استانا. 25 قاراشا. قازتاگ – ەلەنا پرەوبراجەنسكايا. قر پارلامەنت سەناتىنىڭ دەپۋتاتتارى بەيسەنبى كۇنى «قر زەينەتاقىمەن قامتاماسىز ەتۋ تۋرالى» زاڭعا تولىقتىرۋلار مەن وزگەرتۋلەر ەنگىزۋ تۋرالى» زاڭدى قابىلدادى. ول بويىنشا 2011-ءشى جىلدىڭ 1-ءشى قاڭتارىنان باستاپ زەينەتاقىلىق تولەمدەر 30%-عا ارتاتىن بولادى.

بۇرىن حابارلانعانداي، اتالعان تۇزەتۋلەر مەملەكەت باسشىسىنىڭ 2008-ءشى جىلعى 6-شى اقپانداعى قازاقستان حالقىنا جولداعان – «قازاقستان ازاماتتارىنىڭ ءال-اۋقاتىن كوتەرۋ – مەملەكەتتىك ساياساتتىڭ نەگىزگى ماقساتى» اتتى جولداۋىنا ساي ازىرلەنگەندى.

جولداۋدى ىسكە اسىرۋ ماقساتىندا، 2011-ءشى جىلى 1-ءشى قاڭتاردان زەينەتاقى مولشەرى 30%-عا ارتاتىن بولادى.

ءسويتىپ، قر ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتتەرىنشە، 2011-ءشى جىلى ەڭ تومەنگى زەينەتاقى مولشەرى ت24047, ورتاشاسى – ت35950, ەڭ ۇلكەنى – ت52226 بولادى. بۇگىنگە قازاقستاندا بارلىعى 1 ملن 640 مىڭ زەينەتكەر بار دا، ولاردىڭ 500-ءى - ەڭ تومەنگى، 90 مىڭى - ەڭ جوعارعى زەينەتاقى الادى.

استانا. 25 قاراشا. قازتاگ – ەلەنا پرەوبراجەنسكايا. قر پارلامەنت سەناتىنىڭ دەپۋتاتتارى بەيسەنبى كۇنى «قر زەينەتاقىمەن قامتاماسىز ەتۋ تۋرالى» زاڭعا تولىقتىرۋلار مەن وزگەرتۋلەر ەنگىزۋ تۋرالى» زاڭدى قابىلدادى. ول بويىنشا 2011-ءشى جىلدىڭ 1-ءشى قاڭتارىنان باستاپ زەينەتاقىلىق تولەمدەر 30%-عا ارتاتىن بولادى.

بۇرىن حابارلانعانداي، اتالعان تۇزەتۋلەر مەملەكەت باسشىسىنىڭ 2008-ءشى جىلعى 6-شى اقپانداعى قازاقستان حالقىنا جولداعان – «قازاقستان ازاماتتارىنىڭ ءال-اۋقاتىن كوتەرۋ – مەملەكەتتىك ساياساتتىڭ نەگىزگى ماقساتى» اتتى جولداۋىنا ساي ازىرلەنگەندى.

جولداۋدى ىسكە اسىرۋ ماقساتىندا، 2011-ءشى جىلى 1-ءشى قاڭتاردان زەينەتاقى مولشەرى 30%-عا ارتاتىن بولادى.

ءسويتىپ، قر ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتتەرىنشە، 2011-ءشى جىلى ەڭ تومەنگى زەينەتاقى مولشەرى ت24047, ورتاشاسى – ت35950, ەڭ ۇلكەنى – ت52226 بولادى. بۇگىنگە قازاقستاندا بارلىعى 1 ملن 640 مىڭ زەينەتكەر بار دا، ولاردىڭ 500-ءى - ەڭ تومەنگى، 90 مىڭى - ەڭ جوعارعى زەينەتاقى الادى.

«زەينەتاقى مولشەرىن 30%-عا كوتەرۋ، زەينەتاقىلىق تولەمدەردى ەسەپتەگەندە ەسكەرىلەتىن ەڭ جوعارعى كىرىسكە قويىلعان شەكتەۋدى اەك-لىك (1اەك – 1413 تەڭگە) 32 ەسەدەن 39 ەسەگە دەيىن، ال اسكەري قىزمەتكەر زەينەتكەرلەر ءۇشىن اەك-ءنىڭ 86 ەسەسىنەن 104 ەسەسىنە دەيىن كوتەرىلگەنى قازىر زەينەتتەگى زەينەتكەرلەر مەن جاڭادان شىعىپ جاتقان زەينەتكەرلەر ءۇشىن بىردەي جاعداي تۋدىرادى»، - دەلىنگەن كوميتەتتىڭ قورىتىندىسىندا.

زاڭ جوباسىن ىسكە اسىرۋعا قاجەت قوسىمشا قاراجات «2011-2013-ءشى جىلدارعا ارنالعان رەسپۋبليكالىق بيۋدجەت تۋرالى» قر زاڭىندا قاراستىرىلعان.