نىعماتۋليننىڭ سوزىنە قاراعاندا، قازاقستان پرەزيدەنتى نۇرسۇلتان نازارباەۆ "باسقالاردان گورى، قىرعىزستان حالقىن قولداپ، كومەكتەسىپ وتىر".

"قىرعىزستان حالقى دا قازاقستان باسشىسىن ءاردايىم جىلى قابىلداپ، العىسىن ايتىپ وتىراتىنىن بىلەمىن. سوندىقتان، اتامباەۆتىڭ بۇل "تۇككە تۇرعىسىز", پوپۋليستىك ءارى جاۋاپسىز مالىمدەمەلەرى باۋىرلاس حالىقتاردىڭ قاتىناسىنا كەسىرىن تيگىزە المايدى", - دەدى نىعماتۋلين.

"اتامباەۆتىڭ وزىنە كەلەر بولساق، پرەزيدەنت بولعان جىلدارى ول ەكونوميكادا، ساياساتتا دا ەشقانداي ناتيجەگە جەتە المادى. ال كەتىپ بارا جاتىپ، ساياسي، سوسىن ىشكى مادەنيەتتەن جۇرداي ەكەنىن كورسەتىپ قويدى", - دەپ مالىمدەدى قازاقستان پارلامەنتى تومەنگى پالاتاسىنىڭ توراعاسى نىعماتۋلين.

قىرعىزستان پرەزيدەنتى قىزمەتىنەن كەتىپ جاتقان المازبەك اتامباەۆ بىشكەكتە 20 قاراشادا وتكىزگەن قورىتىندى ءباسپاسوز ءماسليحاتىندا رەسەي باسشىسى ۆلاديمير پۋتيننەن "قىرعىز-قازاق داعدارىسىنا" ارالاسپاۋىن سۇرادى. قازاقستانمەن شەكاراداعى جاعداي تۋرالى ايتقان اتامباەۆ "بلوكادا" ءسوزىن تاعى قولداندى. بۇعان قوسا ول كورشىلەرگە "بولاشاققا جاقسى ساباق بەرگەنىنە" وكىنبەيتىنىن مالىمدەدى.

Abai.kz