى، – دەپ حابارلايدى Tengrinews.kz ءتىلشىسى.  

بەيرەسمي كەزدەسۋدى قازاقستان رەسپۋبليكاسى پرەزيدەنتى سىيلىعىنىڭ لاۋرەاتى، اتاقتى جۋرناليست بەيسەن قۇرانبەك جۇرگىزدى. ەركىن فورماتتا ۇيىمداستىرىلعان باسقوسۋعا سەكسەننەن استام ەلباسى ساياساتىن حالىققا ءتۇسىندىرىپ، بەلسەندى ەڭبەك ەتىپ جۇرگەن قوعام قايراتكەرلەرى قاتىستى.

يگى شارادا الماتى وبلىسىنىڭ اكىمى اماندىق عابباسۇلى كەزدەسۋگە كەلگەندەرگە وبلىستىڭ الەۋمەتتىك-ەكونوميكالىق دامۋى جايىندا قىسقاشا اقپارات بەرىپ، اعا بۋىن وكىلدەرىنىڭ قوعام ومىرىنە، اسىرەسە، ەلباسى ماقالاسىندا كورسەتىلگەن نەگىزگى تاپسىرمالاردى اسقان جاۋاپكەرشىلىكپەن ورىنداپ، جاس ۇرپاقتى تاربيەلەۋدە بەلسەندى ەڭبەك ەتىپ، سۇبەلى ۇلەستەرىن قوسىپ كەلە جاتقاندىعى ءۇشىن العىسىن ءبىلدىردى.

– بيىل جەتىسۋلىقتار ءۇشىن جەمىستى جىل بولدى دەپ ويلايمىن. ويتكەنى رەسپۋبليكا بويىنشا 18 ميلليونىنشى تۇرعىننىڭ ءبىزدىڭ ولكەدە دۇنيەگە كەلۋىنىڭ ءوزى ۇلكەن جەتىستىك. سونىمەن قاتار، بيىل قاڭتار-ماۋسىم ايلارى ارالىعىندا وبلىستا ونەركاسىپ سالاسىندا 329,4 ملرد. تەڭگەنىڭ ءونىمى ءوندىرىلدى. ناقتى كولەم يندەكسى 104,4 % قۇرادى. اۋىلشارۋاشىلىعى سالاسىندا دا جاقسى كورسەتكىشتەرگە قول جەتكىزىلدى. قازىردىڭ وزىندە 149,8 ملرد. تەڭگەنىڭ ءونىمى شىعارىلدى. ودان بولەك، وسى كەزەڭ ارالىعىندا وبلىسقا 174,6 ملرد. تەڭگە ينۆەستيتسيا تارتىلدى. ناتيجەسىندە 12 724 جاڭا جۇمىس ورنى قۇرىلدى. ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا كورسەتىلگەن نەگىزگى تاپسىرمالار اياسىندا وڭىرىمىزدە ءتۇرلى جوبالار جۇزەگە اسىرىلۋدا. اتقارىلعان يگى شارالاردىڭ بارلىعى دا سىزدەردىڭ نازارلارىڭىزدان تىس قالعان ەمەس. بۇل شاراعا وزدەرىڭىزدەي ءسوزى سالماقتى، ومىرلىك تاجىريبەسى مول، ۇلاعاتتى جانداردىڭ اتسالىسۋى اسا  قاجەت. بۇل ورايدا، بىرلەسىپ اتقارار ىستەر دە كوپ بولارىنا سەنىمدىمىن. اگرارلى وڭىردە اتقارىلىپ جاتقان جۇمىس ناتيجەسىن وزدەرىڭىز كۇندەلىكتى گازەت-جۋرنالدان، تەلەارنا جاڭالىقتارىنان ءبىلىپ وتىرسىزدار. جاقىندا ەلباسىمەن وتكەن كەزدەسۋدە، جەتىسۋ جەرىندە بيىل اتقارىلعان يگى ىستەر ايتىلدى. اسىرەسە، تۋريزم سالاسىن دامىتۋ جوسپارىندا الاكول ايماعىنىڭ الار ورنى زور. 25 جىلدا تۋريستەردىڭ ەمىن-ەركىن الاكولگە بارىپ، تاماشا تابيعاتتا دەمالۋ ءۇشىن ءۇشارال قالاسىنا قازىرگى زامان تالابىنا ساي اۋەجاي اشتىق. حالىقتىڭ الەۋمەتتىك جاعدايىنا بارىنشا كوڭىل بولگەن پرەزيدەنت ەڭبەگىنە بارىنشا العىس ايتامىز، – دەدى الماتى وبلىسىنىڭ اكىمى اماندىق باتالوۆ.

جەتىسۋدىڭ جەتىستىكتەرى جايلى ءسوز قوزعاعان اماندىق عابباسۇلى نەبارى ءۇش جىلدىڭ ىشىندە قانت قىزىلشاسىنىڭ ەگىندىك القابىن 9 مىڭ گەكتارعا ۇلعايتىلعانىن زور ماقتانىشپەن جەتكىزدى. سونىمەن قاتار، بيىل ءتاتتى تۇبىردەن 300 مىڭ توننا ءونىم الۋ جوسپاردا بارىن دا اتاپ ءوتتى. سونداي-اق، مەملەكەتتىك قولداۋدىڭ ناتيجەسىندە الەۋمەتتىك سالاعا ۇلكەن كوڭىل ءبولىنىپ جاتقاندىعىن تىلگە تيەك ەتتى. ەسكىرگەن نىساندار كۇردەلى جوندەۋدەن ءوتىپ، ماتەريالدىق-تەحنيكالىق بازالارى جاڭارتىلىپ، جاڭادان ساۋلەتى كەلىسكەن عيماراتتار بوي كوتەرگەنى جايلى تولىق اقپارات بەردى. ءوڭىر باسشىسى 44 مەكتەپتىڭ قۇرىلىسى جۇرگىزىلىپ، ونىڭ 35-ءى جىل سوڭىنا دەيىن پايدالانۋعا بەرىلەتىنى جايلى ءسوز قوزعادى. ال اتالعان ءبىلىم وشاقتارىنىڭ 24-ءى ءبىلىم كۇنى ءوز شاكىرتتەرىن قابىلداماق. مەكتەپ تابالدىرىعىن اتتايتىن وقۋشىلار سانى 49 مىڭعا جەتكەنى دە جەتىسۋلىقتار ءۇشىن ۇلكەن جەتىستىك.

وڭىرىمىزدە مەملەكەتتىك-جەكەمەنشىك ارىپتەستىك تەتىكتەرىن ۇتىمدى پايدالانۋدىڭ ناتيجەسىندە مەكتەپكە دەيىنگى ءبىلىم بەرۋ مەكەمەلەرى كوپتەپ اشىلۋدا. مىسالى، ءۇش جىل بۇرىن مەكتەپالدى دايارلىقپەن قامتۋ كورسەتكىشى 64 پايىزدى كورسەتسە، وتكەن جىلى 85, ال بيىل بۇل كورسەتكىش 95 پايىزدى قۇرايدى.

اقساقالدار القاسى ەلباسى ساياساتى اياسىندا الماتى وبلىسى اكىمىنىڭ اتقارعان جۇمىسىنا ريزاشىلىقتارىن ءبىلدىرىپ، الداعى جۇمىستارىنا ساتتىلىك تىلەدى. اقساقالدار تۇرعىن ءۇي ماسەلەسى مەن قالانى گازداندىرۋ جۇيەسىنە قاتىستى سۇراقتار قويدى. قازىرگى تاڭدا نەگىزگى تاقىرىپ وزەگىنە اينالعان گازداندىرۋ جۇيەسى جايلى سۇراققا وبلىس اكىمى تولىققاندى جاۋاپ بەردى. – وڭىردە 2 ميلليون تۇرعىن تۇرادى. ونىڭ 473 تۇرعىلىقتى وڭىرىندە تۇراتىن 1,4 ملن. تۇرعىن تابيعا گازبەن قامتىلادى. بۇگىنگى تاڭدا گازداندىرۋ جۇمىسى 22,8 پايىزدى كورسەتىپ تۇر. وسى ىسپەن اينالىساتىن جەرگىلىكتى اتقارۋشى ورگان بۇل كورسەتكىشتى جىل سوڭىنا دەيىن 26 پايىزعا ورىنداۋى كەرەك، – دەدى الماتى وبلىسىنىڭ اكىمى اماندىق باتالوۆ.

اقساقالدار اتىنان ءسوز العان الماتى وبلىسىنىڭ قۇرمەتتى ازاماتى كەڭەس اۋحاديەۆ، جاستاردىڭ سالت-ءداستۇر مەن ەپوستىق جىرلارداعى باستى كەيىپكەرلەردى ونىڭ ىشىندە قازاق باتىرلارىن ۇلىقتاۋ جولىنداعى كەمشىن تۇستارىن اتادى. بۇل تەك مادەنيەت سالاسىنا عانا قاتىستى بولماۋ كەرەك دەگەن پىكىرىمەن بولىسكەن اقساقال ەلباسى «رۋحاني جاڭعىرۋ» باعدارلاماسىندا وسىنداي كەمشىن تۇستارعا كوڭىل ءبولۋ كەرەكتىگىنە ەرەكشە توقتالعانىن ايتىپ، بولاشاقتا جاس ۇرپاققا تاريح، ادەبيەت سالاسىندا ءبىرشاما جۇمىستارمەن اينالىسۋ كەرەكتىگىن وبلىستىق اكىمدىكتە قىزمەت ەتەتىن جاۋاپتى ماماندار قولعا السا دەگەن ويىن ورتاعا سالدى. وي سالارلىق ۇسىنىستى قۇپتاعان ءوڭىر باسشىسى بۇل ماسەلە «رۋحاني جاڭعىرۋ» باعدارلاماسى اياسىندا الداعى ۋاقىتتا باستى نازاردا بولاتىنىن جەتكىزدى.

وزگە دە سالالار بويىنشا اۋىز تولتىرىپ ايتار جەتىستىكتەرمەن بولىسكەن اماندىق عابباسۇلى زيالى قاۋىم وكىلدەرى مەن ارداگەرلەرگە تاعى دا ريزاشىلىعىن ءبىلدىرىپ، ەل دامۋىنا ۇلەستەرىن قوسقان جانداردىڭ اقىل-كەڭەستەرى مەن كوپجىلدىق ەڭبەك تاجىريبەلەرى اۋاداي قاجەت ەكەنىن ايتتى. اسىرەسە، بولاشاق ۇرپاق تاربيەسىن «رۋحاني جاڭعىرۋ» باعدارلاماسىمەن بايلانىستىرىپ اتالعان باعدارلامادا كورسەتىلگەن تاپسىرمالاردى ورىنداۋدا ۇلكەن سەنىم ارتىلاتىندىعىن تىلگە تيەك ەتتى.

كەزدەسۋ سوڭىندا زيالى قاۋىم وكىلدەرى مەن اقساقالدار بىرقاتار ماسەلەلەر بويىنشا ءوز ويلارىمەن ءبولىسىپ، وبلىس اكىمىنىڭ جۇمىسىنا ساتتىلىك تىلەدى.

Abai.kz