سەيسەنبى, 25 اقپان 2020
الاڭ 5178 31 پىكىر 27 قازان, 2017 ساعات 09:49

بيلىككە «باري بير» بولعانى ما؟

كەشەلى بەرى باق-تا :«پرەزيدەنت نازارباەۆ بەيسەنبىدە پرەزيدەنت اكىمشىلىگى جەتەكشىسىنىڭ باسشىسى ادىلبەك جاقسىبەكوۆ پەن ونىڭ ورىنباسارى مارات ءتاجيندى قابىلداپ، لاتىن قارپىنە نەگىزدەلگەن قازاق ءالىپبيىنىڭ كەيىنگى نۇسقاسىن بەكىتۋ تۋرالى جارلىق دايىنداۋدى تاپسىردى»- دەگەن اقپارات تاراپ جاتىر.

باسقالاردى قايدام، لاتىن قارپىن بالا كەزدەن وقىپ ۇيرەنگەن ءوز باسىم بۇگىنگە دەيىن جۇرت نازارىنا ۇسىنىلعان قازاقشا لاتىن ءارپىنىڭ قاي نۇسقاسىن دا جۇرەككە جاقىن قابىلداي الماعىنىمدى نەسىنە جاسىرايىن...

مەملەكەت باسشىسىنىڭ ايتۋىنا قاراعاندا، جۇرت نازارىنا سوڭعى ۇسىنىلعان قازاق ارىپتەرىنىڭ جوعارى جاعى جىپىرلاعان «ۇتىرلەردەن» تۇراتىن نۇسقاسىن قابىلداۋ كەرەك كورىنەدى.

سوندا دەيمىن-اۋ: بىرىنشىدەن، ءبىز نەگە سونشالىقتى اسىعۋىمىز كەرەك؟ ونسىز دا شيكىلى-ءپىسىلى دۇمبىلەز دۇنيەنى تەز قابىلداپ جىبەرۋ ءۇشىن  ءبىزدى بىرەۋ الدى-ارتىمىزعا قاراۋعا  مۇرشا بەرمەستەن تىرقىراتىپ قۋىپ كەلە جاتىر ما؟..

ەكىنشىدەن، انا ورتا مەكتەپتەرگە اسىعىس-ۇسىگىس «ءۇش ايىر» ءتىلدى ەنگىزىپ جىبەرگەنىمىز سياقتى، جاس ۇرپاقتىڭ ميىن تاعى دا اشىتىپ جۇرمەيمىز بە؟

ۇشىنشىدەن، لاتىن الىپبيىنە قازاقستاندا جالعىز عانا قازاقتار كوشىپ، قالعان 140 ۇلت، كيريلل ارپىمەن جۇرەتىن بولسا، «حالىقتار دوستىعىنىنىڭ» اراسىنا سىنا قاعىلىپ، قايران كوپ ءتىلدى، كوپ ءدىندى دوستىعىمىزدىڭ كۇلى كوككە ۇشىپ جۇرمەي مە؟

تورتىنشىدەن، قازاقستاندا كونستيتۋتسيا بويىنشا ءبىر عانا ءتىل – قازاق ءتىلىنىڭ مەملەكەتتىك ءتىل ەكەنى تايعا تاڭبا باسقانداي انىق جازىلىپ تۇرسا دا، قازاقستان ءوز تاۋەلسىزدىگىن العان 26 جىل ىشىندە بيلىك 100 پايىز ورىس تىلىنە باسىمدىق بەرگەنى سياقتى، بۇل جولى دا «كيريلل» ارپىنە باسىمدىق بەرىلىپ، لاتىن ءالىپبيى دالادا قالىپ جۇرمەي مە؟

سوندا اشىعىن ايتقاندا، مىنا بيلىككە «باري بير ...» بولعانى ما؟..

جۇماش كوكبورى

Abai.kz

31 پىكىر