اعايىن تۇرىكپەن ەلىنىڭ جاڭا باسشىسى قۇربانعۇلى بەردىمۇحاممەدوۆ جيىرما جىل بويى حالقىن قان قاقساتقان تۇرىكمەنباشى ساپارمۇرات نيازوۆتىڭ اتىن جويۋ ساياساتىن جۇيەلى تۇردە ودان ءارى جالعاستىرىپ جاتىر. وسىلاي كەتە بەرەتىن بولسا تاعى ءبىر جيىرما جىلدان كەيىن «ساپارمۇرات نيازوۆ كىم؟» دەگەن سۇراققا تۇرىكپەن جاستارى «يت ءبىلىپ پە؟» دەپ جاۋاپ بەرەتىن سياقتى.

تۇرىكمەنباشىنىڭ ءتىرى كەزىندە قۇربانعۇلىعا نە ىستەگەنىن بىلمەيمىز. الايدا، تاق مۇراگەرىنىڭ بۇگىنگى تىرلىگىنە قاراپ ءتىسى ابدەن باتقان بولار دەپ پايىمداپ وتىرمىز. تاققا وتىرا سالىسىمەن بەردىمۇحاممەدوۆ ەلدىڭ ەكىنشى اتا زاڭىنا اينالعان «رۋحنامانى» جاتتاتۋدى توقتاتتى. نيازوۆ ەنگىزگەن جاڭا كۇنتىزبەنى جويىپ، ەسكى ءداستۇردى قايتا جاڭعىرتتى. بەيتاراپ رەسپۋبليكانىڭ انۇرانىنداعى تۇركمەنباشى تۋرالى جولداردى الىپ تاستادى. اشگاباتتىڭ قاق ورتاسىندا تۇرعان كۇن تورىعان تۇرىكمەنباشىنىڭ التىن ەسكەرتكىشىن قۇرتتى. نيازوۆ تىيىم سالعان كينو، تسيرك، بالەت ونەرلەرىن قايتا جاڭعىرتتى. باشىنىڭ اتىنداعى «تۇرىكمەنباشى ءناسىلى» اتتى گازەت پەن ونىڭ شەشەسى قۇربانسۇلتان اجە اتىنداعى جۋرنالدىڭ اتتارىن وزگەرتتى.

اعايىن تۇرىكپەن ەلىنىڭ جاڭا باسشىسى قۇربانعۇلى بەردىمۇحاممەدوۆ جيىرما جىل بويى حالقىن قان قاقساتقان تۇرىكمەنباشى ساپارمۇرات نيازوۆتىڭ اتىن جويۋ ساياساتىن جۇيەلى تۇردە ودان ءارى جالعاستىرىپ جاتىر. وسىلاي كەتە بەرەتىن بولسا تاعى ءبىر جيىرما جىلدان كەيىن «ساپارمۇرات نيازوۆ كىم؟» دەگەن سۇراققا تۇرىكپەن جاستارى «يت ءبىلىپ پە؟» دەپ جاۋاپ بەرەتىن سياقتى.

تۇرىكمەنباشىنىڭ ءتىرى كەزىندە قۇربانعۇلىعا نە ىستەگەنىن بىلمەيمىز. الايدا، تاق مۇراگەرىنىڭ بۇگىنگى تىرلىگىنە قاراپ ءتىسى ابدەن باتقان بولار دەپ پايىمداپ وتىرمىز. تاققا وتىرا سالىسىمەن بەردىمۇحاممەدوۆ ەلدىڭ ەكىنشى اتا زاڭىنا اينالعان «رۋحنامانى» جاتتاتۋدى توقتاتتى. نيازوۆ ەنگىزگەن جاڭا كۇنتىزبەنى جويىپ، ەسكى ءداستۇردى قايتا جاڭعىرتتى. بەيتاراپ رەسپۋبليكانىڭ انۇرانىنداعى تۇركمەنباشى تۋرالى جولداردى الىپ تاستادى. اشگاباتتىڭ قاق ورتاسىندا تۇرعان كۇن تورىعان تۇرىكمەنباشىنىڭ التىن ەسكەرتكىشىن قۇرتتى. نيازوۆ تىيىم سالعان كينو، تسيرك، بالەت ونەرلەرىن قايتا جاڭعىرتتى. باشىنىڭ اتىنداعى «تۇرىكمەنباشى ءناسىلى» اتتى گازەت پەن ونىڭ شەشەسى قۇربانسۇلتان اجە اتىنداعى جۋرنالدىڭ اتتارىن وزگەرتتى.

بەردىمۇحاممەدوۆتىڭ «جەكە باسقا تابىنۋدان ارىلۋ» ساياساتىنىڭ جاڭا بەلەسى مۇراعاتتارعا قاتىستى زاڭنامانى تۇزەۋمەن جالعاستى. مىسالى، 2003 جىلى قابىلدانعان مۇراعاتتار تۋرالى زاڭدا تۇرىكمەنباشىعا قاتىستى كەز-كەلگەن قۇجاتتار اسا قۇندى دەپ تانىلىپ، ولار مىندەتتى تۇردە مەملەكەتتىك ساقتاۋعا ءتۇسۋى كەرەك بولاتىن. جاقىندا عانا كۇشىنە ەنگەن وزگەرتىلەر مەن تولىقتىرۋلار بويىنشا زاڭنان تۇرىكمەنباشى تۋرالى باپتار مۇلدەم الىنىپ تاستالدى.

تۇرىكمەنباشىنىڭ تاعدىرى ورتالىق ازيانىڭ باسقا دا باسشىلارىنا ساباق بولۋى كەرەك دەپ ويلايمىز. قانشا جەردەن ماڭگى وتىرامىن دەپ تىراشتانساڭ دا قۇدايدىڭ قولىنداعى ويىنشىق ەكەنىڭ حاق. يتتەي ادال، سەنىمدى دەگەندەردىڭ كوبىسى تۇبىندە «باشىلارىن» اشكەرەلەپ، قارابەت قىلعان. بۇگىننىڭ وزىندە تالايلار قۇربانعۇلىنىڭ ىستەگەندەرىن قاراپ، بارماقتارىن باسىپ جاتسا دا تاڭ قالمايمىز...

«اباي-اقپارات»