.png)
جيەنبەكوۆ يناۋگۋراتسياعا شەتەلدەن قوناقتار شاقىرمايدى
قىرعىزستاندا پرەزيدەنت سايلاۋىندا جەڭىسكە جەتكەن سوورونباي جەەنبەكوۆتىڭ يناۋگۋراتسياسىنا شەتەلدىڭ مەملەكەت باسشىلارى شاقىرىلمايدى. بۇل جونىندە پرەزيدەنت اكىمشىلىگى جەتەكشىسى الماز ۋسەنوۆ مالىمدەدى.
ونىڭ سوزدەرىنشە، بۇل شەشىمگە «الەمدىك تاجىريبەنى ەسەپكە الا وتىرىپ» كەلگەن. بىراق ول سالتاناتتى شاراعا قىرعىزستانداعى بارلىق ەلدەردىڭ ەلشىلەرى شاقىرىلاتىنىن اتاپ ءوتتى.
سوورونباي جەەنبەكوۆتىڭ يناۋگۋراتسياسى 24 قاراشادا وتەدى. ول 15 قازاندا وتكەن پرەزيدەنت سايلاۋىندا سايلاۋشىلاردىڭ 54 پايىز داۋىسىن جيناپ، جەڭىسكە جەتتى.
قىرعىزستاننىڭ قازىرگى پرەزيدەنتى المازبەك اتامباەۆتىڭ ەلدى باسقارۋ مەرزىمى 1 جەلتوقساندا اياقتالادى. 15 قاراشادا اتامباەۆ پرەزيدەنت رەتىندە سوڭعى ءباسپاسوز ءماسليحاتىن وتكىزۋدى جوسپارلاپ وتىر.
Abai.kz
