جۇما, 12 تامىز 2022
تالقى 4653 25 پىكىر 15 قىركۇيەك, 2017 ساعات 16:14

جامبىل احمەتبەكوۆ: الەم ەلدەرىنىڭ 75%-دان استامى لاتىن گرافيكاسىن قولدانادى

قازاق ءالىپبيىن لاتىن گرافيكاسىنا كوشىرۋگە ارنالعان پارلامەنت جيىنىنان كەيىن قوعامدا جاڭا ءالىپبيى جوباسى قىزۋ تالقىلانىپ جاتىر. لاتىن گرافيكاسىنىڭ بىرىنعاي ستاندارتىن ەنگىزۋ جونىندەگى جيىندا جاڭا ءالىپبيدىڭ جوباسى ۇسىنىلعان بولاتىن. بۇل جوبا كوپتىڭ كوڭىلىنەن شىقپادى. وسىعان قاتىستى قوعام قايراتكەرلەرى، زيالى قاۋىم مەن ساياساتكەرلەر "Abai.kz" اقپاراتتىق پورتالىنا ءوز پىكىرلەرىن ءبىلدىرىپ جاتىر.

بۇگىن ءبىز  قر پارلامەنتى ءماجىلىسىنىڭ دەپۋتاتى جامبىل احمەتبەكوۆ مىرزانىڭ لاتىن الىپبيىنە كوشۋ تۋرالى پىكىرىن نازارلارىڭىزعا ۇسىنامىز.

جامبىل احمەتبەكوۆ، ءماجىلىس دەپۋتاتى:

-قازاقستاندىق كوممۋنيستەر لاتىن قارپىنىڭ قازاق تىلىنە ورالۋىن قۋانا قارسى الادى.

ءبىزدىڭ جاھاندانۋ مەن اقپاراتتىق تەحنولوگيالار جەدەل دامىپ جاتقان عاسىرىمىزدا ءتىلدى جاڭعىرتۋ ماسەلەسى ەلىمىزدىڭ باسەكەگە قابىلەتتىلىگى مەن يننوۆاتسيالار دەڭگەيى، مەملەكەتتىڭ ينۆەستيتسيالارعا تارتىمدىلىعى مەن اشىقتىعى، ادام كاپيتالىنىڭ دامۋى سياقتى ستراتەگيالىق ماسەلەلەرمەن تىكەلەي بايلانىستى.

ءبىزدىڭ ويىمىزشا، لاتىن قارپىنە كوشۋ ارقىلى مەملەكەتىمىز الەمنىڭ كوپتەگەن ەلدەرىنە اشىعىراق جانە جاقىنىراق بولادى، ويتكەنى قازىرگى زاماندا مەملەكەتتەردىڭ 75%-دان استامى لاتىن گرافيكاسىن قولدانادى.

قازىرگى تاڭدا الەمدە 6 تۇركى مەملەكەتى بار. قازاقستان لاتىن قارپىن قولداناتىن بەسىنشى مەملەكەت بولادى. قازاقستاننىڭ ءازىربايجان، تۇركيا، وزبەكستان مەن تۇرمەنىستان سياقتى ورتا ازيا جانە كاسپي تەڭىزى اۋماعىنىڭ مەملەكەتتەرىمەن ودان ءارى جاقىنداسۋى مەن قارىم-قاتىناستارىنىڭ كۇشەيۋى، بۇل – ينتەگراتسيا مەن كورشىلەس قارىم-قاتىناستاردىڭ كۇشەيۋى بولىپ تابىلادى.

مەنىڭ ويىمشا، لاتىن قارپىنە كوشۋدىڭ بارلىق العى شارتتارى بار. بىزدە 100% جاپپاي ساۋاتتىلىق، كۇندەلىكتى ومىردە ۇيالى تەلەفوندى، ينتەرنەتتى قولدانۋ بارىسىندا ءاربىر قازاقستاندىق دەرلىك ءىس جۇزىندە  لاتىنشا جازادى جانە وقيدى .

«رۋحاني جاڭعىرۋ» باعدارلاماسى جارىققا شىققان بويدا ءبىز ەلىمىزدىڭ ايماقتارىنا ساپار شەگىپ، ءوڭىر تۇرعىندارىمەن كوپتەگەن كەزدەسۋلەر وتكىزىپ، قازاقستاندىقتاردىڭ اتالعان باعدارلاماعا قىزىعۋشىلىق تانىتقاندىقتارىن جانە  بىرىنشى كەزەكتە مەملەكەتتىك ءتىلدىڭ لاتىن قارپىنە كوشۋ ماسەلەسىنە قولداۋ ءبىلدىرىپ وتىرعاندىقتارىن كوردىك.

وتانداستارىمىزدىڭ باسىم كوپشىلىگى ەلباسىنا قولداۋ بىلدىرۋدە جانە لاتىن قارىپنە كوشۋ ءۇردىسىن قاجەت دەپ ەسەپتەيدى.

كۇنى كەشە عانا پارلامەنتتىك تىڭداۋدا جاڭا قازاق الىپبيىمەن تانىسىپ، ءبىز – كوممۋنيستەر، پارتيالاستارمەن بىرلەسە ونىڭ باسىمدىلىقتارى مەن مۇمكىندىكتەرىن تالقىلاپ، ۇسىنىلعان لاتىن قارپىنىڭ  نۇسقاسىن تولىق قولداۋ تۋرالى شەشىمگە كەلدىك.

كوممۋنيستىك حالىق پارتياسى ءوز جۇمىسىندا جاستارعا، اسىرەسە اۋىلدى ەلدى-مەكەندەردەگى جاستارعا ەرەكشە كوڭىل بولەدى.

جالپى، ءبىز بارلىق كۇش-جىگەرىمىزبەن قازاق ءتىلىنىڭ لاتىن قارپىنە كوشۋىن قولداپ، ونىڭ ىسكە اسىرىلۋىن قامتاماسىز ەتۋىمىز قاجەت. ارينە، بۇل جەردە ەڭ نەگىزگىسى بارلىق قوعامدى جۇمىلدىرۋ بولىپ تابىلادى. لاتىن قارپىنە كوشۋ ارقىلى بارلىق تىڭ مۇمكىندىكتەرگە قول جەتكىزەتىنىمىزدى حالىققا ءتۇسىندىرۋىمىز كەرەك. بۇل ءبىزدىڭ ورتالىقتا جانە جەرگىلىكتى جەرلەردەگى ورتاق مىندەتىمىز،

سوندىقتان، مەن – قازاقستان كوممۋنيستەرى اتىنان بارلىق ەل ازاماتتارىن جاڭا قازاق ءالىپبيىن ەنگىزۋ جونىندەگى تالقىلاۋلارعا بەلسەندى قاتىسۋعا شاقىرامىن.

Abai.kz

25 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2083
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2024
ادەبيەت

ءتۇس

ەرعالي باقاش 1710
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2743