جۇما, 12 تامىز 2022
كوكجيەك 5936 87 پىكىر 20 قىركۇيەك, 2017 ساعات 14:45

«لاتىن ءارپى  - ۇلتتىق كودىمىزدى وركەندەتۋدىڭ جولى» مانيفەستى

 

ءبىز  جىلدام دا،  وزگەرمەلى، ديناميكاعا تولى زاماندا   ءومىر سۇرۋدەمىز: اتقان ءاربىر تاڭىمىز توسىن جاڭالىق اكەلىپ، وعان بەيىمدەلۋدى، ماسەلەلەر بولسا، شۇعىل شەشۋدى تالاپ ەتۋدە.

الەمدەگى  بولىپ جاتقان وزگەرىستەردىڭ لەگى  شاپشاڭ. ءبىز جوعارى تەحنولوگيا مەن اقپاراتتار الەمىندەمىز، بۇل جاعداي بىزدەن تەز ءىس-قيمىلدار عانا ەمەس، ۋاقىتتان وزا ءىس- ارەكەت جاساۋدى تالاپ ەتەدى.

سوندىقتان ءبىز، بۇكىل ازاماتتاردى، ۇلتتىق كودىمىزدى ساقتاۋ جانە وزىندىك سانا-سەزىمىمىزدى دامىتۋ ءتارىزدى بىرىنەن ءبىرى اجىراماس  ۇعىمدى بايلانىستىرا وتىرىپ، الدىعا قويعان ماقسات پەن مۇرات كوكجيەكتەرىن كەڭەيتۋگە شاقىرامىز.

بۇگىنگى زامانىمىزدىڭ باستى تەندەنتسياسى – يننوۆاتسيا مەن نوۋ-حاۋ، ءداستۇرلى ەمەس ەنەرگيانى پايدالانۋ، قوعامدىق دامۋ مەن الەۋمەتتىك مودەرنيزاتسيالاۋدىڭ باستى وزەگى بولىپ تابىلادى.

ءبىزدىڭ بالالارىمىزدىڭ وسىنداي  جىلدام دا، وزگەرمەلى ۋاقىتتا  ءومىر سۇرۋگە قابىلەتتى  بولۋى جەتكىلىكسىز، ولار  وسى وقيعالار مەن ۇدەرىستەردىڭ قايناعان ورتاسى مەن توپ باسىندا بولۋى شارت.

سوندىقتان دا، لاتىن ءارپىن ەنگىزۋ ۇلتىمىز ءۇشىن ماڭىزدى، وتە قاجەتتى، ۋاقىت تالابىنا ساي كەلەتىن  جاڭا  اتريبۋت دەپ سانايمىز.

بۇگىنگى ەلىمىزگە  ۇلتتى جۇمىلدىرا الاتىن، زامانۋي اعىمعا سايكەس، جاڭا باعىتتاعى رۋحاني اعىم قاجەت.

بۇل جەردە ءبىز مادەنيەت پەن ونەر، ادەبيەت پەن كينو، مۋزىكا مەن شىنايى شىعارماشىلىق سالاسىن ءبىرىنشى كەزەككە قويىپ ايتىپ وتىرمىز.

لاتىن قارپىن ەنگىزۋدىڭ  ەڭ باستى مايەگى مەن وزەگى، ونىڭ باستى دراماتۋرگياسى وسىندا جاتىر!

جاھاندانۋ پروتسەسسى ءوزىنىڭ جاعىمدى جاقتارىمەن قاتار، ۇلتتىق مادەنيەتتى كورروزياعا ۇشىراتا وتىرىپ، رۋحاني الەمىمىزگە وشپەس سىزات تۇسىرەتىندىگىن دە كورسەتۋدە!

وسىنداي رۋحاني الاپاتى كوپ زاماندا ءومىر ءسۇرىپ قانا قويماي، قارىشتى دامۋ ءۇشىن ءاردايىم دامۋ ۇستىندە بولۋىمىز شارت.

ءبىز الەمدىك مادەني كەڭىستىكتە رۋحاني-مادەني «گەتتوعا» اينالماۋىمىز كەرەك!

لاتىن ءارپىن ەنگىزۋدىڭ ءمان-جايى وسىنداي كۇرەستەن تۋادى!

سونىمەن بىرگە، ءبىز بۇل پروتسەستى كەشەندى عىلىمي تارازىعا سالىپ،  بارشا حالىقپەن كەڭەسە وتىرىپ،  جۇيەلى تۇردە ومىرگە ەندىرۋ قاجەت دەپ ەسەپتەيمىز.

لاتىن ءارپى – ءبىزدىڭ ءداستۇرلى مادەنيەتىمىزدى دامىتۋدىڭ، الەمدىك عىلىمي-تەحنيكالىق، قارجى-ەكونوميكالىق  اينالىمعا  ەنۋ جولىنداعى   «رۋحاني ءليفتى»، ىرگەتاسى بولماق.

ءبىز ازاماتتارىمىزدىڭ بولاشاعىن قولدايتىندىقتان،  لاتىن قارپىن قولدايمىز!

بولاشاعىڭا ات سالىس! 

ابدىعالي بەرىك

اۋەسباي قانات

باپي ەرمۇرات

بايتوق عالىم

بايعۇلوۆ تولەگەن

بەكقوجين يسلامبەك

ەلەۋكەن ەسەن

دومباي قۋات

قاليەۆ تالعات

قوسانوۆ ءامىرجان

كيسيكوۆ بەكنۇر

مامبەتوۆ سەرىك

لوسكۋتوۆا وكسانا

ورىنبەك ايگۋل

وشاقباەۆ راحىم

روجين ماكسيم

تايجان مۇحتار

تولىباەۆ مارات

سارىم ايدوس

سايروۆ ەرلان

ءساتجان دينارا

دوسۋموۆ نۇرلان

سپوتكاي ماكسيم

شوجەەۆا ءازيزا

Abai.kz

87 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2085
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2024
ادەبيەت

ءتۇس

ەرعالي باقاش 1710
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2743