قر مادەنيەت جانە سپورت مينيسترلىگىنىڭ ۇيىمداستىرۋىمەن «ادەبيەت پورتالىندا» ونلاين تۇردە ءى «رۋح» حالىقارالىق ادەبي كونكۋرسى جاريالاندى، - دەپ حابارلايدى اباي-اقپارات ادەبيەت پورتالىنا سىلتەمە جاساپ.

اتالمىش كونكۋرستىڭ ماقساتى –  قر پرەزيدەنتى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىندا كوتەرىلگەن ماسەلەلەردى جۇزەگە اسىرۋعا اتسالىسۋ، قازاق ادەبيەتىن الەمدىك دەڭگەيدە ناسيحاتتاۋ.

كونكۋرستىڭ جۇلدەسى قوماقتى جانە تومەندەگى نوميناتسيالار بويىنشا جاريالانىپ وتىر:

– پروزا جانرى بويىنشا: رومان، پوۆەست – گران-پري – 2 ملن. تەڭگە; 1 ورىن – 1 ملن. تەڭگە;

– پروزا: اڭگىمە، ەسسە – گران-پري – 2 ملن. تەڭگە; 1 ورىن – 1 ملن. تەڭگە;

– پوەزيا: پوەما – گران-پري – 2 ملن. تەڭگە; 1 ورىن – 1 ملن. تەڭگە;

– پوەزيا: توپتاما ولەڭدەر – گران-پري – 2 ملن. تەڭگە; 1 ورىن – 1 ملن. تەڭگە;

– دراماتۋرگيا – گران-پري – 2 ملن. تەڭگە; 1 ورىن – 1 ملن. تەڭگە;

– ادەبي سىن – گران-پري – 2 ملن. تەڭگە; 1 ورىن – 1 ملن. تەڭگە;

– پوەزيا (بالالارعا ارنالعان ولەڭدەر) – گران-پري – 2 ملن. تەڭگە; 1 ورىن – 1 ملن. تەڭگە;

– پروزا (بالالارعا ارنالعان پروزالىق شىعارمالار) – گران-پري – 2 ملن. تەڭگە; 1 ورىن – 1 ملن. تەڭگە.

بايقاۋعا شىعارمالار 5-جەلتوقسانعا دەيىن قابىلدانادى.

ايتا كەتەيىك، كونكۋرسقا قاتىسۋعا قويىلاتىن تالاپتار مەن قاتىسۋدى رەسىمدەۋ، كونكۋرس ناتيجەسىن قورىتىندىلاۋ تۋرالى شارتتارمەن «ادەبيەت پورتالىندا» تولىقتاي جازىلعان.

قازىر كونكۋرستىڭ ءادىل وتكىزۋ تۋرالى ءتۇرلى پىكىرلەر ايتىلۋدا. ولاردىڭ دەنى ادەبي الاماننىڭ بارماق باستى، كوز قىستى بولماۋىن قالايتىندارىن ايتادى.

نۇربەك ءتۇسىپحان، ادەبيەتتانۋشى:

- "رۋح" ادەبي بايقاۋى تۋرالى. ادەبيەتپورتالى قازىر جاڭا شىعارمالارعا تولى. كۇنىنە بىرنەشەۋىن جاريالاپ جاتىر. ءبارىن وقىپ ۇلگەرۋ دە جۇمىسباستى ادامعا قيىن ەكەنى تۇسىنىكتى. ەندى وسى ءبىر بايقاۋدىڭ ءادىل وتكەنىن قالايمىن. وزگە بايقاۋلارمەن سالىستىرعاندا 24 ميلليون تەڭگە از ەمەس، ارينە. ونىڭ شاشاۋىن شىعارماي، قاتىسۋشىلاردى رەنجىتپەي ءبولىپ بەرۋ وڭايعا تۇسپەيدى. سوندىقتان، قازىلار القاسى ءار شىعارماعا ارنايى رەتسەنزيا جازىپ، اسىرەسە جۇلدەگە ىلىنگەندەرگە تولىق تالداۋ جاساسا. مۇمكىن بولسا ءاربىر قازى جەكە-جەكە جازسا. بايگە قورىتىندىسى شىققاندا وسى پىكىرلەرىن توپتاما ەتىپ وسى پورتالعا جاريالاسا. ارينە، بۇدان سوڭ ءتۇرلى پىكىرلەردىڭ كوبەيەتىنى راس. بىراق،جۇلدەنىڭ شىنىمەن جاقسى جازىلعان شىعارماعا بەرىلگەنىنە كوز جەتكىزۋ ءۇشىن وسىنداي اشىقتىق كەرەك سياقتى. بايگەگە قاتىسپاعاندار دا وقىسىن. سالىستىرسىن.

Abai.kz