سەنبى, 19 قازان 2019
جاڭالىقتار 1238 0 پىكىر 27 قىركۇيەك, 2017 ساعات 12:23

ء"تىل شەبەرى - 2017" بايقاۋىنىڭ قورىتىندىسى جاريا بولدى

استانادا ء"تىل شەبەرى - 2017" اتتى رەسپۋبليكالىق بايقاۋى ءوتتى، دەپ حابارلايدى "Abai.kz" اقپاراتتىق پورتالى. 
اتالعان ءىس-شارانى وتكىزۋگە مۇرىندىق بولعان قر مادەنيەت جانە سپورت مينيسترلىگىنە قاراستى ش.شاياحەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى.
ەلباسى ن.ءا. نازارباەۆ ءوزىنىڭ "بولاشاققا باعدار: رۋحاني جاڭعىرۋ" ماقالاسىندا "ەگەر جاڭعىرۋ ەلدىڭ ۇلتتىق-رۋحاني تامىرىنان ءنار الماسا، ول اداسۋعا باستايدى" دەگەن بولاتىن. ياعني، رۋحاني جاڭعىرۋدىڭ نەگىزى تىلدەن باستالادى دەسەك، ء"تىل شەبەرى-2017" بايقاۋى قازاقستاندىقتار اراسىندا پاتريوتتىق سەزىمنىڭ قالىپتاسۋىنا ۇلكەن ءرول اتقاراتىنى انىق.

«ءتىل شەبەرى-2017» ءداستۇرلى بايقاۋى ءۇش ءتىلدى جەتىك مەڭگەرگەن، جان-جاقتى ءبىلىمدى ءام ءوز سالاسىنىڭ كاسىبي مامانى دەپ سانالاتىن ۇزدىك جاستارعا قولداۋ كورسەتۋ ماقساتىندا جۇزەگە اسىپ كەلەدى.

انىعىندا كەز كەلگەن مەملەكەتتىك قىزمەتشى تىلگە شەشەن، سوزگە جاتىق بولۋى شارت. كوممۋنيكاتسيالىق قىزمەت وكىلدەرى ءۇشىن بۇل قاعيدا اسىرەسە ماڭىزدى.

سوندىقتان ەربول تىلەشوۆ مىرزا تىزگىنىن ۇستاپ وتىرعان ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى مۇنداي شارالاردى ءجيى ۇيىمداستىرىپ كەلەدى.

ايتا كەتەيىك، بيىلعى سايىستا 21 مەن 29 جاس ارالىعىنداعى 18 ۇمىتكەر ءوزارا باق سىنادى.

بايقاۋ شارتىنا ساي قاتىسۋشىلار «تۇساۋكەسەر»، «ۇلتتانىم»، «ونەرتانىم» بولىمدەرى بويىنشا باق سىنادى. باستى ۇستانىم- ولاردىڭ ءۇش ءتىلدى مەڭگەرۋ دەڭگەيى مەن تىلدىك نورمانى ساقتاۋى، ورفوگرافيالىق جانە ورفوەپيالىق ساۋاتتىلىقتارىنا كوڭىل اۋدارىلدى. سونىڭ ىشىندە مەملەكەتتىك ءتىلدى جەتىك ءبىلۋى قازىلار القاسىنىڭ نازارىندا بولدى.

جارىس قورىتىندىسى بويىنشا  قر جوعارعى سوتىنىڭ مامانى ارىستانبەكوۆ نۇرداۋلەت  باس جۇلدەنى قانجىعاسىنا بايلادى (350 مىڭ تەڭگە). ال ءبىرىنشى ورىن - قر مەملەكەتتىك كۇزەت قىزمەتىنىڭ وفيتسەرى ءابدىرامانوۆا گۇلجاينانىڭ (200 مىڭ تەڭگە) ۇلەسىنە تيسە، ەكىنشى ورىندى قر ۇلتتىق بانكىنىڭ باس مامانى وسكەنباەۆا ايگەرىم ەنشىلەدى(150 مىڭ تەڭگەنى).

ال قر دەنساۋلىق ساقتاۋ مينيسترلىگىنىڭ ساراپشىسى مۇحامەتبەك باقجان ءۇشىنشى ورىندى جانە 100 مىڭ تەڭگە كولەمىندە اقشالاي سىيلىقتى قانجىعاسىنا بايلادى.

سونىمەن قاتار، قر ادىلەت مينيسترلىگىنىڭ ساراپشىسى قۋانىشبەك شىنار مەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى، پەرسونالدى باسقارۋ جانە اقپاراتتىق قاۋىپسىزدىك ءبولىمىنىڭ ساراپشىسى ابىلتاەۆ عابيت 50 مىڭ تەڭگە ىنتالاندىرۋ سىيلىعىمەن ماراپاتتالدى.

ايتا كەتەيىك، اتالعان سايىس ءداستۇرلى تۇردە  ۇيىمداستىرىلىپ تۇرادى.

Abai.kz

 

0 پىكىر