استانادا وتكەن سامميتكە ماڭعىستاۋ وبلىسىنىڭ اكىمى قىرىمبەك كوشەرباەۆ ەلدەن ەرەك، ەرەكشە «قۇرمەت» كورسەتتى. اكىمنىڭ سامميتكە دەگەن سۇيىسپەنشىلىگى كابينەتىنە سىيماي، قىرىمبەك مىرزانى اقتاۋدىڭ ورتالىق الاڭىنا الىپ شىعىپ، ءسامميتتىڭ پلەنارلىق وتىرىسى اياقتالعانشا اياعىنان تىك تۇرعىزىپ، تاپجىلماي تەلەديدار تاماشالاتتى. ۇلكەن كىسى ءسوز سويلەگەن كەزدە قىرەكەڭ ەرەكشە قۇمارلانىپ، تولقىپ، ەلى مەن ەلباسىنا دەگەن ايرىقشا سەزىمدەرىن جاسىرا المادى دەيدى كوزبەن كورگەندەر. نە دەگەن «مەملەكەتشىلدىك»!

وزگە وبلىستارداعى ارىپتەستەرىنىڭ الدىن وراپ، ەستى باسقا كىرىپ، شىقپاعان جاڭا «داڭعىل» جولدى ويلاپ تاپقان قىرىمبەك كوشەرباەۆتىڭ سامميتكە دەگەن ىستىق ماحابباتى بۇكىل قالاعا جايىلىپ، وبلىس اكىمىنىڭ سامميتكە دەگەن سۇيىسپەنشىلىگىنە سىزات تۇسپەسىنشى دەپ، كوڭىلىن قيماعان قالا تۇرعىندارى مەن ستۋدەنتتەر دە ءوز ىرقىمەن الاڭعا جيىلىپ، ءسامميتتى كورىپ «ءبىر جاساپ قالدى». ابىروي بولعاندا، اقتاۋدا كەرەكۋ نە قىزىلجارداعىداي سارى شۇناق اياز بەن بوران جوق، ءسامميتى بولسا نەبارى ەكى كۇن ءوتتى.

استانادا وتكەن سامميتكە ماڭعىستاۋ وبلىسىنىڭ اكىمى قىرىمبەك كوشەرباەۆ ەلدەن ەرەك، ەرەكشە «قۇرمەت» كورسەتتى. اكىمنىڭ سامميتكە دەگەن سۇيىسپەنشىلىگى كابينەتىنە سىيماي، قىرىمبەك مىرزانى اقتاۋدىڭ ورتالىق الاڭىنا الىپ شىعىپ، ءسامميتتىڭ پلەنارلىق وتىرىسى اياقتالعانشا اياعىنان تىك تۇرعىزىپ، تاپجىلماي تەلەديدار تاماشالاتتى. ۇلكەن كىسى ءسوز سويلەگەن كەزدە قىرەكەڭ ەرەكشە قۇمارلانىپ، تولقىپ، ەلى مەن ەلباسىنا دەگەن ايرىقشا سەزىمدەرىن جاسىرا المادى دەيدى كوزبەن كورگەندەر. نە دەگەن «مەملەكەتشىلدىك»!

وزگە وبلىستارداعى ارىپتەستەرىنىڭ الدىن وراپ، ەستى باسقا كىرىپ، شىقپاعان جاڭا «داڭعىل» جولدى ويلاپ تاپقان قىرىمبەك كوشەرباەۆتىڭ سامميتكە دەگەن ىستىق ماحابباتى بۇكىل قالاعا جايىلىپ، وبلىس اكىمىنىڭ سامميتكە دەگەن سۇيىسپەنشىلىگىنە سىزات تۇسپەسىنشى دەپ، كوڭىلىن قيماعان قالا تۇرعىندارى مەن ستۋدەنتتەر دە ءوز ىرقىمەن الاڭعا جيىلىپ، ءسامميتتى كورىپ «ءبىر جاساپ قالدى». ابىروي بولعاندا، اقتاۋدا كەرەكۋ نە قىزىلجارداعىداي سارى شۇناق اياز بەن بوران جوق، ءسامميتى بولسا نەبارى ەكى كۇن ءوتتى.

نەگىزى، قىرىمبەك مىرزانىڭ سامميتكە سۇيىسپەنشىلىگىنىڭ استارىندا «يىلگەن باستى قىلىش شاپپايدى» دەگەن ۇستانىم جاتسا كەرەك. قوڭىر كۇزدىڭ العاشقى ايلارىندا «ۇكىمەتتە وزگەرىس انە-مىنە بولادى ەكەن» دەگەن ءسوز جەلدەي ەسكەن. سوڭىنان «سامميت وتكەن سوڭ اۋىس-ءتۇيىستى باستايدى-مىس» دەگەن اڭگىمە تاعى شىققان. سونىڭ ءبارى اكىم قىرىمبەكتىڭ ساق قۇلاعى مەن «سەرگەك» ساناسىنا ەل ىشىندەگى سوزدەن بۇرىن جەتسە كەرەك. سودان ۇكىمەتتىڭ سالقىنى ماعان تيە مە دەگەن بويداعى ۇرەيدى جەڭىلدەتۋدىڭ جولىن تاپپاي داعدارىپ وتىرعاندا، ەلدى جيناپ، الاڭدا ءسامميتتى تەلەديداردان تاماشالاۋ كەرەك دەگەن «دانىشپان» يدەيا اكىمنىڭ باسىنا ساق ەت قالعان عوي.

تىكەسىنەن تىك تۇرىپ تەلەديدار تاماشالاعان قىرىمبەك ەلەۋۇلى سونىڭ اراسىندا ءسوز سويلەپ، ءسوزىنىڭ اياعىن جاستارعا قاراتىپ ءبۇي دەپتى:

- سىزدەر، جاستار، وسىنداي تاۋەلسىز ەلدىڭ، قازاق جەرىنىڭ ۇرپاقتارى ەكەندەرىڭىزدى شىن جۇرەكتەن ماقتانىشپەن ايتۋعا مۇمكىندىكتەرىڭىز بار. قۋانىش قۇتتى بولسىن!، - دەپتى.

اللا-اي، استانادا سامميت وتپەگەندە جاستار ءوز ەلىمەن، جەرىمەن ماقتانا الماي قالعانداي ەكەن ءتىپتى، وسىناۋ ەلدىڭ ۇلانى ەكەنىن ماقتانىش سەزىمىمەن سەزە الماي قالا جازداپتى. قىرىمبەك ەلەۋۇلى بولماعاندا ءجاسوسپىرىم ۇرپاقتىڭ وتانسۇيگىشتىك سەزىمى قاراڭ قالعانداي ەكەن-اۋ. مىنە، بولار اكىم...

قىرىمبەك كوشەرباەۆتىڭ «تاپقىرلىعىنا» تاڭداي قاقپاسقا شارا جوق. بۇ كىسىنىڭ تابان استىندا تاماشا نارسە ويلاپ تاپقانى باسقا وبلىس اكىمدەرىنىڭ ىشىنە شوق بولىپ تۇسكەن شىعار-اۋ. ولار كۇيىكتەن ءىشىپ كەتپەسە بولدى...

«اباي-اقپارات»