بەيسەنبى, 23 قىركۇيەك 2021
«سوقىر» فەميدا 4449 81 پىكىر 16 قاراشا, 2017 ساعات 08:18

توقاەۆ اتامباەۆتىڭ سوڭعى مالىمدەمەسىن سىنادى

قازاقستان پارلامەنتى سەناتىنىڭ سپيكەرى قاسىم-جومارت توقاەۆ قىرعىزستان پرەزيدەنتى المازبەك اتامباەۆتىڭ سوڭعى مالىمدەمەسىن سىنادى. 15 قاراشادا اتامباەۆ قازاقستان بيلىگىن سوگىپ، پرەزيدەنت نۇرسۇلتان نازارباەۆتى "جاسى كەلگەن ديكتاتور" دەپ سيپاتتاعان.

توقاەۆ Twitter پاراقشاسىندا: "اتامباەۆتىڭ كەزەكتى لاس شابۋىلعا تولى دولدانعان ءسوزى كورشىلەردىڭ تاتۋلىعىنا زيان تيگىزەدى. ۇلكەن ساياساتتا مۇنداي ەموتسياعا ورىن جوق. قىرعىزستانعا بلوكادا جاريالاپ جاتقان ەشكىم جوق. ەاەو-نىڭ تالاپتارىن ورىنداۋ كەرەك. كەلىسسوزدىڭ ءمانى - وسى", - دەپ جازدى.

قىرعىزستان پرەزيدەنتى المازبەك اتامباەۆ قازاق-قىرعىز شەكاراسىنداعى جاعدايدى "بلوكادا" دەپ اتاپ، قازاقستان بيلىگىن ايىپتاعان. ازاتتىقتىڭ قىرعىز رەداكتسياسىنىڭ حابارلاۋىنشا، اتامباەۆ بۇل تۋرالى بىشكەكتە ەلدىڭ تۇراقتى دامۋ ستراتەگياسىن تالقىلاعان جيىندا مالىمدەگەن.

7 قازاندا اتامباەۆ كەيبىر پرەزيدەنتتىككە كانديداتتار مەن قازاقستان بيلىگىنىڭ اتىنا قاتار سىن ايتقان. وسىدان كوپ ۇزاماي، 10 قازاندا قازاقستان قىرعىزستانمەن شەكارادا تەكسەرۋدى كۇشەيتىپ، شەكارانىڭ قىرعىز جاعىندا جۇك كولىكتەرىنىڭ كەزەگى پايدا بولعان. ەكى جاق 19 قازاننان باستاپ جولاۋشىلار كولىگى مەن جۇگى بار جولاۋشىلاردى وتكىزۋدى وڭايلاتۋعا ۋاعدالاسقان.

استانا شەكاراداعى تەكسەرۋدى قىرعىزستاننان كەلەتىن "كونتراباندامەن كۇرەسۋ ءۇشىن" كۇشەيتكەنىن ايتادى. بىشكەك قازاقستان شەكارادا "قولدان كەدەرگى جاساپ وتىر" دەپ بىلەدى.

Abai.kz

81 پىكىر