وزبەكستاندا گاز وڭدەۋ زاۋىتى ورتەندى
وزبەكستاننىڭ قاشقاداريا وبلىسىنداعى مۋبارەك گاز وڭدەۋ زاۋتىنىڭ ءوندىرىس تسەحىندا جارىلىس بولدى. قايعىلى وقيعا سالدارىنان كەم دەگەندە ءۇش ادام قازا تاۋىپ، تاعى ءبىر جۇمىسشى اۋرۋحاناعا ءتۇستى.
كۋاگەرلەر بەرگەن مالىمەتتەرگە قاراعاندا، قازا تاپقاندار مەن جارالانعان ادام وسى زاۋىتتا جۇمىس ىستەگەن. ولار تسەحتا مونتاجداۋ-جوندەۋ جۇمىستارىن جۇرگىزگەن. زاۋىتتا جارىلىس سەبەبىن انىقتاۋعا ارنالعان ۇكىمەت كوميسسياسى قۇرىلدى.
جۇمىسشىلاردىڭ ءبىرىنىڭ حابارلاۋىنشا، جارىلىسقا تەحنيكالىق قاۋىپسىزدىكتىڭ ساقتالماۋى سەبەپ بولۋى مۇمكىن.
"تسەحتا پروپان-بۋتان الاتىن قۇرىلعى جارىلعان. بۇل قۇرىلعىنىڭ باسشىسى، سلەسار جانە وپەراتور سول جەردە جان تاپسىردى. تاعى ءبىر جۇمىسشى گازبەن ۋلانىپ، اۋرۋحاناعا ءتۇستى", - دەدى ول.
Abai.kz
