دۇيسەنبى, 18 قاراشا 2019
الەۋمەت 2832 0 پىكىر 12 قىركۇيەك, 2017 ساعات 14:18

ء"بىز - قازاقستان حالقىمىز"! اسسامبلەيا وكىلدەرى اعىنان جارىلدى

2013 جىلى قازاقستان رەسپۋبليكاسىنىڭ پرەزيدەنتى ن.ءا. نازارباەۆتىڭ جارعىسى بويىنشا جاڭا مەرەكە – وتباسى كۇنى پايدا بولدى. ونىڭ ماقساتى وتباسى قۇندىلىقتارىن جانە وتباسىنىڭ جاعىمدى جاقتارىن ناسيحاتتاۋعا كوڭىل اۋدارتۋ بولىپ تابىلادى. قوعامنىڭ رۋحاني جانە مادەني بولاشاعى وتباسىلاردىڭ يگىلىگىنە تىكەلەي تاۋەلدى، سەبەبى وتباسىندا رۋحاني جانە مادەني قۇندىلىقتار قالىپتاسادى، سونىمەن قاتار جەكە تۇلعا، ودان كەيىن مورالدىق ۇستانىمدار قالىپتاسادى. ءدال وسى وتباسى تاريحتى، داستۇرلەردى ساقتايتىن جانە ءوز مەملەكەتىنە دەگەن سۇيىسپەنشىلىكتى دامىتاتىن مەملەكەتتىڭ ءبىر ەلەمەنتى بولىپ تابىلادى.

وسىعان بايلانىستى، «اقمولا وبلىسىنىڭ ورىس قوعامى» وسىمەن ءۇشىنشى جىل قاتارىنان «باكىتتى شاڭىراك استىندا!» مەرەكەلىك ءىس-شاراسىن وتكىزۋدە، ونىڭ نەگىزگى ماقساتى ۇرپاقتار ساباقتاستىعىن ساقتاۋ، وتباسىن الەۋمەتتىك ينستيتۋت رەتىندە ناسيحاتتاۋ، قىزىعۋشىلىقتاردىڭ ورتاقتىعى نەگىزىندە وتباسىلىق بايلانىستاردى نىعايتۋ، وتباسىلىق داستۇرلەردى قولداۋ جانە دامىتۋ بولىپ تابىلادى.

9 قىركۇيەك كۇنى «كوعامدىق كەلىسىم» كمم قوعامدىق كەلىسىم سارايىندا تاڭ اتپاستان كوپ ادام بولدى: اكت زالىندا بالالارى مەن نەمەرەلەرىن جەتەكتەگەن وتباسىلار جينالدى، گۇلشوقتارىنىڭ ورامالارى ساۋدىرلاپ، مۋزىكا ويناپ جاتتى.

باستاپقىدا استانا قالاسىنداعى عىلىم مەن مادەنيەت ورتالىعىنىڭ باسشىسى ۆيكتور نەفيودوۆ كەلۋشىلەردى مەرەكەمەن شىن جۇرەكتەن قۇتتىقتادى:

- ءبىزدىڭ رەسەيدە وتباسى كۇنى 8 شىلدەدە تويلانادى، ول كۇن «وتباسى، ماحاببات جانە ادالدىق كۇنى» دەپ اتالادى. ول ۇلكەن ەرلى-زايىپتىلىق ماحابباتتىڭ ۇلگىسى جانە وتباسى باقىتىنىڭ قولداۋشىلارى بولىپ تابىلاتىن اۋليەلەر، ەرلى-زايىپتىلار، قاسيەتتى پەتر مەن فەۆرونيانى (مۋرومدىق كىنازدەر) ەسكە الۋ كۇنى. اقمولا وبلىسى ورىس قوعامىنىڭ قولداۋى ارقاسىندا ءبىز وسىمەن ءۇشىنشى جىل كوكشەتاۋ قالاسىندا «ماحاببات پەن ادالدىق ءۇشىن» بەرىلگەن مەدالداردى تابىستاۋ سالتاناتىن وتكىزىپ كەلەمىز.

«اقمولا وبلىسىنىڭ ورىس قوعامى» قب توراعاسى الەكساندر ارتەمەنكو ءوز سوزىندە وتباسى مەن وتباسىلىق قۇندىلىقتاردىڭ كەز-كەلگەن ادامنىڭ ءومىرىن قۇرايتىن ماڭىزدى فۋندامەنت ەكەنىن، ال ماحاببات پەن ادالدىقتىڭ – تاتۋ جانە باقىتتى وتباسىنىڭ بولشەگى ەكەنىن اتاپ ءوتتى. كوكشەتاۋ قالاسىنداعى ارحانگەل ميحايل شىركەۋىنىڭ قىزمەتكەرى كونستانتين قازاقستان قوعامىندا وتباسىنىڭ ماڭىزدى ورىن الاتىنىن، ءتۇرلى ۇرپاقتار اراسىنداعى بايلانىستىرۋشى ساتى، ۇلتتىڭ ادامگەرشىلىكتىك جانە مادەني داستۇرلەرىنىڭ ساقتاۋشىسى ەكەنىن ايتىپ ءوتتى.

ءىس-شاراعا قاتىسۋشىلاردىڭ قولداۋىمەن قازاقستان حالقى اقمولا اسسامبلەياسىنىڭ العىس حاتىمەن جانە «رەسەي فەدەراتسياسىندا وتباسى، ماحاببات جانە ادالدىق كۇنىن» وتكىزۋ بويىنشا ۇيىمداستىرۋ كوميتەتىنىڭ «ماحاببات پەن ادالدىق ءۇشىن» مەدالىمەن ەرلى-زايىپتىلىعى 40 جىلدان اسقان ءتۇرلى ۇلتتارداعى لايىقتى وتباسىلار ماراپاتتالدى، ولاردىڭ ىشىندە: تەرەششۋك، ستاركوۆتار، ماتەلەنوك، احمەتوۆتار، يۋركو، كوريگوۆتار، رۋميانتسەۆتەر، سارايكيندەر، ميحايلەنكولار وتباسى. بۇل ادامدار ون جىلدىقتار بويى ءوز ماحابباتىن ساقتاپ، بالالاردى عانا ءوسىرىپ قويماي، نەمەرەلەرىن تاربيەلەۋگە قاتىستىپ كەلەدى.

ۇرپاقتار ساباقتاستىعىن كورسەتەتىن سالتاناتتى كەزەڭدە ساحنادا وسىناۋ عاجايىپ جانە قاسيەتى مەرەكە - وتباسى كۇنىندە نەكەگە وتىرعان جاس جۇبايلار - پاۆەل كۋلچيتسكي مەن ەۆگەنيا شاماەۆا پايدا بولدى!

قازاقستان حالقى اقمولا اسسامبلەياسى جانىنداعى انالار كەڭەسىنىڭ ءتورايىمى زەرە قيىقوۆا «شاشۋ» شاشىپ، قازاقستان حالقى اقمولا اسسامبلەياسى اتىنان جاس جۇبايلارعا ەستەلىك سىيلىق تابىستالدى.

مەرەكەلىك ءىس-شارا كونتسەرتتىك باعدارلاما ارقىلى جالعاستىرىلىپ، وندا ماڭگىلىك وتباسى، ماحاببات جانە مەيىرىمدىلىك تۋرالى اندەر ايتىلدى!

تاتيانا پياتكوۆا

Abai.kz

0 پىكىر