ۇستاز دەگەن ۇعىم بار، مىنا دۇنيەدە. Iلمەيتiندi iلدiرەتiن، بiلمەيتiندi بiلدiرەتiن. ساناعا اقىل ۇيالاتاتىن، ارماندى الدان قيالاتاتىن. ءومiردi ۇعىنۋىڭا سەبەپ بولاتىن، تiرلiككە كiرiگۋiڭە كومەك بولاتىن. ءار كەزدە ايالايتىن، ءدارiستi ايامايتىن. بىقسىتپايتىن، جاندىراتىن. تۇلعالىق تابيعاتىن ماڭگiلiك قالدىراتىن. ۇعىمى ۇشار بيiكپەن پارا-پار ۇستازدىڭ بiرiنەن بiزدەر دە ءتالiم الدىق. تاعدىر-تالايىمىز سولاي بولدى. اللانىڭ راحىمى تۇسكەن شىعار. باعىمىز جانعان بولار. "ۇستازى جاقسىنىڭ ۇستامى جاقسى", - دەيدi بiزدiڭ جۇرت. جاقسىلىققا ۇمتىلساق، شىعاتىن شىڭىمىزدى انىقتاپ، شىڭىراۋدان جول سiلتەگەن عازيز جاننىڭ تاپسىرماسىنا تاس-ءتۇيiن قاراعانىمىز بۇل. شاكiرتiنەن جەرiنبەيتiن اقيىق اعانىڭ سەنiمiن اقتاۋعا تىرىسقانىمىز.

ۇستازدىڭ داڭقى ەستiلدi الدىمەن. كەشەگi "لەنينشiل جاستىڭ" دالiزiندە ۇستەل تەننيسi تۇرادى ەكەن. ەسەسiن ەشكiمگە جiبەرمەيتiن نەس-اعا چەمپيوندار اۋىلىنىڭ تۇرعىنى كورiنەدi. قالاعىن قولىنا السا بولدى، قاپتالىندا قالىپ قويعىسى كەلمەيتiندەر نامىستارىن قامشىلايدى ەكەن. الايدا الىمدىلار از كەزدەسەدi. تiلشiلiك جولعا تۇسۋگە تالپىنىپ، جۋرفاك جاعالاعاندا ەستiگەن اقپار وسى. تۇرا، تۇرىڭىز. جۇنiسباەۆ الەمiنە ودان ەرتەرەكتە بويلاپپىز.

ۇستاز دەگەن ۇعىم بار، مىنا دۇنيەدە. Iلمەيتiندi iلدiرەتiن، بiلمەيتiندi بiلدiرەتiن. ساناعا اقىل ۇيالاتاتىن، ارماندى الدان قيالاتاتىن. ءومiردi ۇعىنۋىڭا سەبەپ بولاتىن، تiرلiككە كiرiگۋiڭە كومەك بولاتىن. ءار كەزدە ايالايتىن، ءدارiستi ايامايتىن. بىقسىتپايتىن، جاندىراتىن. تۇلعالىق تابيعاتىن ماڭگiلiك قالدىراتىن. ۇعىمى ۇشار بيiكپەن پارا-پار ۇستازدىڭ بiرiنەن بiزدەر دە ءتالiم الدىق. تاعدىر-تالايىمىز سولاي بولدى. اللانىڭ راحىمى تۇسكەن شىعار. باعىمىز جانعان بولار. "ۇستازى جاقسىنىڭ ۇستامى جاقسى", - دەيدi بiزدiڭ جۇرت. جاقسىلىققا ۇمتىلساق، شىعاتىن شىڭىمىزدى انىقتاپ، شىڭىراۋدان جول سiلتەگەن عازيز جاننىڭ تاپسىرماسىنا تاس-ءتۇيiن قاراعانىمىز بۇل. شاكiرتiنەن جەرiنبەيتiن اقيىق اعانىڭ سەنiمiن اقتاۋعا تىرىسقانىمىز.

ۇستازدىڭ داڭقى ەستiلدi الدىمەن. كەشەگi "لەنينشiل جاستىڭ" دالiزiندە ۇستەل تەننيسi تۇرادى ەكەن. ەسەسiن ەشكiمگە جiبەرمەيتiن نەس-اعا چەمپيوندار اۋىلىنىڭ تۇرعىنى كورiنەدi. قالاعىن قولىنا السا بولدى، قاپتالىندا قالىپ قويعىسى كەلمەيتiندەر نامىستارىن قامشىلايدى ەكەن. الايدا الىمدىلار از كەزدەسەدi. تiلشiلiك جولعا تۇسۋگە تالپىنىپ، جۋرفاك جاعالاعاندا ەستiگەن اقپار وسى. تۇرا، تۇرىڭىز. جۇنiسباەۆ الەمiنە ودان ەرتەرەكتە بويلاپپىز.

القىن-جۇلقىن جەتiپ كەلدi. كورشi بالا نۇرجان. قولىندا كiتاپ، بوياۋى ءالi كەپپەگەن. مۇقاباسىنا كوز تاستادىق. "فۋتبولمەن تىنىستاعان يسپانيا". يسپان جەرiندە كەزەكتi مۋنديال اياقتالعانى ءمالiم، وعان قازاق جۋرناليسi ارنايى بارىپ، "لەنينشiل جاس" بەتiندە بiرنەشە ماقالا جاريالاعانى دا ەسiمiزدە. نەس-اعانىڭ قالامىنان شىققان رەپورتاجداردى سۇيسiنە وقىدىق تا. كسرو قۇراماسى ويناعان مالاگا مەن سەۆيليا بۇرىشتارىن تۇگەل جاتتاپ العانبىز. Iرiكتەۋ سىندارىنان iركiلمەي وتكەندەردiڭ تiزiمiن ۇسىن­عاندا دا وزiمiزشە پiكiر جارىستىردىق. ارگەنتينا مەن يتاليانىڭ جانە برازيليانىڭ بiر توپتا ونەر كورسەتەتiنiن ەستiگەندە دەمiمiزدi iشتەن الدىق. ول كەزدەگi وقىرماننىڭ ءجونi بولەك. ۇلكەندەر دە جۇنiسباەۆ جازعان دۇنيەنi قالت جiبەرمەي، وزگەلەرگە جىر ەتiپ شەرتەدi. "قالاي-قالاي سiلتەيدi, ءا", - دەپ الىپ، "لەنينشiل جاستىڭ" سپورت بەتiن قولعا العاندا سiلتiدەي تىناتىنداردىڭ تالايىنان گازەتتiڭ الگi ءنومiرiن ارەڭ سۇراپ الاتىنبىز. تاۋمەن تالاساتىن تاقىرىپتار شە. ەستە قالىپتى. "قايرات ەمەس، قالمۇرات ۇتتى" دەپتi بiردە. "قايراتتىڭ" ماتچى كەزiندە ۇتىسقا كولiك تiگەتiن كەزدە. ونداعان تاقىرىپ، تiپتi ءجۇزi ەسiمiزدە، ۇتىمدى ءارi تاپقىرلىقپەن قويىلعان. باستاپقى ويدان اداسىپ قالمايىق. كiتاپ كەلدi دەدiك قوي. ۇستاپ كورەيiك دەيمiز. "ۇستاۋعا بولادى، الدىمەن مىنا بiر كەرەمەتكە نازار اۋدار". شىنىندا دا كەرەمەت. قازاقتىڭ بالاسى، ول - اۆتور، برازيليا قۇراماسىنىڭ جەي­دەسiن كيiپ الىپتى. الدە ەدەردiكi, الدە سوكراتەستiكi, مۇمكiن فالكاو سىيعا تارتقان كيiم نەس-اعانىڭ ۇستiندە. جانە قۇيىپ قويعانداي، ەكەۋمiز قايراتقا تارتتىق. اياقدوپقا ىنتىق دوسىمىز دا باسىن شايقادى. سوسىن بىلاي دەدi: "مەن بiلسەم دۇنيەدەگi ەڭ باقىتتى ادام - جۇنiسباەۆ. برازيليا فۋتبولشىسىنىڭ جەيدەسiن كوزبەن كورۋ ارمان، ال ونى ۇستاپ كورۋ... ول قيالدىڭ دا قيسىندىسى ەمەس، اۆتور كادiمگiدەي كيiپ العان... ەندi ول باقىت تۋرالى ويلاسا، وندا باقىتتىڭ وزiنەن ءمان كەتەدi. اكەلشi, كiتاپتى ەكi-ءۇش كۇن تۇسىما قويىپ قويايىن، كەيiن وقي جاتارمىز". ءبارiمiز قىزعانىپ تۇرمىز. قايرات بiرiنشi الادى. ۇسىنىستى سول ايتتى. Iشiندەگi مازمۇننان اۆتوردىڭ برازيليا جەيدەسiن كيگەنi كەرەمەت بولىپ تۇر قازiر. ەندi قايرات مىقتى. ونىڭ كiتاپ سورەسiندە برازيليا قۇراماسىنىڭ جەيدەسiن كيگەن اۆتور فوتوسۋرەتi تۇرادى. كورەمiن دەۋشiلەرگە ەسiك اشىق. دەمەك اۋىلداعى بارلىق فاناتتار سۋرەتتi كورۋ ءۇشiن قايراتتىڭ ۇيiنە قاراي اعىلادى. ازiرشە ەشكiمنiڭ وقۋىنا رۇقسات جوق. ۋاقىتشا تيىم سالىنادى. سۋرەتتi ابدەن كورiپ الامىز. سودان كەيiن عانا بەتiن پاراقتاۋعا بولادى. راس، بiراز كۇننەن كەيiن ءبارiمiز وقىپ شىقتىق. العان اسەردi ءبولiسiپ، وي جارىستىردىق. ء"سوز جوق، الماتىعا بارۋىمىز كەرەك. اۆتوردىڭ ايتۋىنا قاراعاندا، جەيدە ونىڭ وزiندە ساقتاۋلى. بارامىز، "لەنينشiل جاستىڭ" رەداكتسياسىن تاۋىپ الامىز. ن.ءجۇنiس­باەۆپەن جولىققان سوڭ جەيدەنi ۇستاپ كورەمiز". التىنشى سىنىپ وقۋشىلارىن الماتىعا جiبەر سالاتىن اتا-انا قايدان تابىلسىن...

نەس-اعانى العاش كورگەندە الگi وقيعا ەسكە ءتۇستi. جەيدەنi سۇراۋعا جۇرەكسiندiك. وعان دەيiن دە، ودان كەيiن دە بiرنەشە كiتاپتار جازدى عوي. بiراق بiزدەر ءۇشiن "فۋتبولمەن تىنىستاعان يسپانيا" ەرەكشە ەدi. "84 جىلدىڭ تەڭدەسسiز 16 كۇنiن" دە ۇلكەن زەيiنمەن وقىدىق. "مەكسيكاداعى فۋتبول تويىن" جاتتاپ الدىق. دەگەنمەن... كەرەمەتتەردiڭ بولا سالاتىنىنا كۇمانمەن قارايتىن كەزدەگi اناۋ سۋرەت ارمان بiتكەننiڭ بيiگiنەن قول بۇلعايتىن. تەك فوتو عانا ەمەس، فوتو سۋرەتتiڭ استىنداعى سوزدەردە سيقىر بار بولاتىن. "ويىن سوڭىنان فۋتبولشىلار مەن جانكۇيەرلەر اراسىندا جەيدە اۋىستىرۋ ءداستۇرi بار.. ..برازيليا قۇراماسىنىڭ بiر جەيدەسi بiزگە بۇيىردى",- دەيدi اۆتور.

العاش كورگەنiمiز دەدiك قوي. سەبەپكەر بولعان تاعى بiر تارلان جۋرناليست باۋىرجان اعا وماروۆ. باعىمىزعا وراي ارنايى كۋرستان ءدارiس وقىدى، سوندا تۇستiك كوزiنە. "مىناۋ دۇرىس ەكەن،- دەدi باۋىرجان اعا، - سەنi ۇيiرiڭە قوسايىن. ەرتەڭ "لەنينشiل جاسقا" كەلە عوي. نەس-اعاعا الىپ بارامىن". ءوزi جاي عانا ايتا سالدى. ال بiزدەر ءۇشiن... ونى بۇگiنگiنiڭ ادامى تۇسiنە بەرمەيدi.. ايتقانعا وڭاي. ابدەن تەرلەدiك، تالايعا ارمان "لەنينشiل جاستىڭ" ەسiگiن قالاي اشامىز. ءراسiمiن كورۋدiڭ ءوزi باقىت سەكiلدەنگەن اياقدوپ جۋرناليستيكاسىنىڭ ساڭىلاعىنا سالەم بەرۋگە جارايمىز با. نە ايتىلادى، نە ايتامىز. قىسقاسى قىرىق قۇبىلىپ، كوك بازاردىڭ قارسى الدىنداعى ءزاۋلiم عيماراتقا ارەڭ جەتتiك. باۋىرجان اعا الىپ كiردi. سوسىن... سوسىن جەتiنشi قاباتتا ورنالاسقان رەداكتسياعا كوتەرiلدiك. ماشبيۋرو قارسىسىنداعى سپورت بولiمiنە باس سۇقتىق. بiز سۋرەتiن عانا كورiپ جۇرگەن نەس-اعا كادiمگi ادام سەكiلدi. كۇلەدi. يا، كۇلiپ قارسى الدى. ارينە، باۋىرجان اعانى بار ىقىلاسىمەن قارسى الدى، بiز سالەم بەرگەندە دە كۇلكiسi جۇزiندە تۇردى. سول ءسات ەلدi ويلادىق. قايرات پەن نۇرجانعا دەرەۋ تەلەفون سوعار ما ەدiك دەپ ارماندادىق. پەلەمەن بiرگە ءجۇرiپ، سوكراتەسپەن قول الىسقان، تەلە سانتانانىڭ اڭگiمەسiن تىڭداپ، رۋممەنيگەنiڭ ويىنىن كورگەن اعامەن بولiسەر سىر الدەقايدا كوپ بولاتىن، ساۋالداردى قارشا بوراتۋعا بار ەدiك. الايدا بiزدiڭ تاراپىمىزدان بiردە-بiر سۇراق قويىلعان جوق. نەس-اعانىڭ ءوزi ءجون سۇرادى. ارتىنشا تاپسىرما بەردi. "دوپقا قالايسىڭ", - دەدi. ءتاۋiر كورۋشi ەدiك. "قازاق بالاسى دوپ تەۋiپ ۇيرەنۋi كەرەك. ول سپورت شىعار، بiراق فۋت­بول­عا شاماسى كەلەتiن ەل ءار سالادا وزىپ شىعادى. دوپ ويناعان توزبايدى". تاۋلiكتiڭ ءار سەكۋندىن تiرلiگiنە ءبولiپ تاستاعان اعا بiردەن تاپسىرماعا كوشتi. "جاز، - دەدi, - شاماڭ كەلسە فۋتبولدى جاز". جازۋ ويدا بولعان، بiراق قالاي جازامىز. نەس-اعا جانە جارتى مينۋتىن قيىپ، قالاي جازۋ جونiندە دە نۇسقاۋ بەردi. "ۋادەلi كۇن كەلەسi اپتانىڭ سارسەنبiسi, iسiڭ ساتiمەن بولسىن، باتىر". العاشقى جۇزدەسۋ نۇكتەسi سولاي قويىلدى. تاپسىرما الدىق، تاقىرىپ بەلگiلەندi. باعىت ايقىندالدى. ەندi جازۋ كەرەك.

ارادا كۇندەر ءوتiپ، سارسەنبi كۇنi "لەنينشiل جاسقا" قايتا كەلدiك. نەس-اعانى تاۋىپ الىپ، جازىپ كەلگەنiمiزدi ۇسىندىق. ء"وزiڭ وقى", - دەدi. وقىپ جاتتىق. تۇرعان ورنىنان قيسايىپ بارىپ، قاتىپ قالدى. كوزiمiز شاراسىنان شىعىپ، قاراپ تۇرمىز. قيسايىپ تۇرعان بەتتە ءوزi سويلەدi, "اۋ-باتىر، بiر جاققا اۋناتىپ قانا توقتادىڭ عوي، اعاڭدى قۇلاتا المادىڭ. سەنiڭ ماقالاڭدى وقىپ تۇرعان جۇرت قۇلاپ تۇسسە، جاقسى جiگiت بولعانىڭ. بiراق بۇگiن قۇلاتا المايسىڭ، قيسايتىپ قويدىڭ، ونىڭ ءوزi تابىس. مەنi قۇلاتا جازداعانى جازۋ شەبەرلiگiڭ ەمەس، ارينە. ۇلت فۋتبولىن iزدەگiڭ كەلiپتi. سوعان عانا قيسايدىم، ايتپەسە تiك تۇرىپ تىڭداي سالۋشى ەدiم. ەندi تاعى iزدەن. "قايراتتىڭ" جاتتىعۋىن كور، كوپ iزدەن. سوندا عانا بiردەڭە شىعادى، ۋادەلi كۇن سارسەنبi. جولىڭ بولسىن". نە دەگەن تاكتيكا. وزگەلەر مىڭ جىلدا قۇيا المايتىن ءدارiستi ەكi-ءۇش مينۋتتىڭ iشiندە لاق ەتكiزدi. بەس اكادەميكتiڭ لەكتسياسىن بiر مەزەتتە تىڭداعانداي اسەردە ەدiك. ءجۇرiپ كەلەمiز، ويلانىپ كەلەمiز. ەندiگi ومiردەگi ەڭ باستى تالاپ ايقىن. ەل قۇلايتىنداي ماتەريال دايىنداۋ. بiرەۋدi قۇلاتۋ تۇگiلi ورنىنان قوزعالتۋ مۇمكiن بە. قۇلاۋدا دا كوپ قيسىن بار، قۇلاي سۇيەتiندەر بار دا، "قۇلاپ قالا جازدادىم", - دەيتiندەر بار.

سارسەنبiدە تاعى كەلدiك. نەس-اعامەن دالiزدە كەزدەسiپ قالدىق. "وقى", - دەدi. اينالا تولى جۇرت. جۇرت بولعاندا قانداي، كiلەڭ قازاق جۋرناليستيكاسىنىڭ ساڭلاقتارى، ولار كۇلiپ جۇرمەي مە. كۇلمەيدi ەكەن، وقىپ جاتىرمىز. اعام كۇلدi. "قۇلاي جازدادىم". سوسىن بولمەسiنە وتتiك. تاقىرىپتى سىزىپ تاستادى دا، ءوزi قويدى. "قايراتتىڭ" وبالى كiمگە". جىميىپ كۇلدi دە، ماشبيۋروعا جول سiلتەدi. كامشات قىز دەمدە باستى. ومiردە تاڭعاجايىپ وقيعالارعا ورىن بار عوي، كوپ ۇزاماي "لەنينشiل جاس" گازەتiنiڭ سەيسەنبiلiك سپورت بەتiندە بiزدiڭ ماقالا شىقتى. سول ساتتەن باستاپ نەس-اعانىڭ شاكiرتi بولىپ شىعا كەلدiك.

كانiگi باپكەر ەكەن، كادiمگiدەي باۋلىدى. داۋىس كوتەرگەن جوق، قاباق تۇيگەن جوق. "امانجان", دەپ قانا باستايدى. ەتيكا، ەستەتيكا، تالعام، تانىم، ەڭ اياعى ەسiكتi قالاي اشىپ، قالاي جابۋ كەرەكتiگiن دە ۇيرەتتi. "لەنينشi جاس" ەسiگiنەن ەنگەن بەتتە، اعالارعا سالەم بەرۋiم پىسىقتالدى. مiندەتتi تۇردە باعدات اتاعا بارۋ كەرەك. اقساقال ەرەكشە مەيiرiممەن قارسى الاتىن. كەيدە مەن جەتكەنشە بولمەلەردiڭ بiرiنە كiرiپ كەتiپ، ەسiگiن جاۋىپ الادى. ناماز وقيدى. وقىپ بولعانشا كۇتiپ تۇرامىز. سالەم بەرگەن سوڭ عانا وزگە شارۋاعا كiرiسە الاسىڭ. نەس-اعانىڭ ءاربiر ءدارiسi جەكە كiتاپقا جۇك. العان ونەگەم ومiرiمە ازىق بولدى. اتادان مۇنداي جاقسى تۋعانداردى تiرلiكتە از جولىقتىراسىڭ. مۇستافانى تاپقاندا قالاي شاتتاندى. ءجۇزi ەرەكشە نۇرلانىپ، كۇنi-ءتۇنi دامىل تاپپاسا دا قۋانىشتى قۇشاعىنان شىعارمادى، ءوزi كەيiن جازدى عوي، "ەلiن ارالاعان ەلiك بالانى". مۇستافا مارقۇم دا نەس-اعانى ەرەكشە قادiرلەدi. "ناعىز قازاق كiم دەگەندە نەسiپ اعانى كورسەتسەڭ تۋرا تۇسەسiڭ", - دەيتiن تاەكۆوندو ساڭلاعى. ءوزi دە تەرەڭنەن قوزعايتىن، ادەپتەن استە وزبايتىن، قازاقى سالت-ءداستۇردiڭ بiلگiرi مۇستافا وزتۇرiك نەس-اعانى ناعىز قازاق ساناسا وندا وزگەلەردiڭ الگi باعاعا كۇمانمەن قاراۋى كۇنا سياقتانادى. مۇستافانىڭ "تiلiن" بiلەتiندەر تىم از ەدi. ونىمەن سويلەسۋگە ورەسi جەتەتiندەر جوقتىڭ قاسى-تىن. نەس-اعانىڭ بولعانى قانداي كەرەمەت. استارلى ويىن ساتiندە ءتۇسiنiپ، باياعىنىڭ شەشەندەرi سەكiلدەنگەن ەكەۋدiڭ اڭگiمەسiن سىرتتاي تىڭداۋدىڭ ءوزi كەرەمەت. جاقىندا جانiبەك كارمەنوۆتiڭ كiتابى جارىق كوردi. "ماحاببات ءانi". جاكەڭ عابيت مۇسiرەپوۆتiڭ ءاندi قاي دەڭگەيدە تۇسiنگەنiن ايتادى. عابيدەن مۇستافيننiڭ كۇيدi قالاي قابىلدايتىنىن سۋرەتتەيدi. ونەردiڭ ءوزiن ورەمەن تۇسiنەتiندەر تۋرالى سىر شەرتەدi. كارمەنوۆ بەلگiلi بiر دوداعا ءانشi رەتiندە تۇسكەن شاقتا كۇي جارىسىن جۇنiسباەۆ قىزدىرىپ جاتادى، ەكەۋi بايقاۋدىڭ ەكi ءتۇرi بويىنشا توپ جارادى. كۇيشiلiككە دە بiرتالاي بويلاعان ۇستازىمنىڭ ونەر مەن مادەنيەت جايلى دارiستەرiنە قانىقپىز.

نەس-اعا 1991 جىلدىڭ قاڭتارىندا رەسپۋبليكالىق "سپورت" گازەتiنiڭ باس رەداكتورى بولىپ تاعايىندالدى. قۇشاق-قۇشاق قاعازدارىن كوتەرiسiپ، جەتiنشi قاباتتان ءتورتiنشi قاباتقا تۇستiك. ەندi رەداكتور جۇنiسباەۆ ءداۋiرi باستالدى. يدەياسى كوپ. بiردە توعىزقۇمالاقتان حالىقارالىق جارىس ۇيىمداستىرۋعا بەل بايلادى. قارجىنىڭ تاپشى كەزi. التايدان ويىنشىلار الدىرماق. موڭعول جەرiندەگi قانداستارعا شاقىرتۋ جiبەرiپ قويىپتى. ولاردى بارناۋلدان قارسى الۋ كەرەك. تاڭداۋ بiزگە ءتۇستi. بيلەتتi الىپ بەردi, iس-ساپارعا شىعارىپ سالدى. كرايكوم باسشىلارىنا حابارلاپ قويعان. نەس-اعانى ولار دا بiلەدi ەكەن، ۇلكەن قۇرمەتپەن قارسى الىپ، موڭعوليادان كەلگەن قوناقتاردى شەكارادان ءوز كولiكتەرiمەن كۇتiپ تۇردى. باۋىرلار قۇجاتىن راسiمدەپ بەرi وتكەندە قازاق جەرiنە قاتىنايتىن پويىزعا وتىرعىزىپ جiبەردi. جۇنiسباەۆ بەدەلiنiڭ مىقتى ەكەنiن سەزiنگەن موڭعوليالىق توعىزقۇمالاقشىلارى "ۇيىمداستىرۋ كوميتەتiندە نويان وتىر ەكەن-اۋ", - دەسiپ، ريزا بولىس­تى.

"سياسى قالامىنىڭ سپورت بول­عان". سامايىنان يدەيا ساۋلاپ جۇرەتiن نەس-اعا سپورت تاقىرىبىنا ولەڭ جازاتىنداردىڭ بايگەسiن ۇيىمداستىرۋدى قولعا الدى بiردە. "سپورت" گازەتiنiڭ بەتiندە. ايتۋلى اقىندارمەن قاتار سپورتتى ونەر دەپ تانيتىن اۋەسقويلار دا ارالاسىپ كەتتi. باس رەداكتور رەداكتسيا قورجىنىنا تۇسكەن دۇنيەلەردi تۇگەل قاراپ، تالداۋ جاساعانى ەسiمiزدە قالىپتى. نەس-اعانىڭ ولەڭنiڭ تەرەڭiنە بويلايتىن ورەلiگi ءوز الدىنا، باياعىنىڭ ىڭعاي توكپەلەرiن تۇگەل جاتتاپ العانى تاعى دا تاڭداي قاقتىردى. ءوزi دە ونەرلi. ايتتىق قوي، دومبىرانى قولىنا ەرتە العانىن، جارىس بارىپ، ولجا سالعانىن. جارىسقا تۇسسە توپ جارۋ قاسيەتi سوناۋ بالا كەزiنەن قالىپتاسىپتى. ەسكە تۇسكەننەن كەيiن تەرمەلەدiك. ال، ايتقىمىز كەلگەنi الگi باستاماسى. سپورتقا قالام تەربەيتiندەر ازايىپ كەتكەن سوڭ سونى قادامعا باردى، باس رەداكتور. ايداردى قالاي تاۋىپ قويدى. سياسى قالامىنىڭ سپورت بولسا. تاپقىرلىعىنا تالايلار ءسۇيسiندi, ءسۇيسiنiپ كەلەدi, سۇيسiنە دە بەرمەك.

جاقىندا قوستانايدىڭ "توبىلى" فۋتبول بiرiنشiلiگiندە چەمپيون اتاندى. كوماندا كاپيتانى نۇربول جۇماسقاليەۆتى تiلشiلەر اڭگiمەگە تارتىپتى. ول بىلاي دەيدi: "مەنiڭ ويىنشى رەتiندە، تiپتi ادام رەتiندە قالىپتاسۋىما بەلگiلi سپورت جۋرناليسi نەسiپ جۇنiسباەۆ سەبەپكەر بولدى. نەسiپ اعاي التىنشى سىنىپتا الماتىعا الدىردى. "نامىس" كومانداسىنىڭ ساپىندا دوپ تەپتiك. شامالعاندا وقىدىق. ناۋقان اعا جاتتىقتىردى. نەسiپ اعا فۋتبولدى وتە تەرەڭ تۇسiنەدi. رۋحاني قۇندىلىقتار جايىندا دا ۇنەمi اڭگiمە ايتاتىن. ءبارiمiز تىڭدادىق. مەن عانا ەمەس. الiبەك بولەشەۆ پەن ايدار كۇمiسبەكوۆ، مۇرات تiلەشەۆ پەن قايرات اشiربەكوۆ جانە وزگەلەر. ءبارiمiز جاقسى جiگiت بولىپ وستiك. بiرiمiز سۇرمەرگەن، ەكiنشiمiز تاسقامال قورعاۋشى دەگەندەي. ۇلتتىق قۇراما كوماندا جەيدەسiن كيدiك. فۋتبولدان ەنشiمiزدi الدىق. مەنiڭ جانە ارiپتەستەرiمنiڭ سپورتشى اتانۋىنا باعىت سiلتەپ، جول اشقان نەسiپ اعاعا العىسىمدى ايتسام دەيمiن. مiنە، قازاقستان چەمپيونى اتاندىم، بۇل سiزدiڭ ەڭبەكتiڭ وتەلگەنi نەسiپ اعا". بۇعان نە الىپ، نە قوساسىز.

نەس-اعا بiز ءۇشiن بيiك شىڭ. شاشاسىنا شاڭ جۇقتىرمايتىن جۇيرiك جۋرناليستiڭ شەبەرلiگi جايىندا ءسوز قوزعاۋعا قۇقىعىمىز جوق. ويتكەنi ونىڭ ورەسiمەن شەندەسە المايمىز. بiر ماقتانىش بار. نەس-اعا - بiزدiڭ ۇستاز. ۇستازى جاقسىنىڭ ۇستامىن قازاق ايتتى. كۇنi بۇگiنگە شەيiن جاز­عانىمىز، ايتقانىمىز ۇستازدىڭ ويىنان شىقتى ما دەپ، الاڭدايمىز. تiكە تەلەفون سوعۋعا جۇرەك داۋالامايدى. سارىتاباقتان قايتار سار­قىت سەكiلدەنگەن نەس-اعامنىڭ ءوز شىعارماشىلىعى سارقىلماق تۇگiلi ورتاي­عان دا جوق. تiپتi تۋعان كۇندi ۇلكەن دوداعا اينالدىرىپ جiبە­رەتiنi, اۋىلدا وليمپيادا ۇيىمداستىراتىنى - ونىڭ تاعى بiر قىرى، قارىمى، قابiلەتi. بiر اتانىڭ بالالارىن جيناپ، دوپ تەپتiرگەنi - جۇمىر جەر ويلاپ تابا الماعان الەۋمەتتiك جانە ساياسي شارا. وسى ەرلiگi ءۇشiن دە ەڭ ۇلكەن ماراپاتتارعا لايىق دەر ەدiك. اتا بالالارى ارازداسىپ قالا بەرەتiن زاماندا بiر اراعايىننىڭ جۇرەتiنi قانداي ابزال. ەلiنiڭ نامىسىن ويلايتىن، بارiنەن دە سونى جوعارى قوياتىن ازاماتتىڭ باسىنان نە وتپەدi? قازاق سپورتىن ورگە ءسۇي­رەۋiنە ورشەلەنە ۇمتىلعان نەس-اعانى الدەكiمدەردiڭ بiراز ۋاقىت شەتكە قاققانى قىنجىلتادى. جاناشىرلىقپەن ايتقان جانايقايىن ۇعۋدىڭ ورنىنا ۇرتوقپاقتى الا جۇگiرەتiنiمiز جامان-اق. بۇدان كiم ۇتتى، كiم ۇتىلدى؟ ارينە، كوسەگەسiن كوگەرتسەك دەيتiن قازاق سپورتى ۇتىلدى. الi دە تىندىراتىن شارۋاڭىز شاش ەتەكتەن، نەس-اعا. قالامىڭىز­عا دا، قارىمىڭىزعا سىن ساعاتى ءتوندi دەپ ەسەپتەڭiز، ەندەشە.

«جاس الاش» گازەتى