2017 جىلدىڭ 19 قىركۇيەگىندە تاراز قالاسىنداعى وبلىستىق قازاق دراما تەاترىندا جامبىل وبلىسى قازاقستان حالقى اسسامبلەياسىنىڭ قولداۋىمەن وبلىستىق گرەكتەر قوعامىنىڭ ۇيىمداستىرۋىمەن گرەك ەتنوسىنىڭ رەسپۋبليكالىق مادەنيەت كۇنى وتتى. ءىس-شارانىڭ ماقساتى - گرەك مادەنيەتىن، ءداستۇرلى ءانى مەن ءبيىن كوپشىلىككە تانىستىرۋ. بۇل كۇنى گرەكيانىڭ قازاقستانداعى ەلشىسى الەكساندروس كاترانيس تا تاراز قالاسىنا ءىس-ساپارمەن كەلگەن بولاتىن. كونە شاھاردا ول «قازاق حاندىعى»، «تاۋەلسىز قازاقستان» مونۋمەنتتەرىمەن، «تاراز ارەنا» سپورت سارايىمەن، «اراي» ماسسيۆىندەگى كوپپاتەرلى كەشەنمەن تانىسىپ، جىر الىبى جامبىل جاباەۆ اتامىزدىڭ ەسكەرتكىشىنە گۇل قويىپ، رۋحىنا قۇرمەت كورسەتتى. بۇدان سوڭ، مەيمان «كونە تاراز» تاريحي-مادەني ورتالىعى جانە دوستىق ءۇيىن دە ارالاپ كوردى. ايتا كەتەرلىگى، الەكساندروس كاترانيستى وبلىس اكىمىنىڭ ورىنباسارى ەرقانات مانجۋوۆ، قالا اكىمىنىڭ ورىنباسارى كەنجەبەك ولجاباي، «قوعامدىق كەلىسىم» كمم باسشىسى رانو ۋبايدۋللاەۆا جانە جامبىل وبلىستىق گرەكتەر قوعامىنىڭ جەتەكشىسى گەورگي بۋيۋكيدي كۇتىپ الىپ، وبلىس ورتالىعىنىڭ كورنەكتى ورىندارىن كورسەتتى.

گرەك ەتنوسىنىڭ رەسپۋبليكالىق مادەنيەت كۇنىنە كەلەر بولساق، جامبىل وبلىستىق گرەكتەر قوعامى بۇل مەرەكەلىك ءىس-شارانى ەكى جىلدا ءبىر وتكىزۋدى داستۇرگە اينالدىرعان. وعان رەسپۋبليكا اۋماعىنان 60 گرەك ەتنوسىنىڭ وكىلى  شاقىرىلدى. ولاردىڭ قاتارىندا الماتى قالاسى، الماتى، وڭتۇستىك قازاقستان، پاۆلودار، قاراعاندى، اقتوبە جانە جامبىل وبلىستارىنىڭ دارىندى ونەرپازدارى دا بار.  سونىمەن قاتار، مادەنيەت كۇنىنىڭ اياسىندا قازاقستاننىڭ حالىق ءارتىسى لاكي كەسوگلۋ ونەر كورسەتىپ، جيىلعان قاۋىمدى پاتريوتتىق اندەرىمەن ءبىر سەرپىلتىپ تاستادى.

جالپى قازاقستاندا 7000-نان اسا ەتنيكالىق گرەكتەر تۇرادى، ونىڭ 2000-عا جۋىعى جامبىل وبلىسىندا. وڭىردەگى گرەكتەر قوعامى العاشقىلاردىڭ ءبىرى بولىپ، 1989 جىلى قۇرىلعان بولاتىن. ايتا كەتەرلىگى، اتالعان ورتالىق قازاقستان حالقى اسسامبلەياسى قۇرىلماي تۇرىپ، ءوز جۇمىسىن باستاپ كەتكەن. سول كەزدەن بەرى، گرەك ەتنوسى وبلىسىمىزدىڭ دامىپ، وركەندەۋىنە ءوز ۇلەسىن قوسىپ كەلەدى. ەلباسى نۇرسۇلتان نازارباەۆتىڭ دانا مەملەكەتتىك ساياساتىنىڭ ارقاسىندا گرەك ەتنوسىنىڭ وكىلدەرىنە ءبىلىم بەرۋ، الەۋمەتتىك، ەكونوميكالىق سالالاردىڭ بارلىعى قولجەتىمدى.

قازىرگى تاڭدا گەورگي بۋيۋكيدي باستاعان جامبىل وبلىستىق گرەكتەر قوعامى وبلىس اۋماعىندا ۇلتارالىق قارىم-قاتىناستى نىعايتىپ، تاتۋلىق پەن كەلىسىمدى ساقتاۋ ماقساتىندا تىنباي ەڭبەك ەتۋدە. بالالاردان باستاپ، ەرەسەكتەرگە دەيىن قازاق، ورىس، اعىلشىن جانە گرەك تىلدەرىن مەڭگەرەدى. بۇعان قوسا، قالامىزدا ەلەنا مالحوسياننىڭ «استەري» حورەوگرافيالىق ستۋدياسى، قاراتاۋ قالاسىندا گرەك اندەرىنىڭ ءانسامبلى جۇمىس اتقارىپ ءجۇر. گرەك ەتنومادەني بىرلەستىگى ۇنەمى قايىرىمدىلىق شارالار ۇيىمداستىرىپ،  وڭىرلىك قازاقستان حالقى اسسامبلەياسىنىڭ ءىس-شارالارىنا بەلسەنە اتسالىسىپ كەلەدى.

ەرعالي بەرىكۇلى

Abai.kz