قازاقستان حالقى اسسامبلەياسىنىڭ قولداۋىمەن، «قازاقستان كورەيلەرى قاۋىمداستىعى» رەسپۋبليكالىق قوعامدىق بىرلەستىگىءنىڭ ۇيىمداستىرۋىمەن 21 قىركۇيەك كۇنى الماتى قالاسىندا كورەيلەردىڭ قازاقستاندى مەكەن ەتكەنىنە 80 جىل تولۋىنا جانە قازاقستان رەسپۋبليكاسى مەن كورەي رەسپۋبليكاسىنىڭ اراسىندا ديپلوماتيالىق قاتىناستاردىڭ ورناعانىنا 25 جىل تولۋىنا ارنالعان ءىس-شارالار بولىپ ءوتتى.

مەرەكەلىك كونتسەرتكە دەيىن دوستىق ۇيىندە «قازاقستان كورەيلەرى ەنتسيكلوپەدياسى» كىتابىنىڭ تۇساۋى كەسىلدى. تانىستىرىلعان ەڭبەكتە قازاقستان كورەيلەرىنىڭ تاريحى، مادەنيەتى مەن ءتىلى تۋرالى مۇقيات ىرىكتەلگەن اقپارات قامتىلعان. ماقالالاردىڭ جالپى سانى 3 مىڭعا جۋىق. سونداي-اق، قازاق حالقىنىڭ ءداستۇرلى مادەنيەتى، ونىڭ اسا كورنەكتى تاريحي تۇلعالارى تۋرالى نەگىزگى ەلتانۋشىلىق مالىمەتتەر قامتىلعان ماقالالار بار. دەگەنمەن ەنتسيكلوپەديانىڭ ايتارلىقتاي بولىگى كورەيلەردىڭ ەتنوگرافياسىنا ارنالعان. كىتاپتا كەڭەستەن كەيىنگى كەڭىستىكتى مەكەندەيتىن كورەيلەردىڭ «كورە مار» بىرەگەي اۋىزشا ءتىلىنىڭ نەعۇرلىم كوپ قولدانىلاتىن 872 ءسوزى بەرىلگەن.

تۇساۋكەسەر راسىمىندە قازاقستان رەسپۋبليكاسىنىڭ ءماجىلىس دەپۋتاتى، قازاقستان كورەيلەرى قاۋىمداستىعىنىڭ پرەزيدەنتى كيم رومان ۋحەنوۆ العاش بولىپ قۇتتىقتاۋ ءسوز سويلەدى.

باسىلىمعا نەگىزگى وقيعالاردىڭ بەلگىلى ءبىر تاريحي كەزەڭدەرگە: رەسەيگە قونىس اۋدارۋ (1860 – 1917); كەڭەستىك قيىر شىعىستاعى ءومىر (1917 – 1937); قازاقستان مەن ورتا ازياعا كۇشتەپ كوشىرۋ (1937 – 1941); جاڭا وتاندى تابۋ (1941 – 1991) جانە ەگەمەن قازاقستانداعى ءومىر (1991 – كۇنى بۇگىنگە دەيىن) دەپ  جىلدار بويىنشا بولىنگەن حرونولوگياسى ەنگىزىلگەن.

ەنتسيكلوپەديادا قازاقستان كورەيلەرى تۋرالى نەگىزگى دەرەككوزدەر مەن باسىلىمدار قامتىلعان قىسقاشا بيبليوگرافيا دا بار.

ءىس-شاراعا بارىسىندا قحا توراعاسىنىڭ ورىنباسارى – حاتشىلىق مەڭگەرۋشىسى دارحان مىڭباي قازاقستانداعى كورەيلىكتەر جايىندا جازىلعان، كورەيلەر جازعان ءتۇرلى باعىتتاعى كىتاپتاردىڭ كوپتىگىن، بىراق «قازاقستان كورەيلەرى ەنتسيكلوپەدياسى» ءبىرىنشى رەت جارىق كورىپ وتىرعانىن، سونداي-اق، كىتاپتا كورەيلەردىڭ قازاقستانداعى ءومىرى، تاريحى، وتكەن كەزەڭدەرمەن ورتاق بايلانىسى، ەكى ۇلتتىڭ تاريحتا ۇشتاسقان ساتتەرى جازىلعاندىعىن اتاپ ءوتتى. سونىمەن قاتار، كورەيلەردىڭ بۇگىنگى قازاقستان ءۇشىن ەڭ ءىرى ەتنيكالىق توپتارتىڭ بىرەگەيى ەكەنىن باسا ايتىپ، تاۋەلسىز قازاق ەلىنىنىڭ دامۋ جولىنا قوسقان ۇلەستەرى ءۇشىن العىس ءبىلدىردى.

ساعات 15.00-دە رەسپۋبليكا سارايىندا باستالعان سالتاناتتى جيىندا دەپورتاتسيالاۋدىڭ قيىندىقتارىن باستان كەشىرگەن جانە قازاقستان رەسپۋبليكاسىنىڭ دامۋىنا ۇلەس قوسقان ارداگەرلەرگە قۇرمەت كورسەتىلدى، سونداي-اق،  رەسپۋبليكالىق مەملەكەتتىك اكادەميالىق كورەي مۋزىكالىق كومەديا تەاترىنىڭ ارتىستەرى مەن كورەي رەسپۋبليكاسىنان ارنايى شاقىرىلعان سەۋل قالالىق ءداستۇرلى مۋزىكا وركەسترى ونەر كورسەتتى.

ەرعالي بەرىكۇلى

Abai.kz