تالدىقورعان قالاسىندا «لاتىن قارپىنە كوشۋ - بۇل قازىرگى زامانعى تاڭداۋ» تاقىرىبىندا كەزدەسۋ ءوتتى. وعان ءماسليحات دەپۋتاتتارى، ۇكىمەتتىك ەمەس ۇيىمدار، ساياسي پارتيالار جانە باق وكىلدەرى قاتىستى. جيىننىڭ ماقساتى  قر پرەزيدەنتى ن.نازارباەۆتىڭ  «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ اياسىندا تۇرعىندار اراسىندا لاتىن قارپىنە كوشۋ قاجەتتىلىگى بويىنشا ءتۇسىندىرۋ جۇمىستارىن جۇرگىزۋ جانە لاتىن قارپىنە كوشۋ بويىنشا وزەكتى ماسەلەلەردى تالقىلاۋ.

«ۇلتىمىزدىڭ باسىنان ءۇش الفاۆيت جۇيەسىن وتكەرگەندىگىن بىلەمىز. لاتىن الىپبيىنە كوشۋ تۋرالى وي-پىكىرلەر 1926-1929 جىلداردان باستاۋ العانى بارشامىزعا بەلگىلى. جالپى ەلباسىمىزدىڭ لاتىن الىپبيىنە كوشۋ ساياساتىن قولدايمىن. سەبەبى، لاتىن الىپبيىنە كوشۋدەگى نەگىزگى ۇتىمدىلىق - ءتىل اۋىسپاي، تاڭبانىڭ اۋىسۋى. سونىمەن قاتار  قاراپايىم تىلمەن ايتساق، ءسوزدى نەمەسە دىبىستى قالاي ەستىسەك، جازىلۋىن دا سولاي جازامىز.  قازىرگى تاڭدا عالامنىڭ 70 % لاتىن الىپبيىنە كوشكەن. لاتىن قارپىنە كوشسەك ءبىزدى بۇكىل الەم وقيتىن بولادى»، -  تالدىقورعان قالاسىنىڭ قوعامدىق كەڭەسىنىڭ مۇشەسى  قالامقاس ەسەنقۇلقىزى.

جيىن سوڭى پىكىر-تالاس،  سۇراق-جاۋاپ فورماتىمەن اياقتالدى جانە لاتىن ءتىلى بىرنەشە پارامەترلەر بويىنشا وڭتايلى بولىپ تابىلاتىنى ءسوز ەتىلدى.

Abai.kz